قالت الي عجبها تتصل بيا على رقم 115 هههه
او تراسلني على ايمايل الاحلام@سنى بزاف ههههههههههه
خممت مالا قلت لازم ندير واحد يشبه لو بزاف مانخليهاش في قلبي
ونفيد العسولات معايا بيان سور هي خدماتو باللوز
قلت مالا انا نخدمو بحاجة اخرى لقيت نواد كوكو اصلح حاجة مالا
شوفو انتوما معايا وقوليلي يستحق ولا نهدن روحي خير هههههه
عجينة تزيين
جوز الهند
للحشو:
بيمو مرحي
زبدة
كاوكاو مرحي متوسط
حلوة الترك مرحية
معجون باش نلمو بيه الحشوة
كاكاو اسود
الخطوات بالتفصيل
نذوب عجينة التزيين على حمام مائي
نرحي جوز الهند (اذا تعذر لك ضعيه كيما هو )
نخلط جوز الهند مع عجينة تزيين ذائبة بالملعقة (حذاري استعمال اليد)
هنا الحشوة جاهزة لميتها بالمعجون وخليتها ترتاح شوية باش تحكم روحها
هنا اضفت لها شوية كاكاو اسود
هاهي العجينة والحشو معا (صورة تذكارية ههههه)
هنا عجينة جوز الهند وعجينة التزيين سرحتها على كيس بلاستيك (يفضل استعماله لسهولة العمل)
هنا غطيتها ببلاستك اخر على الوجه وسرحتها بالرولو (سمك يفضل تكون رقيقة والحشو سميك باش تجي شابة)
نقوم بلفة واحدة فقط
نقصها بالموس (حسب الرغبة )
اخذت شوية عجينة تزيين وزدت لها شوية كاكاو وسرحتها على كيس بلاستك وقصيتها شرائط
النتيجة النهائية:
دعوة الخير @ راني حطيت الوصفة ههههههههه
يعطيك الصحة
يعطيك الصحة جاك يهبل الله يسترك كي تقعد حطيلنا لاروسات باه ندعيولك دعوة شابة
|
المشاركة الأصلية كتبت بواسطة kokotg
 يعطيك الصحة
|
يعطيك الصحة بصح نظن قاطو مايطيبش ؟؟؟ راكي عاندتيها يا لالة في المودال وفي شطارة ؟؟؟
merciiiiiiiii okhti lina dima 4
هايل يعطيك الصحة سلمت يداكي حنونة
هااايل نستناو الوصفة
راني نستنى يبان هايل وزيد نمووووووووووووووووووووووت على اللي مايمدش ليغوسات ندير المحال ونلقى الطريقة انت كيما انا ربي يجازيك ويعطيك على قد نيتك
هايل يعطيك الصحة يا الشاطرة
بالانتظااااااااااااااااااااااااااااااااااااااااا ر
راااااااااااااااااائع نستنى الوصفة على احر من الجمر طليتي على قلبي نموت على النواد كوكو
hhhhhhhhhhhhhhhhhhhhhhhhhhh lOl
|
المشاركة الأصلية كتبت بواسطة ام ساجد
يعطيك الصحة جاك يهبل الله يسترك كي تقعد حطيلنا لاروسات باه ندعيولك دعوة شابة
|
|
المشاركة الأصلية كتبت بواسطة الملهمة
يعطيك الصحة بصح نظن قاطو مايطيبش ؟؟؟ راكي عاندتيها يا لالة في المودال وفي شطارة ؟؟؟
|
انا خدمت كمية بسيطة فالليل هههههه ماقدرتش نصبر للصباح كتجربة فقط
وانتي ثاني حنونة شطورة
