هذه صور لأكلات شعبية تاع الجدود واللي يعرفها يقولنا كيفاه يسموها في المنطقة تاعكم وهل تحضّر بنفس الطريقة.
الصورة الأولى : الرفيس
تجدون طريقة تحضيره في الرابط التالي باش ما نطوّلش في الكلام وما يصراش سوء تفاهم من التسمية
https://www.djelfa.info/vb/showthread.php?t=988920
يحضّر في موسم جزّ الصوف وحصاد المرمز يقدم للعاملين بعد الجهد المضني.
أمّا الصورة الثانية: برّزقان berrezguene
ما نظنش تكونوا تسمعوا بيه بزاف
مازال ما حطيتلوش وصفة التحضير
المهم يتكون من فطير مفتت وتمر وبصل مطبوخين بطريقة مثل المرق حتى يصبح مثل الصورة.
المفروض هاذ الأكلة كانوا ناس زمان ياكلوها في الليلة الأخيرة من شعبان ونظرا لحلاوتها ودسامتها فلن يشعر الإنسان بالجوع طوال يوم الصيام.
اولة معرفتهاش ورفيس يصنعوهش كيما هاك
وثاني برزقات حنا نصنعوهش كيما هاك تانييييي
|
المشاركة الأصلية كتبت بواسطة منــــــــــبع الســــــــرور
 اولة معرفتهاش ورفيس يصنعوهش كيما هاك
وثاني برزقات حنا نصنعوهش كيما هاك تانييييي |
الصورتين الأوليين الرفيس والأخيرتين برزقان ومعروف في تيارت حسب علمي أما الطريقة هاذي هي الأصلية تاع الجدود.
مشكورة على المرور أختي منبع السرور نورتيني
خلاص راني تشرفت بمعرفته الاول الرفيس نجربه ان شاء الله
الثاني لا اعرفه لكن حسب الي ذكرتي المقادير راني عرفته في بعض المناطق في الجنوب يديروه
شكراااااااااااااااااا على الاكلات الدسمة
|
المشاركة الأصلية كتبت بواسطة الأمنيات
خلاص راني تشرفت بمعرفته الاول الرفيس نجربه ان شاء الله
الثاني لا اعرفه لكن حسب الي ذكرتي المقادير راني عرفته في بعض المناطق في الجنوب يديروه شكراااااااااااااااااا على الاكلات الدسمة |
أنا اللي تشرفت بمرورك أختي الكريمة أما فيما يخص الصورة الثانية سأحضر الوصفة إن شاء الله وأدرجها في قسم الطبخ لكي يسهل التعرف عليها.
جزاك الله كل الخير
السلام عليكم اختي
الأولى رفيس
والثانية عمري ما سمعت بيها
بالصح تشبه لـــ
الذوابة
– بالصح ما يديروش البصلة-
يديرو الدهان – تاع المعزة – 
مع شوية قمح ولا سميد مـgــلي – والله ماني عارف-
وتمر
يذوبوا الدهان ويزيدولو بهارات
ويديروا القمح والتمر
ويمرسوهم مع بعض
– الحاصول تخرج حاجة بنينة – 
هاذي صورة قبل المرس
الطريقة كاملة من منتدى إماراتي
|
المشاركة الأصلية كتبت بواسطة kamikaz30
السلام عليكم اختي الأولى رفيس والثانية عمري ما سمعت بيها بالصح تشبه لـــ الذوابة – بالصح ما يديروش البصلة- يديرو الدهان – تاع المعزة – :d مع شوية قمح ولا سميد مـgــلي – والله ماني عارف- وتمر يذوبوا الدهان ويزيدولو بهارات ويديروا القمح والتمر ويمرسوهم مع بعض – الحاصول تخرج حاجة بنينة – هاذي صورة قبل المرس |
وعليكم السلام ورحمة الله وبركاته أخي
مشكور على المرور المتميز دائما
مشاركاتك طريفة كالعادة :d ومفيدة في نفس الوقت 
أنا الذوابة أول مرة نسمع بيها من عندك بصح تبان طيبة المذاق
اكتسبت معلومة جديدة وهاذي هي الفائدة من مثل هذه المواضيع تبادل الثقافة المحلية
احنا نطيبوا الفطير ونفتتوه مليح ، وفي نفس الوقت نجيبوا التمر تاع اللي يتباع في المزود تاع المعيز ونقلعوا النوى نغلوه في الماء باش نستعملوه كمرق والتمر نمرسوه ونخلوه
نديروا الزيت بكمية كافية ونقطعوا البصل لأجنحة ونقلّوه في الزيت مع القرفة والفلفلة الحمراء (بابريكا) ونمرقوا بمغلي النوى ونرموا الفتات تاع الفطير حتى ينطبخ ويطرى ونزيدوا التمر
والنتيجة هي هاذيك الصورة ونحطو الدهان معاه في التقديم.
راني جبت قسم الطبخ هنا :d
الله يجازيك الفردوس الأعلى في الجنة
السلام عليكم
الماكلتين في زوج مانعرفهمش
الرفيس عندنا في الشرق ماشي هكذا نوع آخر
بارك الله فيك
شكرااااااااا على الموضوع
الاول نعرفوا بسح التاني جامي سمعت بيه
شكرا
الاول نعرفوا الرفيس مي ما نخدموهش هكداك مي التاني جامي سمعت بيه
شكـــــــــــــــــــــــــــــــــــــــــــرا
الاول مامعرفتوش عندنا المبسس برك كيما ذكرت المقادير الاولى ثم كي يطيب نحوه من الطاجين انخلوه يبرد ثم يقدم مع القهوة اما البرزقان نقولولو كذلك الرفيس والطريقة كيما ذكرت الا انو التمر نمرسوه بماء دافي ونصفوه انحموه فوق النار ونسقو بيه الفتات نتاع الفطير ومع الزبده كي تولي تذوب انديرو الحمير الحار .
شكرا على الموضوع في انتظار الجديد
أول مرة بحياتي نشووووووووووف هذه الغرائب
احنا غير تاع باتيسري وكرواصون وبان شوكو
|
المشاركة الأصلية كتبت بواسطة ياسين البرج
السلام عليكم
الماكلتين في زوج مانعرفهمش الرفيس عندنا في الشرق ماشي هكذا نوع آخر بارك الله فيك |
وفيك بارك الله شكرا على المرور
أكيد كل منطقة وعندها ما يميزها
|
المشاركة الأصلية كتبت بواسطة خولة1995
شكرااااااااا على الموضوع
|
بارك الله فيك أختي خولة تشرفت بمرورك
