السلام عليكم اخواتي
كيف حالكن غالياتي ان شاء الله كاااامل راكم بخير
حلوى اليوم اقتصادية وبنينة ومناسبة للافراح والمناسبات وتقطع كمية مليحة وكنت وعدتكم اني نحطها قبل
اسمحولي على التأخير كان عندي مشكل في اللاب توب
المقادير:
250غ زبدة،250غ كاوكاو محمص ومرحي رقيق،250غ جلجلانية محمصة،2صفار بيض،نصف كاس سكر رطب،1خميرة كيميائية،3 م ك كاكاو،فرينة
الكريمة:
100غ زبدة،م ك كاكاو،كمية من السكر الرطب او العسل
للتزيين:
شكولة ،عجينة اللوز الاصطناعية
الطريقة:
بواسطة الخلاط الكهربائي نحرك الزبدة مع السكر الرطب جيدا نضيف صفار البيض ونستمر في التحريك ثم نضيف الكاوكاو والجلجلانية والخميرة ونشيح بالفرينة
نبسط العجينة بالحلال ولازم تكون رقيقة شوية لان فيها الخميرة ونشكلها باي طابع انا استخدمت طابع على شكل قلب
ندخلها للفرن تطيب بعدها نخرجها ونخليها تبرد.
في هذا الوقت نحضر الكريمة
بالنسبة للزبدة انا استعملت ستار في هذا الكريمة وممكن نستعمل فلوريال
نخلط الزبدة مع الكاكاو بالباتور ونضيف تدريجيا السكر الرطب او العسل حسب الذوق
بعدها نلصق الحلوى كل زوج حبات بالكريمة يلزم تكون كمية الكريمة مليحة لانها تعطي بنة للحلوى
من جهة نذوب الشكولة على حمام مائي ونضيفلها كمية قليلة من الحليب
انا استعملت هذا النوع من الشكولة هايلة
https://
نغطسها الحلوى من فوق في الشكولة ونحطها فوق مشبك حتى تجف
في هذا الوقت ناخذ كمية من عجينة اللوز الاصطناعية نضيفلها شوية نشاء وشوية لوز مرحي غبرة والسر في اللوز ان عجينة اللوز تبقى طرية مهما طالت المدة من تحضيرنا للحلوى
نضيف كمية من الملون الابيض لعجينة اللوز ونشكل وردات كبار شوية
ونضيف كمية من الكاكاو ابقية العجينة ونشكل وردات صغار
وهذا شكل الطابع المستعمل
نحط الوردة البنية داخل البيضاء ونحط داخلها عقاش فضي
نلصق الوردات فوق الحلوى ونزين بخطوط من الشكولة البيضاء والملمع الفضي ونقدمها في ليكيسات
وهذا شكلها النهائي
عن قرب
نتمنى تعجبكم الحلوى ولاتنسوني اخواتي من صالح دعائكن
ملاحظة
هذا الكمية تقطع حوالي 50حبة وهذا حسب حجم الطابع المستخدم
في امان الله
في امان الله
وااااااااااو مع الصباح قابلني هذا الجمال كله ما شاء الله عليك يا اختي حلوياتك كلها حطة وبريزونتابل
اختي انا هادو الايام شريت شكولاطة نتاع كنزو جربتيها من قبل وتخرجلي مليحة كيما تاعك ؟؟؟؟؟؟؟؟؟؟؟؟؟؟؟؟
ماشاء الله عليك حبيبتى كل يوم نستناك تحطيها بوركت وبوركت يمناك وجعل الله ايامك كلها افراح
|
المشاركة الأصلية كتبت بواسطة ام يسرا
 وااااااااااو مع الصباح قابلني هذا الجمال كله ما شاء الله عليك يا اختي حلوياتك كلها حطة وبريزونتابل
اختي انا هادو الايام شريت شكولاطة نتاع كنزو جربتيها من قبل وتخرجلي مليحة كيما تاعك ؟؟؟؟؟؟؟؟؟؟؟؟؟؟؟؟ |
اهلا غاليتي
الله يسلمك اختي
بالنسبة للشكولة كنزو ايضا مليحة سبق وجربتها هذي ايضا هايلة يعجبني لونها
شكراااا
شكرا لمروركن غالياتي نورتن صفحتي
روووووووووووووعة الله يبارك احلى تقييم لاحلى ام اماني
اللله الله الله هاد الابداع مولاتو معروفة سبحان الله
ربي يبارك فيك ام اماني و يليك لينا ولولادك وكل احبابك
الله يبارك ام اماني دائما متالقة يعطيك الصحة
بارك الله فيك راح نكنزها للعيد ان شاء الله
تشكري على الوصفة الرآآئعة ودمتي متالقة
الله بارك
دمتي متألقة حبيبتي
أحبك في الله
|
المشاركة الأصلية كتبت بواسطة ام اماني77
اهلا غاليتي
الله يسلمك اختي بالنسبة للشكولة كنزو ايضا مليحة سبق وجربتها هذي ايضا هايلة يعجبني لونها شكراااا |
بارك الله فيك على الرد والاهتمام