السلام عليكم حبيباتي.
من فضلكن اللي تعرف طريقة لتخليل الفلفل الحلو… بما اننا في اواخر موسمه .. راني نحبوا بزاااف ومرة كليتو مرقد وعجبني بزاااف وماعرفتش الوصفة؟!!!!!!!
راني مازال مافقدتش الامل
صباح الخير اختى عندى طريقة بنينة بزاف تجى بالفلفل الحلو وتقدرى تخلطى معاه الحار تحطى كيلو فلفل حلو فى الكوكوت وكاس ماء ونص كاس خل وتقفلى 10د صفيه وخليه يبرد من جهة رطل طماطم مقشرة ومقصوصة صغيرة وراس ثوم وملح فلفل كحل كسبر كمون ونخلطهم مع الفلفل ونص كاس زيت ونقفل 10د خليه يبرد وشهية طيبة حنا نديروه حتى فى الاعراس مع البربوشة .وتقدرى تحفضيه فى الثلاجة فى باطة مقفولة عدة ايام.
شكرًا اخي باينة بنينة بزااف تجربها نشالله .. بصح تاني حابة وصفة تطول بزااف نفوت بيها الشتاء
شكرًا وشرفتني بمشاركتك