وحد الحاجة باغية نفهمها راهي مهبلتي و هي الهدرة بلا ميزان الي جات في عقولهم يقولوها ماعندهم كنترول ماوالو.في الموت مايديرو قيمة للميت و لا لصحاب الدار هوما يبكو و هي تحكي لصحبتها على العرس الي حضراتو و العروسة الي تبهدل.صحاب الموت يبكو على ميتهم و هوما يزيدو عليهم مسكين سوفرا مرض والله كان مليح توخضتو فيه راح صغير واش ديري موراه كيفاه راح تعيشو.ولا في المرض و راحو يطلو على واحد مريض تحسب راحو يشهدولو هو بلاك عندو حمى من شوفاتهم و هدرتهم يحسب راح يموت و يولو والله راك مصفار الطبيب هذا ماقالك كون غير تشوف طبيب وخدخر والله واحد نعرفو كان كيما انت و قالولو ماعندك والو والله ماطول و مات هاذو الناس كون يتحاوزو واحد مايلوم.كاين ناس هدرتهم داوي و عسل و كاين ناس هدرتهم سم و تقتل.ربي يهدينا ان شاء الله
ناس تخلقت هكذا
يحبوا الهدرة
aller retour
ههههههههههههههههههههه ضحكتينى والله كاين ناس كى يجو على بالك علاه باش تعياي والله غير يعيووووووووووووووووووووووووووو كارثة الله يهدينا
حاجة برك ختي حبيت نقولهالك
مواضيعك ملاح بصح لوكان تكتبي بالفصحى احسن
نلقى صعوبة في اللهجة تاعك ما نفهمش لكلمات لكل
السلام عليكم
والله عندك الصح الناس المهم تحكي وتقول شا تبغي ما يكونترولو رواحهم ما والو لسانهم دايهم للهاوية ما يخلعهم مرض ما يخلعهم موت
كيما يقولو طرف لحمة يتحكم فينا هو يدخلنا للنار ولا لجهنم الله يحفظ على هدا يقولك ا"لانسان من اللسان "
[QUOTE=soso sirin;11800251]وحد الحاجة باغية نفهمها راهي مهبلتي و هي الهدرة بلا ميزان الي جات في عقولهم يقولوها ماعندهم كنترول ماوالو.في الموت مايديرو قيمة للميت و لا لصحاب الدار هوما يبكو و هي تحكي لصحبتها على العرس الي حضراتو و العروسة الي تبهدل.صحاب الموت يبكو على ميتهم و هوما يزيدو عليهم مسكين سوفرا مرض والله كان مليح توخضتو فيه راح صغير واش ديري موراه كيفاه راح تعيشو.ولا في المرض و راحو يطلو على واحد مريض تحسب راحو يشهدولو هو بلاك عندو حمى من شوفاتهم و هدرتهم يحسب راح يموت و يولو والله راك مصفار الطبيب هذا ماقالك كون غير تشوف طبيب وخدخر والله واحد نعرفو كان كيما انت و قالولو ماعندك والو والله ماطول و مات هاذو الناس كون يتحاوزو واحد مايلوم.كاين ناس هدرتهم داوي و عسل و كاين ناس هدرتهم سم و تقتل.ربي يهدينا ان شاء الله[/QUOTE
هاذو هما النسا ناقصين عقل ودين…….يهدروا في مواضع لا يجوز التكلم فيها حتى مع النفس…..
