السلام عليكم اخواتي
جبتلكم اليوم نوع من انواع الخبز اكثر من رااااائع خفيف وهشوش مناسب لكل الايام و ممكن نعمله في شهر رمضان الكريم اذا كان في العمر بقية مع الشربة في مكان المطلوع هكذا نوع في الخبز
راح نستعمل فيه الياغورت الطبيعي وعلبة الياغورت هي لي نستعملها في المكيال يعني مانحتاجش ميزان هكذا يتسنى للجميع تطبيقه
المقادير
كما سبق وقلتلكم العلبة المستعملة هي علبة الياغورت فارغة
2 علب ياغورت طبيعي
علبة زيت
علبة حليب دافيء
م ك سكر
م ك خميرة الخبز
باكي خميرة كيميائية
ملح
فرينة حسب الحاجة
الطريقة:
نخلط جميع المقادير باليد ونضيف الفرينة تدريجيا حتى نتحصل على عجينة ظرية راح نحتاج حوالي من 500الى 600غ على حسب نوع الفرينة
نعجنها لمدة 15د
نغطيها ونخليها حتى يتضاعف حجمها
نشكلها حسب الرغبة اما خبيزات صغار او كبار نغطيهم ونخليهم يختمرو للمرة الثانية
ندهنها بصفار بيضة مع شوية حليب وقطرات خل ونرش عليه الجلجلانية او السنوج
ندخلها لفرن مسخن مسبقا على 200د حوالي 15د حتى ياخذ الخبز اللون الذهبي
هذا شكل الخبز بعدما طاب
صدقوني راه خفيف كالقطن
هذا شكله من الداخل
انا قدمته مع طبق الكفتة اممممم ولا اروع
نتمنى تجربوه واكيييد راح يعجبكم باذن الله
دعوة خير تكفيني انا وعائلتي ولكن بالمثل
ملاحظة:
هذا الكمية عملتلي 4خبزات مثل لي في الصورة
في امان الله
خبز هيلوووووووووولة 4 // تبارك الله مشكورة على الوصفة وبارك الله فيك حبيبة
رووووعة يا مبدعة والوصفة حفظتها لرمضااان الله يعطيك صحتك
لله يبارك ام اماني روعة الوصفة وخاصة اني من عشاق خبز الدار بكل انواعو مبدعة
مشاء الله كلك على بعضك حلو ههههههههه احبك في الله يا اختي ومزيدا من التالق
بارك الله فيك.
شكرا غالياتي ليدي،ام محمد ،دائمة الحمد،امال ،ام سهام 
نورتو الموضوع
ما شاء الله ام امانى خفيف انجربو بمشيئت الرحمان ربى يصلحلك ذريتك ويسخرلك زوجك ويمتعك بالصحة
امممممم يا مبدعة يعطيك الصحة ويحفظك انت وعائلتك
رااااائع يعطيك الصحة وربي يباركلك في زوجك ويحفظلك اولادك …..لو تكرمت تمديلي طريقتك في تحضير الكفتة من شكلها باينة بنييييينة
روووووووووووووووووووووووووووووووووووووووووعة كلمة قليلة عليه الله الله على دوك اليدين ماشاء الله و ربي يحفظك من العين
مبدعة يعطيك الصحة
روعة كالعادة ام اماني ربي يخليك
جاري التجريب
روووووووووووووووووووووووعة ربي يحفظك
باااارك الله فيك أختي يبان لذيذ .. يستحق التجربة