برانية الشفلور من مطبخي

نتمنى يلقاكم موضوعي هدا في تمام الصحة والعافية حبيت نشاركم اليوم طبق
برانية الشفلور

1/ غلي الشفلور او فوريه متنسيش الملح والفلفل ادا طاب سامط راكي ما درتي والو
2/ في قدر ديري البصل + زيت + اطراف دجاج +ملح+ فلفل اسود+ فلفل احمر +كروية قليهم مليح ثم مرقي بالماء واضيفي الحمص
3/ اقلي بطاطا شرائح
4/ اقلي الشفلور طبعا بالبيض ملح -فلفل- معدنوس- شوية حليب
5/ هاهو الشفلور مقلي

6/هاهي المرقة واجدة

7/ اقلي الدجاج بعد ما يطيب في المرق

8/ في صنية ستفي البطاطا رشيها بمعدنوس مقطع رقيق وحطي الشفلور

سقيها بالمرق والحمص

حطي الدجاج المقلي في الوسط

ثم ابشري الجبن من الفوق

والى الفرن
مصورتش المرحلة الاخيرة ومرحلة التقديم لان بطاريات الشحن تع الكاميرا خلصت
المهم معروف في صحن حطي البطاطا من الجنب شجيرات الشوفلور وفي الوسط الدجاج
بالصحة عليكم
ملاحظة / نعرف ماهيش حاجة جديدة وممكن الاخوات يطيبوها بنفس الطريقة لكن هدا منتدى وفيه مبتدئات تحياتي