تحلية اليوم راهي بنينة بنينة …….بزاف بنينة
هاذ التحلية اصولها فرنسيةهي تجي بالكريمة الانجليزية والكريمة لما تجتمع مع الكراميل ذوقا والله رهيب ولا يقاوم سماوها الجزيرة العائمة ممكن لانو شكلها مثل الجزيرة …….ممكن لكن ناكدلكم بالي لذتها لا تقاوم ونرجع ونقول الاكل اذواق
انا هنا استعملت 4 بيضات لكن هي في الحقيقة تجي ب 8 بيضات لكن حبيت نسهل عليكم التجريب لهاذا استعملت نصف مقادير 8 بيضات
نروحو للمقادير
4 بياض البيض
2 م ك سكر عادي
1 م ص فاني
5 م ك كراميل
الكريمة
4 صفار البيض
4 م ك سكر عادي
1 م ص فاني
نصف لتر حليب فايض وبارد
طريقة التحظير
اولا نطل البياض مثل الثلج ثم نضيفلو اثناء الخفق السكر والفاني
نحط الكراميل في صحن اينوكس
ثم نحاول نفرغ البياض غير بالشوية
نحط صحن الاينوكس في حمام مائي ولازم الماء يكون سخون
ثم الى الفور مدة10 د ثم نطفي ونشعل من فوق حتى يحمار شوية
راه ما يطولش بزاف لازم تعسيه
ثم حاولي باستعمال الموس تنحي التصاق البيض بالصحن على الجوانب
ونزليه في صحن التقديم غير بالشوية باش ما يتقلبش وحاولي هاذاك الكراميل اللي يبقى لاصق في الاسفل نزليه عليه من فوق
نروحو لتحظير الكريمة
نخلط الصفار والفاني مع الحليب غير بالشوية
ثم نحطو على نار ذليلة شوية ونبقى نحرك ما لازمش نتوقف
نحرك بملعقة خشبية او سيليكون
نحرك حتى نشوفها ثقالت
او ممكن تقلبي الملعقة كيما في الصورة وتعملي خط بصبعك اذا ما رجعش تلم يعني راهي واجدة
هنا حبيت نوضحلكم فقط ان نخدم بعينيا
ملاحظة مهمة
الكريمة ما لازمش تغلي على خاطر اذا غلات رايح تفزد وعلاه قلتلكم راهي حساسة في طيابها
نفرغها على جنب البياض الي يكون واجد في الصحن نفرغ غير بالشوية
نحطو في الثلاجة يبرد مليح على خاطر قد ما يبرد يجي بنين
انا عن نفسي ناكلو كي يبات
اثناء التقديم زيدي زينيه بالكاراميل
صدقوني راهي الكريمة الانجليزية ذوقها رهيب مع الكاراميل
يقدم في اكواب فردية او ممكن تجتمع العايلة عليه
راني كثرت الهدرة سامحوني بصح حبيت نشرح للاخوات الكريمات لانو كاين اخوات مبتدئات
ان شاء الله يعجبكم وينال رضاكم
في امان الله
تهبببببل واكييييد راقية مثثلك شكررررعلى ما تقدمينه من وصفات وننتظر منك المزيد ومشكورة في ميزان حسناتك يارب
|
المشاركة الأصلية كتبت بواسطة فايزة44
 تهبببببل واكييييد راقية مثثلك شكررررعلى ما تقدمينه من وصفات وننتظر منك المزيد ومشكورة في ميزان حسناتك يارب
|
لا شكر على واجب حبيبتي
العفو
شكراااااااااا رب يهنيك
رجعتيلي ل سنة لوراء واووووووووووووووووووووو هايلة كنا نديروها بكري ورفدنا الوصفة من مجلة فام دجوردغي الله يعطيك الصحة نمووووووووووووووووووووت عليها
شكرًا الله يعطيك الصحة تبان هايلة تحلية وعليها الكلام
بارك الله فيك وجزاك كل خير
|
المشاركة الأصلية كتبت بواسطة أم ياسين الزهراء
رجعتيلي ل سنة لوراء واووووووووووووووووووووو هايلة كنا نديروها بكري ورفدنا الوصفة من مجلة فام دجوردغي الله يعطيك الصحة نمووووووووووووووووووووت عليها
|
صحيح اختي تجي روعة في شكلها وفي بنتها
أنا نعملها من زمان واليوم حبيت نفيد الأخوات اللي ما يعرفوهاش
مشكورة حبيبتي على الرد الجميل
|
المشاركة الأصلية كتبت بواسطة idron0
بارك الله فيك وجزاك كل خير
|
وفيك بركة حبيبتي
|
المشاركة الأصلية كتبت بواسطة bibichaton
شكراااااااااا رب يهنيك
|
يهنينا اجمعين ان شاء الله
44444444444444444444444444444444444444444444444444
يابنتي راح تهبليني صح وانا عاملة ريجيم واش درتلك
وعلى العموم يعطيك الف عافية والله راكي اكتشاف المنتدى
تستاهلي احلى تقييم وربي يهنيك
الله يعطيــــــك الصحة
|
المشاركة الأصلية كتبت بواسطة عطرالذهب
يابنتي راح تهبليني صح وانا عاملة ريجيم واش درتلك
وعلى العموم يعطيك الف عافية والله راكي اكتشاف المنتدى تستاهلي احلى تقييم وربي يهنيك |
لو كان نقولك حاجا تضحكي عليا أنا راني ريجيم مدة شهر والحمد لله راني نزلت الكيلوات الزائدين ونزيد نضحك هاذ الرجيم رآنا دار كاملا مدايرينو بناتي في زوج والمعلم نتا عي منعت غير بنتي الصغيرة عمرها 5سنين وهاذ الصور راهم من مدة السخفة و الجوع هوما اللي خلاوني نفحال ونحط المواضيع بهاذ الوصفات ومازال الخير لقدام لي هردتها على عائلتي حتى رجعنا كامل ريجيم كل يوم نخلط ونجلط
بصح نقول الحق والله ما قدرت للرجيم بلاك راني رايحا نولي لعادتي
المعلم راهو يضحك ويقول رجعت ريما لعادتها القديمة هههههههههههههه
اضحكي شوية هههههههههه
|
المشاركة الأصلية كتبت بواسطة tong2
مممممممممممممممممممم تحفة
الله يعطيــــــك الصحة |
الله يسلمك حبيبتي الصفحة منورة بوجودك
