السلام عليكم اخواتي
اليوم عملت حلوى الملفوف لكن بوصفة جديدة تختلف عن الوصفة السابقة وتجي احسن منها ذوقا وشكلا
المقادير
العجينة:
400غ مرقرين،200غ زبدة ستار،كاس سكر رطب،4بيضات الصفار نعملوه في العجينة والبياض في الحشو،2خميرة،فاني،كيلو فرينة،9ملاعق كبار حليب سائل
الحشو:
2كاس نواد كوكو،كاس سكر رطب،4ملاعق كاكاو،4بياض بيض،كمية من الماء
الطريقة:
نحضر اولا الحشو نخلط النوادكوكو والسكر رطب والكاكاو ونرحيهم في الروبو وهذا لتسهيل عملية بسطه على العجينة نحط في اناء ونضيف بياض البيض وكمية من الماء لازم الحشو يكون
مطلوق شوية لتسهيل عملية بسط على العجينة
من جهة نحضر العجينة نخلط المرقرين والزبدة والسكر نخلط جيدا ثم نضيف صفارالبيض والحليب ثم الفاني والخميرة والفرينة
نقسم العجينة على ثلاث او اربع كرات
نستعمل النايليون نرش بشوية فرينة ونبسط العجينة بالحلال ويمكن نمسح الحلال بالفرينة لتسهيل بسط العملية ونرقها على قد ما نقدر كما هو موضح
https://
ثم نضع كمية لاباس بها من الحشو ونبسط على العجينة
https://
نبدا نلف العجينة غير بالعقل ونحسب 6لفات ونقطع
https://
نتحصل على حربوش كما في الشكل
https://
بعد ما نكمل العجينة نحط الحرابش في الثلاجة لتسهيل عملية القطع
بعدها نقطعهم مربعات وندخلهم يطيبو في الفرن على درجة حرارة 180درجة لما يطيبو من الاسفل نشعل من فوق حتى ياخذو لون خفيف فقط
://
://
بعد ما يبردو تماما نغطسهم في شكولة مذوبة على حمام مائي ونزينهم من فوق حسب الرغبة وهذا شكلهم النهائي
https://
وهذا شكلهم من الداخل
https://
نتمنى تعجبكم الحلوى وتجربوها
لاتنسوني اخواتي من صالح دعائكن خاصة ونحن في هذه الايام المباركة </B></I>
روووووووووعة اختي لكن قوليلي الزبدة تاع ستار اذا لم اسنعملها يخرجلي مليح او اعطيني نصصصصيحة لانه ماعنديش زبدة الستار يمكن تعويضعها ارجوك انا في انتظارك حلوتك هبلتني
جزاك الله خيرا ووفقك لما تريدين
الله يعطييك الصحة والله شاببة بزااف
الله يعطيك الصحة اختي جاك هايل
|
المشاركة الأصلية كتبت بواسطة نسمة النسيم
 روووووووووعة اختي لكن قوليلي الزبدة تاع ستار اذا لم اسنعملها يخرجلي مليح او اعطيني نصصصصيحة لانه ماعنديش زبدة الستار يمكن تعويضعها ارجوك انا في انتظارك حلوتك هبلتني
جزاك الله خيرا ووفقك لما تريدين |
بارك الله فيك اختي نسيمة على المرور
بالنسبة للحلوى عطتهالي اخت تعمل الحلويات وفيها مزيج الزبدة والمرقرين لكن نظن تنجحلك بالمرقرين فقط
يعطيك الصحة هايل وصح عيدك
السلام عليكم اختي روغة الله يبار قوليلي الحليب السائل يعني نيسلي وذا نقدر نعوض بحاجة اخرى قوليلي شكرا
raw3aaaaaaaaaa merciiiiiiiiiiii
يعطيك الصحة اختي ممكن نسالك الشيكولا البيضاء لي زينتي بها كيفاش اعملتيها
بارك الله فيك يعطيك الصحة
حلوة متقونة تسلمي
روعة هل يمكنني اختي استعمال فقط 400 مرغرين بلا زبدة ستار
تحفة ام اماني بارك الله فيك واثابك الفردوس الاعلى
اللهم انك عفو تحب العفو فاعف عنا
ام اماني اذا ممكن تقوليلي اسم الشيكولا نوار الي درتيها
الله خليك لينا روعة مشكورة
عجبني بزاف الله يبارك
واش هي زبدة ستار؟
وعلاش قسمتي العجينة ؟؟