allah ykhalik okhti wahrania
rani arda mes parents w khwatati w rani haba ndir hrira, mais khassni la recette chaba w bnina bezaf w makadir tkoun li 7 achkhass
nman fadlek allah ykhalik 3awnouni
السلام عليكم
شوفي حنونة
دوك نعطيك انا مقادير لحريرة للي نديرها انا و الله غير تعجب قاع اللي يدوقوها
انا نديرها بالتشيشة
ديري حبيبتي قاع الخضر اللي عندك
حبة بصل كبيرة حبة جزر حبة لفت حبة قرعة حبة طوماطيش حبة فلفل مع اللحم و الا الدجاج قليهم ملييييح في 3 مغارف زيت و مغرف معمرة سمن و مبعد ديري شوي ما و ديري التوابل الزعفران العكرية و لحرور و الكمون خليها تزيد تتقلا وحد 5 دقايق و مبعد ديري الماء قد اللي تحبي و كي تشوفيها غلات ديري التشيشة اللي من الافضل تكون محمصة و الحمص ديريه في كيس بلاستيك و لا قطعة قماش متقبة تكون نظييييييييييفة و لا كان عندك لوقت ديري شوي عدس و لوبيا يتنفخو و ديريهم تاني
كي تنضج الخضر نحي الحمص و اللحم و اطحني الخضر مليح ورديها فوق النار و ردي الحمص و اللحم و لا كان ناقص الما ضيفي و كي تعاود تغلي ديري طوماطيش المصبرة و الجومبو و التوم مهروس و الكروية و راس الحانوت قع في طبسي و حطي عليهم شوي من لحريرة اللي تتبخ و خلطيهم ملييييح تم ضيفيهم و حطي معاهم لقصبر و خليها تعقد و لا ما حبتش ديري شوي فرينة فالما بارد و ضيفيها تم تم تعقد مع انو كي تكوني مكترة الخضرة تعقد وحدها 
نتمنى نكون كتبت مليح و تكون واضحة باسكو كي قلتي عندك عرضة ايا قلت راهي متزاقية عليك ههههههههههههه
اختي الكريمة راني رديت عليك في قسم المقبلات وين حطيتي طلبك
ellah ykatar man amtalkom
baraka allaho fikom okhti alwahraniya w okhti hikayat louloua
بلا مزية حنونتي نجوى اي مع خواتاتك
yssalmak khti