واخيرا نجحلي البسكوي غولي 2024.

جربت جربت حتى نجحليوجبتلكم تشوفو ….
ودوكا راني ندير ونعاود فيه .

اولا مقادير العجينة درت .
5 بيض .كاس ناقص اصبع فرينة .كاس ناقص اصبع نشا وكاس ناقص اصبع سكر رطب .نصف باكي خميرة نوارة .هاد السر الاول ماكنتش ندير الخميرة وماكانتش تطلعلي .
نضرب البياض مع قرصة ملح والصفار مع السكر ثم نضيفهم لخليط الفرينة والنشا والخميرة ونحاول نخلط من تحت للفوق باش مانكسرش البيض .
وبعدها نسخن الفرن حوالي 15 د ونفرغ الخليط في بلا كبير تاع الكويزينياغ يكون مغلف بورق المنيوم ولا ورق الزبدة مدهون بالزيت ومرشوش بالفرينة .
وندخل البلا للفرن تكون درجة الحرارة 170 درجة .ولمدة 15 د قيس ما ياخد اللون الوردي اي ما يحمارش بزاف وشعلتلو الفرن من الفوق بلا ما يحمار المهم ديري سكين فالعجين يخرج ناشف هكدا يكون طاب .
قلبت البلا على منشفة مندية وروليت وخليتو حوالي 10 د يشد الشكل ديالو .ثم شربتو بشاربات باردة ودرت لا كرام شانتيي وعاودت روليت البسكوي ثم الشوكولا وكل واحدة ولمستها .
الخطا الثاني كنت نطيب البسكوي بزاف كي نجي نروليه يتكسر
والخطا الثالث يكون الخايط شوي ونيرو في بلا كبييير
المهم خواتاتي هاد الكمية جي في بلا كبير تاع الكويزينياغ .
ان شاء الله تجربوه حبيباتي وينجح لكل واحدة عانات معاه كيما عانيت معاه .
واي استفسار راني هنا.

ما شاء الله لوكان ما تعشيتش كنت نجي عندك
رائععععععععععععع والتزيين اروع بهادوك الفريزات و الكيويات امممممممم

روعه امممممممممممممممممم
كيفاش درتي حتى نجحلك يا اختي

ما شاء الله روعة اختي أم أنس بارك الله فيك شحال نموت في البسكوي غولي و علاش درتي فيا هاك مع الصباح حرام عليك شهيتيني………تاكلوها بالصحة و الهنا

ما شاء الله روعة

يسلمو اديكي حبيبتي

روووعة يعطيك الصحة انا كل مرة نقول نجرب و ما جربتوش نخاف ما ننجحش

ما شاء الله خرجلك هايل

الله يبارك حنونة

مبارك عليك النجاح افيدينا باسراره

baraka laho fik ana daiman njarbo mais jamais yosloh hata nebki

واوووووووووو خرجلك روعة يعطيك الصحة من فظلك اعطيني الوصفة باه نجربو

[]السلام اعطيك الصحة يالفحلة ولا بالاحلام[

روووعة يعطيك الصحة
<3

ما شاء الله روعة بصحتك النجاح