السلام عليكم ورحمة الله وبركاته
جبتلكم طاجين كرات الباذنجان باللحم المفروم وبمقادير بسيطة نتمنى ينال اعجابكم
نقشر الباذنجان ونقطعو ونفورو في كسكاس،لما ينضج نفرمو بالشوكة ونحاول نقطرو مليح من الماء اللي فيه
نضيفلواللحم المفروم+ قصبر مقطع رقيق+ثوم مفروم+فلفل أسود+ملح+بيضة
ملاحظة:اللحم المفروم والباذنجان لازم يكونو بنفس الكمية
ونخلط المقادير مع بعض
نشكل كرات باستعمال ملعقتين
ونرمدها في الخبز المرحي (لا شابلور)
ونقليها في زيت ساخن وهكذا يكون شكلها
طبعا تكوني وجدتي مرق بقطعة لحم أو بالعظم لي بقا من اللحم المفروم +حبة بصل+حبة طماطم مرابية+ملعقة طماطم مصبرة +ملح+فلفل أسود +ثوم وتخليها تتقلى مليح تضيفيلها قليل من الماء وترابيها بالمكسار حتى تصبح ناعمة تضيفيلها حفنه حمص وكمية مناسبة من الماء وتخليها فوق النار وقبل ما تعقد بقليل تضيفيلها الحبات نتاع الباذنجان +قصبر مقطع رقيق وطفي النار بعدحوالي 5دقائق
وهذا شكلها النهائي
وتقدري تقدميهاناشفة في طبق به خس كمقبلات
ملاحظة: باش تنجحلك الكيفية لازم الباذنجان يقطر مليح من الماء ،،ويكون بارد تماما عند اضافته الى اللحم المفروم،،وتكون كميته وكمية اللحم متساوية
وشهية طيبة
يعطيك ألف صحة …. يبدو شهيا ومميزا
يعطيك الصحة والله غي فكرة هايلة ربي يجازيك انا اولادي مايحبوش البدنجال نجرب هد الطريقة و نشوف
|
المشاركة الأصلية كتبت بواسطة جزائرية
|
|
المشاركة الأصلية كتبت بواسطة أم الفرسان
يعطيك ألف صحة …. يبدو شهيا ومميزا
|
شكرا على المرور تحياتي لكن
راااااائع حبيبتى عن جد تغيير عن المعتاد
تجديد رااااااااااااااااااااااااااائع
رايحة نجربه
|
المشاركة الأصلية كتبت بواسطة om nour
يعطيك الصحة والله غي فكرة هايلة ربي يجازيك انا اولادي مايحبوش البدنجال نجرب هد الطريقة و نشوف
|
العفو أختي
أنا ايضا ولادي مايحبوش الباذنجان ولما درت هذ الطريقة ولاو ياكلوه بلا ما يعرفو واش هو
يشهي وانا نحبه ناشف مع سلطة ومرات نقدم معاه صلصة طماطم يجي بنين
شكرا أخواتي أسعدني مروركن
مشكورة حبيبة
انا نموت على البادنجان
mmm choukrane laki raw3a