السلام عليكم اليوم جبتلكم و صفة ساهلة و بنينة وان شاء الله تعجبكم .
المقادير
سردين نقيه و نغسله و نملح و شوية فلفل اكحل و كمون .
م ك هريسة حسب الذوق
م ك طماطم مصبرة
ملح و افاح او راس الحانوت
و بطاطة نقطعوها دوائر
و طبعا قارص
سنات ثوم
نجيب لبلا نتاع الفرن ا ندهن بالزبدة ونستف البطاطة بعد مفوحنها بالملح و الفلفل اكحل
و مبعد نجيب غرفية نحط الملعقة نتاع الهريسة و الطماطم المصبرة وسنات الثوم مرحية و ملح حسب الذوق و كاس ماء و نخلط حتى نتحصل على مزيج كيما في الصورة
و مبعد نسكب المزيج فوق البطاطة و نستف فوقها السردين نتاعنا و نعصر عليها عصرة قارص و نرش الزيت عليها و نزينها بشرائح و الى الفرن
وثم نقدمها في طبق التقديم و انا درت البلا معها روز جربي و ان شاء الله انزلكم طريقة طبخ الروز الجربي اممم هايل
الله الله عليك حرة انا نموت على الحوت شهيتيني يا الغالية
امممممممم يبان هايل شكرا لك
ya3tik essaha
بصحتكم اختي يشهي
اممممممممممممممممممم روعة بارك الله فيك
نموت على الحوت شهيتيني
طبق شهي يعطيك الصحة
a3tik ésaha
هااااااااااااااااااايل
شكرا على تعليقتكم اخواتي الكريمات