بعد غياب دام مدة طويلة حبيت تكون أول وصفة ليا نقدمهالكم هي طريقة البسكريات في تحضير البراج
و هذي طريقة ماما الله يحفظها و يدخلها للجنة و جميع أمهاتكم، مع تعديل طفيف من عندي
المقادير: تحتاجي
– 3كيلات دقيق أي السميد تاع الكسرة
– كيلة سمن ذايبة
– شوية ملح (كمية الملح تكون قليلة ماشي كيما تملحي الكسرة)
– حفنة ماء زهر (باش يخلي العجين يكون حاكم روحو)
– ماء تلمي بيه
– غرس منقي و مرحي و متبل بنصف ملعقة صغيرة قرفة مرحية و ربع ملعقة صغيرة قرنفل (الطيب) مرحي
– زيت نعجنو بيه الغرس
فقط للي ما يعرفش الغرس واشي هو الصورة توضح
[IMG]
[/IMG]
[IMG]
[/IMG]
**أولا نحضر الغرس بعد ما تكوني رحيتيه ، إذا كان قاسي أرخفيه بشوية ماء زهر و أعجنيه بالزيت راح يجيك هكذا
[IMG]
[/IMG]
**ثانيا نضع الدقيق و السمن في قصعة و الملح كذلك كيما شفنا في أول صورة و نخلط الكل جيدا راح يجيك كيما هكذا
لونو يكون أصفر
[IMG]
[/IMG]
**نأتي الآن للتعديل اللي قمت بيه و هو إنك تمحريه بين إيديك يعني تحكيه بين إديك (كيما نديروا للمقروض )أو على القصعة بحركات دائرية أو ذهابا وإيابا حتى تحسي بلي ولا شاد بعضاه و لونو يتبدل يكون قريب يولي أبيض كيما راح تشوفوه في الصورة
[IMG]
[/IMG]
** من بعد أضيفي كمية ماء الزهر حوالي حفنة فقط ولمي بالماء بلاما تعجني باش ما يجيكش كيما الكسرة قاسي تكون طرية العجينة
** ثم اقسمي العجين إلى 2 حلي الأولى على مائدة بحيث تكون أخشن من الثانية بشوية ثم حلي الغرس فوق بلاستيك مدهون بالزيت باش ما يلصقلكش ، سمكه يكون اختياري حبيتي لبراج نتاوعك يكونوا محشيين مليح خشني شوية بلا ما تبالغي ثم حطيه فوق العجينة اللي كنت حليتيها من قبل ثم الطبقة الاخرى تاع العجين حطيها برك من فوق بالقطعة خاطر ما تقدريش تهزيها كامل إذا حليتيها بالحلال يعني كيما كيما راح تشوفي في الصورة
[IMG]
[/IMG]
[IMG]
[/IMG]
** من بعد سويها من فوق بالحلال و قرصيها بيه حيث السمك يكون كيما تحبي خشين شوية ولا رقيق شوية
بصح ما لازمش تكون خشينة بزاف راح تبقى عجينة من داخل أثناء الطبخ ولا رقيقة بزاف راح تيبسلك
[IMG]
[/IMG]
[IMG]
[/IMG]
**قصيها كيما تحبي مقروضات أو كاريات أنا قصيتهم هكذا طريقة قدمتها عضوة من عضوات المنتدى نسيت اسمها بصح نشكرها
[IMG]
[/IMG]
** وطيبيهم على الطاوة اللي نطيبو فيها الرقاق (النعمة) تاع الشخشوخة البسكرية
النار لازمتكون هادية وكي تسخن مليح الطاوة حطو لبراج وحمروهم على الجيهتين هكذا
[IMG]
[/IMG]
***وبصحتكم هاو كيفاش خرجلي والذوق مانحكيلكمش جا روووووووووعة يذوب في الفم من شدة طراوته وهشوشته**
[IMG]
[/IMG]
[IMG]
[/IMG]
**اسمحولي إذا طولت عليكم حبيت يكون الشرح وافي وكافي لأنو كيما تقول الوهرانية هناك مبتدئات وأنا أشاطرها الرأي
نتمنى تجربوه و تقولولي كيفاش جاكم و أي تسائلات أنا في الخدمة
هااااااااااااااااااااااااايل ماشاء الله يسلم هدوك اليدين عجبني بزاااف
يعطيك الصحة اختي
تسلم الايادى ام اياد
لكن عذرا ما هو الغرس ؟
يعطيك العافية
|
المشاركة الأصلية كتبت بواسطة sarah..
 هااااااااااااااااااااااااايل ماشاء الله يسلم هدوك اليدين عجبني بزاااف
يعطيك الصحة اختي |
الله يسلمك أختي شكرا لك نورت صفحتي
|
المشاركة الأصلية كتبت بواسطة اميرة و لكن
تسلم الايادى ام اياد
لكن عذرا ما هو الغرس ؟ يعطيك العافية |
الله يسلمك عزيزتي أميرة
الغرس هو التمر كي يكون طايب بزاف هاو ليك
[IMG][/IMG]
بوركت اختي اممممممممممممممممممممم هايلين
ماشاء الله هاااايل يشهي
اللهم ادمها نعمة
بارك الله فيك هااااااايلين
الله يبارك ويعطيك الصحة والله هايل .. تسلم ايديك …
|
المشاركة الأصلية كتبت بواسطة ام عبيدة
بوركت اختي اممممممممممممممممممممم هايلين
|
الله يبارك فيك أم عبيدة نتمنى تجربوه راح يجيكم روعة
|
المشاركة الأصلية كتبت بواسطة boughzoul
ماشاء الله هاااايل يشهي
اللهم ادمها نعمة |
الله يسلمك و يحفظك عزيزتي بوغزول اللهم آمين
|
المشاركة الأصلية كتبت بواسطة soriaalg
بارك الله فيك هااااااايلين
|
يبارك فيك و يسجيك ربي يخليك شكرا لك عزيزتي صورية
|
المشاركة الأصلية كتبت بواسطة imane101
الله يبارك ويعطيك الصحة والله هايل .. تسلم ايديك …
|
الله يبارك فيك و يسلم شكرا لك أختي إيمان
يعطيك الصحة يالبسكرية
جاك هايل تاكلوه بالصحة غاليتي و شكرا
|
المشاركة الأصلية كتبت بواسطة اميرة و لكن
تسلم الايادى ام اياد
لكن عذرا ما هو الغرس ؟ يعطيك العافية |
الغرس هو معجون التمر يا اختي واهلا وسهلا بك بيننا نورتي
اسفة على الرد من بعدك ام اياد (للافادة فقط)
|
المشاركة الأصلية كتبت بواسطة ام غالية
يعطيك الصحة يالبسكرية
|
الله يسلمك و يحفظك يا أم غالية نورت صفحتي
|
المشاركة الأصلية كتبت بواسطة oum anas 69
جاك هايل تاكلوه بالصحة غاليتي و شكرا
|
الله يسلمك شكرا لك أم انس ربي يخليك
|
المشاركة الأصلية كتبت بواسطة sarah..
الغرس هو معجون التمر يا اختي واهلا وسهلا بك بيننا نورتي
اسفة على الرد من بعدك ام اياد (للافادة فقط) |
لا بأس سارة بإمكانك الرد على أي مشاركة على الرحب و السعة
يا البسكرية