السلام واش راكم
هادي الحلوة البسيطة و البنينة توالم للعيد ان شاء الله تعجبكم
المقادير:
*125غ زبدة طرية من الاحسن لابال
*نص كاس سكر ناعم sucre glace
*نص كاس زيت
*1حبة بيض
*2ملاعق كبار نوات كوكو noix de coco
*2ملاعق كبار كاكاو
*1ملعقة صغيرة لافاني
*1باكي levure chimique
*400غ فرينة
للتزيين
*معجون مشماش
*كاكاو
*نوات كوكو noix de coco
طريقة التحضير
ديرو الزبدة+الزيت+السكر
من بعد حبة البيض
من بعد نواتكوكو و الكاكاو و لافاني
من بعد الفرينة و لالوفوغ
خلطو حتى تنطم العجينة
من بعد ديري كويرات صغار و طيبيهم في فرن متوسط الحرارة
شوفو كي يطيب يتشقق امممممممممم
ادا كان عاقد المعجون تاعك زيديلو شوية ماء
ديري النوات كوكو و الكاكاو و خلطيهم
يلولي هاكدا
من بعد
من الافضل كي تكونو حتقدموه باش ديرو المعجون و النوة كوكو باش يبقى مقرمش كيما انا دوك درتو و خبيتو في frigo بلا ما نديرلو المعجون نهار لي نسحقو نديرلو
عندو مداق هايل جربوه ان شاء الله يكون عجبكم
وصفة ساهلة ماهلة سريعة و اقتصادية و بنيييينة و شابة هههههههههههه
صحة فطوركم
السلام عليكم
ما شاء الله ربي يبارك، هل ممكن الوصفة ؟؟
وين البقية تعيشي اختي عندي مدة وانا نحوس عليه
رائع جدا بارك الله فيك اختي ممكن الوصفة لو سمحتي؟
دقيقة دوك نكمل راني نطوي في البوراك ههههههههه
هههههههه ربي يعاونك
والله شاطرة سعد الراجل لي يديك يعطيك ربي على قد نيتك
صحة فطوركم ومرسي فلة على كامل الوصفات ربي يعطيك الصحة انشاء الله تكملين الوصفة .
الله الله على الوصفات الساخنة ممممممممممم
راكي تشوقي فينا اكثر واكثر
كرسي اختيي رانا نتسناو
السلام عليكم
ههههههههههههههههههههههههههههههههه راكي تهبلي فينا اظن التحضير ماهوش صعيب
ونواة الكوكو راكي محمراتو شوية على ما اظن
اياااااااااااااااااااااااااااااااااااااااااااااااا ااااااااااااا
حطي التحضير رانا صايميييييييييييييييييييييييييييييييييين
هههههههههه نكمل في السهرة
mmmmmmmm looks delicious
يعطيك الصحة فليفلة ربي يحفظك ان شاء الله
كيما العادة انتيا فورر كمليلنا الطريقة ربي يخليك ومرسييي