قصدك باش ديريها بيسكوي رولي
تكوني طيبتيها بزاف على بيها تتكسر
ملازمش طيب بزاف
أهلا و مرحبا بكي أختي معنا
إذا كنتي تحوسي تعملي بسكوي رولي ممكن أنك راكي طيبي فيها بزاف يعني مالازمش تفوت على طيابها 10 إلى 12 دقيقة في الفرن خطرش إذا فوتيها الطياب بزاف تيبس و تتكسرو هذا رابط وصفتي شوفيها عندي سنوات نعمل فيه و كاين وصفات أخرى تاع الأخوات هنا ممكن نجيبهملك
هذا الرولي تاعي ممكن يعجبك
و هذا رابط الموضوع
قصدك البيسكوي رولي كيما قاتلك الاخت بلاك طيبيها بزاف علا هذي تتكسر
انا نطيبها 4 د فقط وعلى 240 درجة
تترولا روعة وماتتكسرش
ممكن المشكل في السكر حاولي دائما تنقصي السكر وتنقصي الطياب هذو حاجتين يخصروا البسكوي
شكرا ام انس و شكرا لكل الاخوات الي حاولو يساعدوني
صح راني نقصد البيسكوي رولي
بصح في الوصفة لي في الرابط دربتي البياض وحدو و الصفار وحدو
انا نحط البيضات كاملين مرة وحدة
بالاك على هادي يتشقق و ما يصلحليش
انشاء الله نجرب هادي الطريقة و نقلكم على النتيجة
شكرا
Bon courage hbiba