السلام عليكم اخواتي
بعد غياب طويل عن المنتدى لاسباب خاصة رجعت والحمد لله
توحشتكم بزااااااف ان شاء الله راكم كااااااامل بخير
نشكر كل الاخوات لي سألو عليا الحمد لله راني لاباس
جبتلكم حلوى جديدة تسمى بحلوى الطربوش اقتصادية وتحمر الوجه في المناسبات السعيدة
نعملها في قوالب خاصة نحشيها حسب الرغبة ونغطسها في الشكولة ونزينها بالطلية وحلوى التوت لتأخذ شكل الطربوش
اذن نبدأ على بركة الله في تحضير هذا الحلوى
المقادير:
250غ مرقرين
نصف كاس سكر رطب
نصف كاس بندق محمص ومرحي رقيق وممكن نعوضه باي نوع اخر من المكسرات
بيضة +صفار بيضة
فاني
فرينة
الطريقة:
بواسطة الخلاط الكهربائي نخلط المرقرين والسكر جيداا نضيف البيضة وصفار بيضة ونحرك ثم البندق والفاني ونلم بالفرينة
بالنسبة للقوالب عبارة عن اكواب صغيرة راهي متوفرة في الاسواق يمكن نعمل بها عدة انواع من الحلوى ان شاء الله نحطلكم انواع اخرى بنفس القوالب وبافكار مختلفة
://
راح نأخذ كمية من العجينة ونبسطها في الاكواب
ندخلها للفرن تطيب على 180د وهذا شكلها بعد الطهي
من جهة نبسط العجينة المتبقية ونقطع دوائر بعدد الاكواب
بعد مانطيب الدوائر نخليها تبرد
بالنسبة للحشو نذوب الكابريس مع شوية حليب ونضيف كمية من نيسلي كرامليزي وكمية من نوتيلا ونحشي الاكواب
نحط كمية قليلة من الشكولة الذائبة على اطراف الكوب ونغلق بالدائرة هكذا
https://
ونخليها تنشف حتى كي نقلبها الحشو يبقى للداخل
بالنسبة للشكولة انا استعملت النوار باه ماتجيش الحلوى حلوة بزاف لانها محشية
اذن نذوب الشكولة نوارانا ضفتلها كمية قليلة من الشكولة بالحليب لان اولادي مايحبوش الشكولة نوار ونقصت شوية من كمية الحشو
نغطس الحلوى في الشكولة ونقلبها على جهة الدايرة لي لصقناها ونخلوها تنشف
https://
من جهة نحضر الطلية لي نزين بها
نخلط كمية من بياض البيض مع السكر الرطب والفاني والملوى الاحمر ونزين بهذا الشكل
://
في المنتصف نزين بحلوى التوت ونقدمها وهذا شكلها النهائي
شوفو شكلها ما احلاهوالذوق امممممممم
://
عن قرب
ان شاء الله تعجبكم الحلوى وتجربوها
ولاتنسوني اخواتي من صالح دعائكن
في امان الله
wawe la reccette
مرحبا بك من جديد توحشناك و مبدعة كالعادة ربي يجعل واش راكي تقدمي صدقة جارية ليك و لوالديك و يحفظك و يخليك لوليداتك
راني حطيت الحلوى بالخطوات المصورة اي سؤال انا في الخدمة
الله يسلمك اختي انا ايضا توحشتكم بزاااااف
ان شاء الله يكون اخر غياب عليكم
روعة شكرا جزيلا لكي اختي بارك الله فيك دائما مبدعة كعادتك
ممكن تقليلي هاد المقادير فداش خرجتلك من حبة
رووووووووووووعة ام اماني ربي يبارك لك معك غير الجديد عزيزتي
وعليكم السلام ورحمة الله وبركاته
الحمد لله على السلامة وان شاء الله آخر الغيبات
شكرا على الوصفة الرائعة مثلك
سؤال:
القوالب حجمهم كبير او صغير ؟
وهذا المقدار كم حبة فيه؟
واااااااااااااااااااااو رائعة كروعتك حبيبتي وعودة ميمونة ان شاء الله
روعة احتي وصفاتك كلها في القمة وناجحة جربت بريوشك هبلوا عليه دارنا انصحك ديري كتاب طبخ ستنجحين
رووووووووووووووووووووووووووووووووووووووووووووووووو ووووعة رانا توحححححححححححححححححححححححححححححححححححححححححححححححح حححححححححشنااااااااااااااااااااااااااااااااااااااا اااااااااااااااااك وونقولك كل البيوت الجزائرية فى هاد العيد كان فيها حلويااااااااااااااااااااااااااااااتك ربي يخلييييييييييييييييييييييييييييييك
شكرا جزيلا اختي ام اماني يعطيك الصحة وجزاك الله كل خير.
خدمت حلوة بهد القوالب بوصفة مختلفة بيمو شكل حرت واش ندير جيتي في الوقت مناسب يعطيك الصحة
هايل هايل حنا في سطيف قولولو حلوة التوتة
بصح من يديك طلع احلى واحلى
واووووووووووووووووووووووووو رجعت بتقليشة هيييييييييييييييييييييييييييي تحفة الله يحفظك
عودة قوية