كيك الشكولاطة ultra facile 2024.

السلام عليكم و رحمة الله و بركاته
جبتلكم اليوم و صفة من الوصفات اللي معتمدتها و مححححال نبدلهان ساهلة و مستلزماتها متوفرة في كل بيت، بدون إطالة أليكم المقادير:
– 3 حبات بيض
– كاس سكر عادي
– فانيليا + زاست برتقالة واحدة/ أو ليمونة (من الأفضل برتقال لأن طعم الشكولاطة يتلاءم جدا مع ذوق البرتقال)
– نصف كاس زيت
– كاس و نصف فرينة مغربلة
– 3 ملاعق كبيرة كاكاو (أنا نضيفلو ملعقة صغيرة نيسكافي)
– 1 كيس خميرة الحلويات.
طريقة التحضير:
نبدا أولا بإشعال الفرن على درجة 180.
نخدم البيض و السكر مليح مليح + الفانيليا و الزاست ثم نضيف الزيت و نستمر بالخفق + الفرينة و الكاكاو و الخميرة و نخلط لكن ماشي بزاف حتى تندمج كل الواد مع بعضها نفرغها في قالب الكيك أو قالب مدور و ندخلها إلى الفرن ثم ننقص الفرن إلى 160 حتة ينضج.
لما يبرد نحط عليه قلاصاج الشوكولا (نذوب علبة شكولا على حمام مائي) و نزينها حسب الذوق.
و بالصـ و الراحة ـــــــــــحة

الأولى اللي ترد تاخذ قطعة تشرب بيها القهههوة

يعطيك الصحة خرجلك روعة

يعطيك الصحة 4444.

ممممممممم يعطيك الصحة

أنا دائما الأخيرة بصح حقي نديه لأنك أنت كريمة و أنا نستهل ولا واش قلتي حبيبتي ؟؟؟؟؟

اقتباس:

المشاركة الأصلية كتبت بواسطة meriem setif-2- أنا دائما الأخيرة بصح حقي نديه لأنك أنت كريمة و أنا نستهل ولا واش قلتي حبيبتي ؟؟؟؟؟

طبعا وإذا خلاص القاطو نعطيلك حقي و لا نزيد نخدملك وحدة أخرى بصحة و الهنا قولي برك

يعطيك الصحة

باينة باللي مليحة بزاف، ربي يرزقك اللي تطيبيهالهم و يفرحوا بيها

بارك الله فيك

الله يبارك هايلة

يعطيك الصحة اختي