الشخشوخة البوسعادية بالصور 2024.

حبيباتي جبتلكم اليوم طبق كنت نظن انه صعب

بحكم زواجي من بوسعادي لازم طبعا نتعلم طبخهم

وحماتي الله يذكرها بخير صاحبة القلب الكبير وروح الدعابة

محبتش تعلمني قاتلي نشوفك الا تجيبيها وحدك….

يوم عيد الفطر من عادات اهل المنطقة

أنهم يطيبوا الشخشوخة

خطفت منها شوي ولما سمعت اني طيبتها ماتت بالضحك

ولما شافت الصور قاتلي غلبتيني

وهاذي هي الصور -أول مرة –

أولا لعجينة تتعمل بالماء و الملح و فرينة + سميد نص بنص

و اللي تحب تعمل سميد وحدوا شادة شوي روحها على عجينة الرقاق

تخليها ترتاح ومبعد تقرصيها

تاخذي 3 قرص وتحليهم شوي وتحطيهم فوق بعضهم وتكملي تحليها

وعلى طاجين الطين تاع البغرير – الغرايف – تطيبيها

و تفتتيها كيما الثريدة لكن باليد

وتحضري لاصوص

– طماطم – بصلحة ثوم و البهارات + لحم أو دجاج وتقليهم مليح وتخليهم يطبخوا

قبل ما تغلقي على النار تكوني محضرة كمية كبيرة تع بصل مقطع لنصف شرائح

كبيرة تحطيه على البرمة و تظيفي ورق الرند + الفاح + الحار + قليل من الثوم

وكي اطفي النار + الكسبر

تجيبي الفتات و تخلطيه مع الصوص اللي تكوني خليتي منها شوي للوجه

تزينيها بالكسبر و البيض

تؤكل مصحوبة بالرب – يشبه المعجون – مصنوع بالتمر + الدهان العربي

وهذا شكلها النهائي تقريبا

و شهيتكن طيبة

امممممممممممممم تشهي مع هدا البرد
تقريبا يشبه لشيئ عندنا نسموه فطير في طريقة التحضير
الرب نعرفو و يكون حلو بصح كفاه يتاكل مع الشخشوخة؟؟؟
حار مع حلو؟؟؟
تسلم ايدك

يعطيك الصحة اختي ان امكن مادامك من بوسعادة ارجو ان تفيديني بطريقة البعطوط يجي شخشوخة ومهرسة مع الطماطم نية والفلف الحار
الكيفية بالتفصيل ان امكن

بارك الله فيك و يطيك ألف عافية و الله فحلة جات تحصل فيك غلبتيها هههههه كملي في شطارتك بصح الشهادة لله كيتجي تشوفي حتى ونخدموها ونخرجوها تهبل البنة البوسعادية تغلبنا عندهم وحد البنة فيها متتعوضش ماذابيك أختي و كان تعلمينا مأكولاتهم كيراكي منهم و جازاكي الله خيرا

اقتباس:

المشاركة الأصلية كتبت بواسطة *أم كوثر* امممممممممممممم تشهي مع هدا البرد تقريبا يشبه لشيئ عندنا نسموه فطير في طريقة التحضير الرب نعرفو و يكون حلو بصح كفاه يتاكل مع الشخشوخة؟؟؟ حار مع حلو؟؟؟ تسلم ايدك

هوما ياكلوه بهذي الطريقة انا ما جربتهاش لأن مش راكبة فراسي حلو ومالح

جربي انتي ورديلي لخبر

اقتباس:

المشاركة الأصلية كتبت بواسطة my lamis بارك الله فيك و يطيك ألف عافية و الله فحلة جات تحصل فيك غلبتيها هههههه كملي في شطارتك بصح الشهادة لله كيتجي تشوفي حتى ونخدموها ونخرجوها تهبل البنة البوسعادية تغلبنا عندهم وحد البنة فيها متتعوضش ماذابيك أختي و كان تعلمينا مأكولاتهم كيراكي منهم و جازاكي الله خيرا

الله يبارك فيك اختي أكيد يبقى الأصل وحدوا

مي قالك الجديد شد فيه ولقديم لا تفرط فيه

عجوزتي الله يبارك عليها من حتى شئ تقدم طبق ويكون بنين

ان شاء الله نحاول كل ما نسرق طريقة نحطها فالمنتدى

مشكورة على مرورك

اقتباس:

