السلام عليكم و رحمة الله و بركاته
بما أنه موسم الفرولة و ما راهيش غالية بزاف حبيت نعطيلكم وصفة تاع معجون الفرولة ساهل للتحضير وبنين
بالنسبة ل 1 كلغ من الفرولة نستعملو 700 غ من السكر + شريحة تاع 1 سم من الليمون
نغسل الفرولة جيدا ننزعها من الماء ونحيلها الاوراق تاعها ونحطها في طنيجرة عريضة شويا
نرمي عليها السكر و شريحة الليمون ونخليها مدة ساعتين أو اكثر باش تطلق الماء
بعد مرور ساعتين أو أكثر نحط الطنيجرة تاعي فوق نار قوية ونخليها تغلي ثم انقص للنار شويا
تبدا تتشكل واحد الرغوة هاذ الأخيرة ننزعها بواسطة ملعقة في كل مرة ( مالازمش تبقى الرغوة تبان و الا يقراص المعجون)
نخليوه يطيب حتى يعقد.
باش نعرفوا اذاطاب نأخذ كمية قليلة من المعجون بواسطة ملعقة صغيرة ونفرغوها فوق صحن اذا قعد المعجون في مكانو يعني طاب و اذا شفتيه ينتشر في الاطراف معنتها مازال.
كي يطيب تحبي ترحيه مليح أو شويا أو تخليه حبيبات ونفرغوه سخون داخل البلارة و نغلقوها مليح و نقلبوها ( نقلبو البلارة ونحطوها على الغطاء نتاعها و الهدف هو تعقيم الغطاء باش ما يفسدش المعجون لانه كما تعلمون ما فيهش مواد حافظة كيما اللي يتباع)
كي تبرد جيدا دخليها للثلاجة و راهي واجدة للاستهلاك.
ملاحظة :
1- من الأحسن تستعملي البلارات اللي عندها غطاء تاع حديد ماشي بلاستيك.
2- عند الاستهلاك فرغي الكمية اللي تتناولوها في صحن يعني من الاحسن ما تستهلكوش من البلارة مباشرة
بلا ماننسى انو درتها حتى لمرضى السكري بصح بسكرالفريكتوز الخاص بيهم و الموجود في السوق و استعملت نفس الوصفة و الطريقة الا بالنسبة للسكر استعملت 400غ فريكتوز ل 1 كلغ فرولة .
نتمنى انو وفقت في الشرح و ان شاء الله تجربوها و تدعولي شكراااا
|
المشاركة الأصلية كتبت بواسطة فايزة1207
 شكرا اختي على الطريقة
|
الله يسلمك ويسترك شكرا
الله يعطيك الصحة
الله يعطيك الصحة
هل يمكن تجميد المربى بعد تحضيره
شكرا لك
بارك الله فيك
رائععععععععععععععععع
بارك الله فيك على الوصفة والشرح الرائع
شكرا على الوصفة لكن انا درت هكا مرة جاني الحبات محرحرين او راني حباتهم يقعد صحاح لي تعرف كيفاش تقولي جزاكم الله خيرا
|
المشاركة الأصلية كتبت بواسطة imy1
الله يعطيك الصحة
|
اسلمك شكرا
|
المشاركة الأصلية كتبت بواسطة ام يوسف 2737
الله يعطيك الصحة
هل يمكن تجميد المربى بعد تحضيره |
طولت باش نرجعلك حتى سقسيت قلت لي ماماتقدري تجمديه في علب تاع بلاستيك ان شاء الله توفقي
شكرا بارك الله فيك
|
المشاركة الأصلية كتبت بواسطة أم مبين
شكرا بارك الله فيك
|
و فيك بارك الله ربي يسترك
ماقلتيناش شعال كمية الماء
|
المشاركة الأصلية كتبت بواسطة ام ايمن17
ماقلتيناش شعال كمية الماء
|
اذا ما كنتيش مزروبة خلي لافراز تطلق الماء تاعها مع السكر واذا كنتي مزروبة ديري غير نصف كاس لكيلو فراز