بسم الله الرحمان الرحيم
جبتلكم اليوم وصفة راااائعة شكلا وذوقا في مول السليكون ممكن نقدمها كمقبلة او وجبة خفيفة نقدمها مع السلطة
بالنسبة للعجينة انا استعملت عجينتي السحرية تجدونها في هذا الرابط
https://www.djelfa.info/vb/showthread.php?t=1305317
ممكن نستخدم اي عجينة اخرى معتمدينها
الحشو:
اختياري انا عملت هذ الحشو وممكن نضيف اليه خضر مبشورة
كمية من ابيض الدجاج مقطع الى قطع صغيرة
فطر
جبن مثلثات
كرام فريش
جبن مبشور
فلفل اسود
ملح
زنجبيل
الطريقة:
اولا نحضر العجينة ونغطيها ونخليها تختمر
نحضر قوالب السليكون انا استعملت هذا الشكل ممكن نستعمل اشكال اخرى
بعد ماتختمر العجينة نهبطها ونوزن كويرات 35غ نغطس الكويرة في الجلجلانية من الجهة السفلية ونحطها في المول لي نكون دهنته بالزبدة قبل
نبسط الكويرات بحيث تاخذ شكل المول
نغطيهم ونخليهم 10د
في هذا الوقت نشعل الفرن على 180د مالازمش نخليهم يحمارو بزاف باه تبقى العجينة طرية
بعد مرور 10د ندخلهم للفرن
نحضر الان الحشو
في مقلاة
نحط كمية من الزيت مع الدجاج من بعد نتبله بالفلفل الاسود وشوية زنجبيل بعد ماينضج الدجاج نضيف الفطر المعلب ونشوحه مع الدجاج نضيف الملح والفرماج مثلثات والجبن المبشور وكمية من الكريمة
بعد مايذوب الجبن نطفي عليه
://
بعد ما تطيب نحشيهم بالحشو ونزينهم حسب الرغبة وهذا شكلهم النهائي
عن قرب
هذا شكل العجينة من الداخل طرية امممممم
ان شاء الله تعجبكم وتجربوها
ولا تنسوني انا وعائلتي من صالح دعائكن خاصة ان الامتحانات على الابواب
في امان الله
اول مرة نكون انا الاولى في موضوعك ليا الشرف وصفة رائعة اختي ام اماني وتستاهل انو نجربها يعطيك الصحة و دمتي متألقة دوما بارك الله فيك في انتظار جديدك دوما
الللفشكر سيدتي الفاضلة وانشاء الله ربي ينجحلك وليداتك ووليدات المسلمين اجمعين
يعطيك الصحة ام اماني فكرة هايلة انو نستعمل السيليكون في المعجنات
دائمت رائعة و تعطي بلا حدود ربي يخليك لينا و شكرا على الوصفة
روووووعة اطباقك دائما متميزة
اتحفتينا ما شاء الله ربي يفرحك بولادك واولاد المؤمنين يا رب مثل ما ركي تفرحي فينا
الله يبارك
فكرة ملاحة ياسر ام اماني يعطيك الصحة
والله فكرة ساهلة وا تديش الوقت بزاف دائما افكارك 
mme oum amani votre presence dans le mountada etune grande valeur merci mille fois
روووووووعة يا ام اماني اعطيتيني فكرة هايلة
ربي يفتحلك جميع الابواب واي تتمانايها تتحققلك
أفكار رائعة حقاً
ومنك كل شيئ جميل ومتقون
بارك الله فيكي وفي ذريتكي حبيبتي
سلام كبير ليكي
bchouia 3lina rabi ywfk lwled fi les examens