واش نقولك…..كاين واحد الناس يظلمها عليك تقول القيامة قامت……..واحد الناس يفرجها عليك وتكون باغي تموت تنوض تجري وتبرا………..شكـــــــرا للمــــــــوضوع
السلام عليكم أختي سوسو سيرين
الهـــــــــــــــــــــــــــــــــــــــــــــــ ــــدرة…..مصطلح جميل أبطاله ناس أمرهم عجيب كيما يقولوا عندهم المارش آريار مهرس كلش مباح عندهم في العرس يعيبوا …كي دايرة العروسة و عرضوا بزاف …او قللوا الناس…الاكل قليل و هوما مشحاحين و لا كثروا راهم شباع و الدراهم عندهم بزاف…….ههههههههههه
في الموت كذلك الميت كي مات و واش قتله و وقتاش جابوه و وقتاش يدفنوه و الاكل وينتا يحطوه ههه و كيفش و علاش و فلانة تعرف تشد نيفها عليه….يعني تعرف الرثاء جيدا ههههههه ….شكون جا و شكون ما جاش …و بلاك راه منايفهم هاذا لي ما جاش و لماذا……
المهم الدوسيات يبداو يخرجوا تديري خير ما تسلكي …ديري شر ما تسلكي ههههههههههههه
مي الهدرة كاينة كاينة……اللهم الواحد يدير لي يخرج عليه و يلتزم الادب و يقلل من مجالسة هؤلاء الغوغائيين و من أهم مميزاتهم نشر الاخبار في محيط و الوسط الذي نعيش فيه مثل انتشار النار في الهشيم
ربي يهدينا جميعا و يصرف عنا الظلام و اولاد الحرام و يعرفنا واش نديروا
بارك الله فيك و جزيتي كل خير
ســـــــــــــــــــــــــــــــــــــــلام
و الله غير عندك الصح الله يهديهم
مرة في رمضان كنا رايحين للدفن
وانا كنت راكب في الشاحنة مع الميت
و كان بجانبي اثنين
يتكلموا على العنب و اسعاره باعتبار احدهم تاجرو الثاني فلاح
خفت نفسد صيامي سكتت ماهدرتش
سبحان الله
راكب في نفس المركبة مع الميت
رايح للمقبرة
و تزيد تهدر على الدنيا و المال و العنب و الاكل؟؟؟؟
و ناس اخرين جايين يضحكو من دون اي احترام لمشاعر اهل الميت
==============================
الله يهدي ما خلق و يرحم اموات المسلمين
شكرا لك اختي
|
المشاركة الأصلية كتبت بواسطة baroud
 ناس تخلقت هكذا
يحبوا الهدرة aller retour |
المشكل كون غير يهدرو في حاجات تصلح ربي يهدينا ان شاء الله
|
المشاركة الأصلية كتبت بواسطة حيهتى كلها امل
ههههههههههههههههههههه ضحكتينى والله كاين ناس كى يجو على بالك علاه باش تعياي والله غير يعيووووووووووووووووووووووووووو كارثة الله يهدينا
|
ايا راني كسبت حسنة و انا مريحة في دارنا هههههههه.كاين ناس والله كيما قلتي انتي يجوك غير باه يقلقوك و هاذو الناس يبغو الواجب تاع الصحههههه انتي تقوليلهم و الله راكم مسامحين و هوما يقولولك لالا والله نجو امين يا رب و يثبت علينا العقل و الدين
|
المشاركة الأصلية كتبت بواسطة حالة ميئوس منها
ربي يهدينا هذا ما نقولو
حاجة برك ختي حبيت نقولهالك |
اللهم امين يا رب.شوف خويا مرات نكتب بالفصحى لانو نحس انو الموضوع وصلت الفكرة تاعو مي مرات نبغي نكتب بالدارجة باه نوصل الفكرة مليح و تاني لما نكتب بالفصحى نحس روحي راني في ليكول مع الشيخ تاع العربية.مي راح نحاول ان شاء الله
الله يهدي ماخلق
|
المشاركة الأصلية كتبت بواسطة منهاج
السلام عليكم
والله عندك الصح الناس المهم تحكي وتقول شا تبغي ما يكونترولو رواحهم ما والو لسانهم دايهم للهاوية ما يخلعهم مرض ما يخلعهم موت كيما يقولو طرف لحمة يتحكم فينا هو يدخلنا للنار ولا لجهنم الله يحفظ على هدا يقولك ا"لانسان من اللسان " |
مرات يا اختي والله كاين ناس عندهم لسانات تقول منشار يقتلك تمتم و مرات كاين الي تقول موس حافي يبغي يقتلك شحال من مرة و المشكل مايحسش بلي هدرتو عوجة و كون تغلطي و تردي عليه مايعجبوش الحال و الشابة كي تبينيلو بلي زعفتي يقلك ماتقوليليش زعفتي برك و انتي كان خاصك تضربيه بالحاجة الي كانت قدامك.واش نقولو ربي يهدينا برك
|
المشاركة الأصلية كتبت بواسطة سليلة الغرباء
*=== (( ما يلفظ من قول إلا لديه رقيب عتيد )) ===*
|
كون كامل الناس راهي تخمم في هذا الشي كان حال الدنيا نصلح
وهل يكب الناس في النار على وجوههم، أو على مناخرهم، إلا حصائد السنتهم