السلام عليكم ورحمة الله تعالى وبركاته
اخواتي الكريمات بعد ما المشرفات حطو المكون الرئيسي لهاد المرحلة من المسابقة وطبعا والي هو المرقاز فكرت كثير في وصفات سبق وقمت بها ومعظمها كانت بعجائن التخمير المعروفة ولكن لاعطاء نكهة خاصة للمسابقة وتميز للمنتدى حبيت نبدع اكثر ولهادا خدمت المقبلات بعجينة الصابلي المالحة
pate sablée salée
وباشكال حلويات معروفة استبدلت الحشو من حلو الى مالح وحرست كل الحرص ان تكون في متناول الجميع من حيث
السهولة في التحضير
الاقتصاد في المكونات
والنتيجة كانت هده الصنية
عبارة عن حلويات مملحة بنكهة المرقاز
صابلي- كورني-قبعة- كفتة- باركات
نبدا بعجينة الصابلي انا نعتمد نوع من غير بيض
400غ فرينة-125غ زبدة – فنجان زيت-ملح-فلفل اسود- رشة زعتر مرحي –حوالي فنجان ماء
نخليكم مع الصور
نخلوها ترتاح ونمرو للحشو
كمية المرقاز الي نحتاجوها
في مقلاة نقطع بصل رقيق مع زيت ملح فلفل
بعد ما تحمار نضيف المرقاز
هاهو بعد الي دبلناه مع البصل
ننزعو ثلاث حبات على جنب ونقطع الباقي رقيق نحطوه في مقلاة مع قطرات زيت وجبن ومعدنوس وبيض
طبعا بالنسبة لطارتولات والكورني والصابلي معروفة الطريقة اما الكفتة هاهي الطريقة
نلف العجينة ونقطعها
القبعات نحط دائرة ونحط وسطها حشو
وفوقها دائرة اخرى
ونزينها بالنقاش معدرة الصورة فيها اضاءة كثيرة
العجينة خرجت لينا 6 انواع
ندهن الحبات باصفر البيض والى الفرن
هاهوما واجدين
نملا الكورني والباركات والقوارب الصغيرة بالحشو
والصابلي نلصقوه بالجبن وفتات البيض والمرقاز
ونزين حسب الرغبة
انا زينت الحبات كالتالي
الباركات حطيت عليها دائرة بيض مسلوق وفوقها قطعة مرقاز وخطوط مايوناز
الكورني وردة كاشير وكاشير مبشور
القوالب الصغيرة كريمة جبن وطماطم
الصابلي واضح شكلو
القبعات وردة صفار البيض ومايونيز واوراق من الفلفلة
صورة عن قرب
وهادي ليكم اتفضلو مرحبا
نتمنى في الاخير انني توفقت في ايصال فكرة ولو بسيطة للحبيبات من اجل التغيير والتجديد
واووووووووووووو روووووووووووووووووووعة يعطيك الصحة الفكرة ممتازة وهايلة ماشاء الله عليك عجبني ليصابلي
حظ موفق
بارك الله فيك عزيزتي سلمت يمناك
فكرة مليحة صابلي مالح كمقبله غريبه لكن مقبوله كيف يكون الذوق
شكرااااالك
واش ريحتي شوي
يعطيك الصحة راكي شهتيني رااائع
انا راني حاصلة مع مركز التحميل
عجتني فكرة القبعة هايلة
يعطيك الصحة صينية تشهي
يعطيييييييييييييييك الصحة ابدعت رغم انك كنت مريضة موفقة
merci ychahou
ما شاء الله أبدعتي وأمتعتي
حقيقة….روعة .يعطيك الصحة أنا بالنسبة ليا المقبلة هادي جديدة.شكرا
raki sajiya
بارك الله فيك اختي الوهرانية
راكي تبدعي ماشاء الله عليك
راكي صغرتي الصور
فكرة جديدة ومليحة يعطيك الصحة 
اوووووووووووو رووووعة باتم معنى الكلمة
ماشاء الله على افكاااارك
مش جديد عليك
يعطيك الصحة