السلام عليكم ورحمة الله وبركاته
اليوم جبتلكم طريقة لتحضير معجون البرتقال والليمون بنفس طريقة امي اللي كانو يحضروها زمان
نبداو بسم الله
اولا بالنسبة لليمون تاخدي 2كغ ليمون الاصفر الي قشرته خشينة وتغسليه وتقشريه بموس بطاطا وتنقعيه في الماء لعدة ساعات وحتى لليلة كاملة وكل 02 سوايع تبدليلو الماء تاعو والاخيرة قبل ما تنامي الى الصباح راح تلاحظي بلي الماء اللي ترميه راهو اصفر لاخاطرش راهو يطلق في المرورة ديالو
في الصباح تقطعيه دواير ماراهم رقاق ماراهم خشان يعني متوسطين برك
وتحطي فوقو 2 كغ سكر وتغطيه وتخليه يطلق الماء تاعه
القشور ما ترميهمش خليهم ينشفو شوية من بعد ارحيهم في الروبو وخبيهم في المجمد في اكياس التجميد
والبرتقال تعملي نفش الشى بالنسبة للقارص ولكن مدة نقع القارص تكون اطول من نقع البرتقال وكمية السكر نقصي واحد كاس لاخاطرش البرتقال حلو
من بعد في العشية
حطيهم يطيبو على نار هادية وانا اضفت عود قرفة لتاع البرتقال ونجمة الارض
وكل ما تتكون الرغوة انزعيها
وراهو واجد خليه يبرد من بعد عمريه في دي بوكو مغليين 10د في ماء سخون وخليهم يشيحو
وتاكلوه بالصحة والهنا انشاء الله
كلمة شكر تكفيني وانشاء الله اني نكون افدتكم
مممممممممممممممممممممممممممم يعطيك الصحة و الراحة يا الغالية و الله الطعم تاع القارص راهو في فمي ههههههههههه
اكيد من عندك راهو 4444444444444444444
الله الله عليك ليلو ربي يحفظك حنونة ويحفظلك الوالدة الكريمة
شكرا ليلو عندى عقدة منو لانه يجينى مر انجرب طريقة امك ربى يمتعها بالصحةوطول العمر اميييين بارك الله فيك
يعطيك الصحة باين حامض وبنين
شكرررررررررررررررررررررررررررا
ما شاااااااااااااااااااااء الله ما شاااااء الله هااايل حبيبتي خرجلك رووووعة اممممم
ربي يحفظها الوالدة الغالية امانة تسلميلي عليها بزاااااف
يعطيك الصحة شحال و أنا نحوس على الوصفة بارك الله فيك
يعطيك الصحة
يعطيك الصحة
ماشاء الله والله يبارك يعطيك العافيه ليلو راكي شاف ويحفضلك الاميمه يارب
امممممممممممممممم هايل بارك الله فيك جاري التجريب
اممممممممممممممم هايل نجربو و نردلك الخبر شكرا على الوصفة و شكرا للوالدة
ممممممممممممممم شهانيييييييييييييييي أختي تسلم الأيادي
يعطيك الصحة وربي يحفظلك امك