المشاركة الأصلية كتبت بواسطة karmine30 حبيباتي جبتلكم اليوم طبق كنت نظن انه صعب بحكم زواجي من بوسعادي لازم طبعا نتعلم طبخهم وحماتي الله يذكرها بخير صاحبة القلب الكبير وروح الدعابة محبتش تعلمني قاتلي نشوفك الا تجيبيها وحدك…. يوم عيد الفطر من عادات اهل المنطقة أنهم يطيبوا الشخشوخة خطفت منها شوي ولما سمعت اني طيبتها ماتت بالضحك ولما شافت الصور قاتلي غلبتيني وهاذي هي الصور -أول مرة – أولا لعجينة تتعمل بالماء و الملح و فرينة + سميد نص بنص و اللي تحب تعمل سميد وحدوا شادة شوي روحها على عجينة الرقاق تخليها ترتاح ومبعد تقرصيها تاخذي 3 قرص وتحليهم شوي وتحطيهم فوق بعضهم وتكملي تحليها وعلى طاجين الطين تاع البغرير – الغرايف – تطيبيها و تفتتيها كيما الثريدة لكن باليد وتحضري لاصوص – طماطم – بصلحة ثوم و البهارات + لحم أو دجاج وتقليهم مليح وتخليهم يطبخوا قبل ما تغلقي على النار تكوني محضرة كمية كبيرة تع بصل مقطع لنصف شرائح كبيرة تحطيه على البرمة و تظيفي ورق الرند + الفاح + الحار + قليل من الثوم وكي اطفي النار + الكسبر تجيبي الفتات و تخلطيه مع الصوص اللي تكوني خليتي منها شوي للوجه تزينيها بالكسبر و البيض تؤكل مصحوبة بالرب – يشبه المعجون – مصنوع بالتمر + الدهان العربي وهذا شكلها النهائي تقريبا و شهيتكن طيبة

يعطيك الصحة اختي
ربي يحفظك ماشاء الله عليك
لكن حكاية البيض مع الكسبر من الاخير هاذي مكانش منها
ثاني الرب موش شرط وموش اصل بوسعادي
ايضا نحن نضع طماطم اليابس نرحوه والفلفل اليابس الاحمر للشخشوخة
وناس زمان يضيفو لها القرس اللي هو التمر اليابس يرحوه ويديروه معاها
ايضا الحمص المشمخ والمشماش اليابس او الهرماس
هاذي شخشوخة بوسعادية
اماتاع الرب خاصة بولاد نايل
انا بوسعادية ابا عن جد
والشخشوخة اختصاصي واهم اكلة الكل يطلبها مني

اقتباس:

المشاركة الأصلية كتبت بواسطة ابتهال 4 يعطيك الصحة اختي ربي يحفظك ماشاء الله عليك لكن حكاية البيض مع الكسبر من الاخير هاذي مكانش منها ثاني الرب موش شرط وموش اصل بوسعادي ايضا نحن نضع طماطم اليابس نرحوه والفلفل اليابس الاحمر للشخشوخة وناس زمان يضيفو لها القرس اللي هو التمر اليابس يرحوه ويديروه معاها ايضا الحمص المشمخ والمشماش اليابس او الهرماس هاذي شخشوخة بوسعادية اماتاع الرب خاصة بولاد نايل انا بوسعادية ابا عن جد والشخشوخة اختصاصي واهم اكلة الكل يطلبها مني

اختي الله يحفظك على مرورك

أنا وش شفت يعملوا عملت

وفعلا هم نوايل يمكن كل جهة أو كل عائلة ليها

طريقتها واظافتها الخاصة بيها

ويلا حطيلنا الشخشوخة على طريقتك باه نتعلم منها ونزيد نبهر عجوزتي

تحياتي

اختي يعطيك الصحة على الطريقة بالتفصيل ما شاء الله عليك لكن انا من العاصمة و كنت عملتها لكن احنا نفور الشخشوخ ثم نرجعوه للمرق الاحمر ممكن التوضيح لاني حابة نجربها و نعرض اهل زوجي عليها
مشكورة اختي مرة تانية

الف الف شكر اختيبارك الله فيك راح نجربو ان شاء الله

اقتباس:

المشاركة الأصلية كتبت بواسطة karmine30 اختي الله يحفظك على مرورك أنا وش شفت يعملوا عملت وفعلا هم نوايل يمكن كل جهة أو كل عائلة ليها طريقتها واظافتها الخاصة بيها ويلا حطيلنا الشخشوخة على طريقتك باه نتعلم منها ونزيد نبهر عجوزتي تحياتي

ههه
كشما خليتي باه نحط راكي فحلة وحطيتيها كيما راهي لكن ملاحظتي كانت
عالرب سكان بوسعادة الاصليين ما يديروهش واولاد فرج هما اللي يديروه
يعطيك الصحة وتسلم ايديك حنونة

واووووووووووووو على ناس بوسعادة ناس الكرم و الجود زرتها كي كان في عمري 15 سنة ياسلام ذكريات حلوة