هذه وصفة سهلة تقدري ديريها صباح و تقدميها لعشية مع سنية القهوة
سهلة خلااااص و اتمنى تعجبكم
المقادير
كاس حليب
كاس زيت
زوج كيسان سكر لحرش
و 5 ملاعق كاكاو
4 بيض
كاس فرينة
و كيس خميرة تاع القاطو
التحضير
المرحلة الأولى تجهزي فيها هاذ المقادير الي في الصورة
نخلطوهم مع بعض في كاسرونة و خلطي مليح حتى يولو مزيج واحد
من بعد حطيها على نار هادئة و بقياي تحركي حتى تولي ثقيلة شوية ماش بزااف
من بعد نحيها من على النار و خذي كاس من الخليط
من بعد خلطي بيض كي يولو بلون ابيض ضيفي عليه الخليط الي كنتي نحيتيه من على النار ثم ضيفي عليه كاس فرينة معها كيس خميرة تاع القاطو تتحصلي على هذا الخليط
جيبي المول تاعك اذهنيه بالزبدة مليح انا استعملت مول مربع بسيط و صبي عليه الخليط تاعك
من تما حطيها في الفرن و خليها حسب الفرن الي عندك كل وحدة فينا راهي خبرة بالفرن تاعها بصح اي مطولش في الطياب خلاص
كي تجبديها قلبيها من المول و غطيها بكاس الي كنت خليتيه من قبل و زينيها كيما حبيتي و حطيها في فريجيدار تبرد الى وقت التقديم
انا زدتلها اللوز ايفيلي
كي بقالي شوية من الخليط هزيت لمول الصغار تاع القاطو كيما قنيدلات ذهنتهم بالزبدة و عمرتهم بالخليط و خليت شوية اسباس باش كي يطلعو ما يفيضوش
صدقوني كي جاوني والديا عندي فرحو بالقاطو بزااف بابا و زوجي كلاو الصغار عجبتهم بزااف و ماما كلات من لطارط الكبيرة عجبتها
و هكذا ارضيت جميع الاذواق في ان واحد هههههههه
و هاذي لحباباتي الي هما انتم عزيزاتي و شهية طيبة
الله يبارك
يعطيك الصحة
تبان خفيفة كالريشة
يبارك فيك لعزيزة
خفيفة خلاص و هشة و نتمنى تجربيها و تستمتعي بيها
شكرا عزيزتي
هايلة باينة بنينة
شكرا لكن
بنينة تقتل اشورة
lah yatik esaha ou rabi ykhalilak babak o yemak ou wladek ou zouj bien sure bach dima ydoukou men yedak el haja labnina machkoura okhi ala el wasfa baraka lahou fik
مشكووووووووووووووووورة
|
المشاركة الأصلية كتبت بواسطة natacabell
 lah yatik esaha ou rabi ykhalilak babak o yemak ou wladek ou zouj bien sure bach dima ydoukou men yedak el haja labnina machkoura okhi ala el wasfa baraka lahou fik
|
ما كانش احسن من رضا الوالدين و رضا الزوج
|
المشاركة الأصلية كتبت بواسطة بنوتة توتة
مشكووووووووووووووووورة
|
بنينة بزاف نتمنى تجربوها يا بنات
حبيت نسرق الصحن بكل البارح باش ناكلها غير أنا هههههههههههههههه
|
المشاركة الأصلية كتبت بواسطة samirasys
بنينة بزاف نتمنى تجربوها يا بنات
حبيت نسرق الصحن بكل البارح باش ناكلها غير أنا هههههههههههههههه |
يعطيك الصحة تبان شابة وخفيفة
يعطيك الصحة والهناء
شابة بزاف انشاء الله نجربها