أهلا بيكم واشراكم انشاء الله تكونو بخير جبتلكم غدايا لي درتو اليوم LA TOURTE طبق خفيف وسهل مايديش الوقت بزاف مع الصيف راح يحبوه الاولاد وراح يعجبكم انشاء الله وجربوه منتولش عليكم
بالنسبة للعجينة راح نحتاج للمكونات الاتية أنا كيلت بهاذ الكاس
2 كيسان فرينة
فنجان زيت
2 ملاعق صغيرة ملح
ملعقة صغيرة خميرة الخبز
بيضة واحدة
ملعقة صغيرة سكر
ماء دافي لميت بيه العجينة
بسسي العجينة بالزيت وحكي بيديك مليح كي تكدسيها بيدك تبقى كتلة كيما في الصورة
الان كملي حطي المكونات الاخرى ولمي بالماء حتى تتكون عجينة طرية من بعد غطيها بكيس بلاستيكي وخليها ترتاح
بالنسبة للحشوة نحتاج:
لحم مفروم ( تقدري تعوضيع بالدجاج)
ملح ، فلفل أسود، شووووي كمون ، فلفل أحمر بودرة، 2 فصوص ثوم، هريسة حسب الرغبة، ZESTE DE CITRON،موطارد، نصف حبة فلفل مقطعة ، حبة بصل متوسطة مقطعة، فطر، حبة جزر متوسطة مبشورة، حبة طماطم مبشورة، زبدة
حطي المقلاة على النار
حطي شوي زبدة + البصل خليها تتقلى شوي في الزبدة
زيديلها الفلفل المقطع + اللحم + التوابل
كي يتفرح اللحم زيديلو الجزر
من بعد الطماطم
+الفطر مع التقليب وخلي الطماطم تنشف شوي من الماء وطفي على الحشوة هاذي وغطيها وخليها تبرد شوي
الان جيبي مول أنا استعملت الزجاج يمكنك استعمال صينية الحديد ادهني بالزبدة ورشي الفرينة
هاهي العجينة بعد ما رتاحت نقسموها على ثنين 2
ونحللوها بالحلال بلا ما ترشي الفرينة ماتلصقص
وحلليها رقييقة كيما في الصورة
روليها على الحلال كيما في الصورة وحطيها على المول فرشيها عليه
وعدليها في المول وثقبيها بالشوكة
الآن زيدي حللي النصف الثاني كيما الاول قيل ما تحطي الحشو في المول و حضري الحشوة + فروماج رابي+ 2 بيضات مخفوقين بالشوكة برك
فرغي الحشوة اولا وزيدي فوقها البيض و ذرذري الفروماج رابي
وغطيها بالعجينة الثانية ولازم تلصقيها مع اطراف الاولى
الان اذا حابة تزينيها كيما تحبي بالاطراف العجينة لي تبقالك انا كنت مزروبة مزيتنهاش كيما حبيت 
كانو مزروبين باش ياكلو ههههههه
ودهنيها بالبيض+ قطرات من الخل وزدتلها سينوج شوووووووووي الفرن تشعليه قبل بـــ 15د على 180°
وهاهي بعد ما طابت
قدميها مع سلطات أو بطاطا فريت
نتمنى تعجبكم ونكون أفدتكم مع ان رمضان الكريم على الابواب تنفع لرمضان كمقبلة أو كطبق ثاني نتمنالكم الهناء والصحة الدائمة دمتم بخير
تحياتي 
روعة مشاء الله
أعتذر منكم لان راني حطيت الصور كلها لكن ماحبوش يبانو كيفاش كي طابت أنا متأسفة
شكرًا لك رأيه باينة تشهي سلمت يداك
باينة بلي بنينة مي نسقسيك واش معناه موطارد لاني انا جامي طيبت عمري 18و حبيت نزيد نعرف ادا نقدر نتخلا على فلفل مقطع و جزرة لا ني منحبهمش ننتظر ردك
مشكووووووووووووووووووووووووووووووووووووووووووووووو وووورة حبيبتنا الغاااااااااااااااااااااااااالية
|
المشاركة الأصلية كتبت بواسطة souzie
 باينة بلي بنينة مي نسقسيك واش معناه موطارد لاني انا جامي طيبت عمري 18و حبيت نزيد نعرف ادا نقدر نتخلا على فلفل مقطع و جزرة لا ني منحبهمش ننتظر ردك
|
الموطارد يا أختي نوع من خردل متبل ومعلب قوام نتاعو كيما المايونيز
ويمكنك الاستغناء على الفلفل والجزر لكن الجزر يمد نكهة حلوة للحم وراهو ميبانش طعمو ومفيد مكشورة
|
المشاركة الأصلية كتبت بواسطة ladymillion
الموطارد يا أختي نوع من خردل متبل ومعلب قوام نتاعو كيما المايونيز
ويمكنك الاستغناء على الفلفل والجزر لكن الجزر يمد نكهة حلوة للحم وراهو ميبانش طعمو ومفيد مكشورة |
يعطيك الصحة زيد غير هادي و تزيديش تشوفيني ههههه جزر نديرو و زيد نقدر نتخلا على هدا الخردل لاني عندي حساسية منو
|
المشاركة الأصلية كتبت بواسطة souzie
يعطيك الصحة زيد غير هادي و تزيديش تشوفيني ههههه جزر نديرو و زيد نقدر نتخلا على هدا الخردل لاني عندي حساسية منو
|
نعم تفدري تتخلاي على الموطارد كيعاد متشتيهش مكانش مشكل أختي وش حابة سقسيني راني أختك
44444444444444444444444444444444444444444444444444
يعطيك الصحة
راني عدلت الصور بعد ما طابت
ماشاء الله روعة يسلمووووووو
باين بنين
يعطيك الصحة روعة