السلام عليكم
اهلا لبنات ان شاء الله تكونوا ملاح حبيت نشارك معاكم وصفتي تارت الليمون من احسن الوصفات و ابسطها بعد تجارب بزااااف من الوصفات توصلت لهذي الوصفة الرائعة اعتمدتها و مانيش راح نبدلها ننصحكم تجربها
المقادير
300غ فرينة
150غ زبدة
2مغارف كبار سكر قلاصي
رشة ملح
شوية ماء
الكريمة
3 صفار بيض
عصير 3ليمون 15سل
ماء بقدر العصير15سل
150 سكر احرش
بشور حبة قارص
ملعقة كبيرة نشاء
الميرانغ
3 بياض بيض
3 م ك سكر احرش لكل بيضة تقدرو ديرو 4 م ك لكل بيضة على حسب الحلاوة لتحبوها
فاني
الطريقة
نخلط الفرينة مع الزبدة مليح يعني نخل الزبدة في العجينة كيما راهو موضح في الصورة و نزيد السكر و رشة الملح و نلم العجينة بدون عجنها و نحطها في كيس و نخليها تريح شوية في الثلاجة في هذا الوقت نحضر الحشو
الحشو
نضع العصير القارص +الماء+ صفار البيض+بشور القارص+السكر و النشاء في طاوة "كاسرونة" و نخلط بارد في بارد و نحطها على النار و نقعد نحرك فيها حتى تعقد كيما راهو موضح في الصورة " يعني تحكم روحها ..كي تبدا تحكم روحها نحيوها من النار و نحطوها في صحن و نغطيها بكيس او نيلو و الى الثلاجة حتى تبرد تماما
كي تريح العجينة نتاعنا نجبدها و نبدا نشكل فيها عندك 2 طرق يا تكسليها و تمبعد ديريها في ليمول او ديري كعبايرات صغار و تكسليهم على المول وانا نفضل الطريقة الثانية اسهل و اسرع
العجينة ديروها شوية خشينة باش نقدرو نحشيوها بلا ماتتكسر و تتفتت
نثقبها بالشوكة مليح و نحطها طيب في فرن مسخن من قبل على درجة حرارة 180 كي طيب من تحت شعليلها من فوق ok
تحمار شوية من فوق نجبدوها و نخليها تبرد شوية و نحيها من ليمول
الميرانغ
نحط كاسرونة تسخن فيها ماء حتى يسخن مليح نحط فوقو صحن فيه بياض البيض+السكر+لافاني+رشة ملح و نخلط
و مبعد نجبد الحمام المائي من النار و نضرب
و نضرب مليـــــــــــــــــــــح حتى يطلع و يحكم روحو كيما راهو موضح في الصورة
ملاحظة"تقدرو تخدمو حمام مائي فوق النار و طلع الميرانغ عليه مي لتفادي الحوادث ديرتو بعيد على النار"
المونتاج
نجبد الكريمة من الثلاجة و نجيب التارتولات نتاعنا ليكونو بردو نحشيهم بالكريمة و نزين بالميرانغ
ليعندها الشاليمو دير بيه ليماعندهاش تحطهم تحت شواية الفرن 
يحمارو شوي و تنحيهم
هذي هي لادوي لخدمت بيها
رانى نستنا فيك
ماشاء الله روعة اين الوصفة
روووووعة كالعادة حنووووووونة وتوحشناك وتوحشنا اطباقك مممممممممم تسلمي يا متالقة
ررررررررررررررررررروعة ويعطيك الصحة
44444444444444444444444444444444444444444444444444 44
نموت على القارص يعطيك الصحة
ياعمرى مزيه مرانيش نتوحم خرجولك روعة الله ابارك
|
المشاركة الأصلية كتبت بواسطة ام مهدي 03
 باينة هايلة
رانى نستنا فيك  |
شكرااااااا حنونة
اسمحيلي طولت عليك نفوت الموضوع بار فاسيلتي:d:d:d
ربي يحفظك
|
المشاركة الأصلية كتبت بواسطة ام اسيد1
ماشاء الله روعة اين الوصفة
|
انت الاروع حنونة
اسمحيلي هذا وين كتب ربي و كملتها ان شاء الله تجربها و تعجبك
|
المشاركة الأصلية كتبت بواسطة أم محمد تاج
روووووعة كالعادة حنووووووونة وتوحشناك وتوحشنا اطباقك مممممممممم تسلمي يا متالقة
|
اهلا بيك حبوبة وش راااكي ان شاء الله تكوني مليحة مام انا توحشتكم بزااااف و حابة نشارك معاكم مي ماعنديش باش نصور فسدلي بورتابلي راهي كل ماتجي اختي نصور ببورتابلها
جيت اليوم ندير بطبوطك ماكفانيش الوقت السبت الجاي ان شاء الله
انت الاروووع حنونة و المتألقة بأطباقك الاكثر من رائعة
شكراااا على الاطراء و المشاركة في موضوعي ربي يفغرحك كيما فرحتني 
|
المشاركة الأصلية كتبت بواسطة fadila34
ررررررررررررررررررروعة ويعطيك الصحة
|
انت الاروووع
الله يسلمك
شكراااااا
|
المشاركة الأصلية كتبت بواسطة ام سهام 02
44444444444444444444444444444444444444444444444444 44
|
شكراااااااااااااااااااااااااااااااا
|
المشاركة الأصلية كتبت بواسطة mimimouni
نموت على القارص يعطيك الصحة
|
كونجليت من القارص بزاااف حكمتني الحمى نتاع المنتدى كي كانو يكونجليو فيه هو و البرتقال
الله يسلمك
شكراااااااااااااااااااااااا
ا