السلام عليكم
سبق و ان طرحت مشكلتي هنا
و لاني لمست منكم النصح و الارشاد
قؤؤت اعادة استشارتكم فلا تبخلو علي بارائكم
هده كانت مشاركتي الاولى
و الله ترددت قبل كتابة الموضوع
لكني لمست في ردودكم على مشاكل الاخرين الموضوعية
باختصار احنا 3 بنات و ولد واحد هو اكبرنا عمرو 28 سنة
احنا البنات الحمدالله كل قرينا انا نخدم و اختي طبيبة كملت هاد العام و الاخرى ماستار
لكن هوا ما حبش يقرا و كره الوالدين بالمشاكل ديالو
كيما درنالو ما حبش يركح
دار فينا الباطل
الخدمة لي نلقاوهالو ما تعجبوش
حاب يخدم في بيرو و هوما عندو حتى مؤهل
المهم قبل 5 اشهر عملنا مشكلة كبير في الدار
و احنا كرهنا من المشاكل
رحنا رحلنا لدارنا الجديدة
و خليناه وحدو في دارنا القديمة
ماما مسكينة كل يوم و هي تبكي
بصح الله غالب ما صبناش حل اخر لانو ما يخافش من الوالد
مع العلم انو هو كان يسحت فينا من الدار يقولنا روحو درك ندبر راسي
المهم طوال هده الفترة قاعد في دارنا القديمة
هو درك ما قدرش يقعد وحدو دارلو انهيار عصبي
هو درك راه معانا في الدار
و اختي داتو عند طبيب الاعصاب
كي شرب الدواء تحسن بكثير الحمداالله
لكن المشكلة انو حاب يحبس الدواء قال انا ارتحت
لكن الطبيب حدر اختي
قالها لازم ما يحبسوش على الاقل عام او عامين
باه يرتاح على قاعدة
احنا في الدار خايفين منو هاد الدواء نسيت اسمو "اكزلانسيا"
من فضلكم حبين نسمع ارائكم لانها تهمني
كاين تفاصيل كثيرة ما حكيتهاش
حبيت نركز سؤالي حول الدواء
اما المشكلة التي اود استشارتكم فيها هي كالاتي
سبق و ان طرحت مشكلة تخص اخي النفسية
و لكن بعد 3 اشهر من تناول اخي دواء لونزابراكس 10مغ و ترانكزين 5 ملغ
الوالدة قررت ان يتوقف اخي عن تناول هدا الدواء
و دلك لان حالته النفسية عادت الى طبيعتها
الا مشكلة واحدة هي الانزواء
دائما لوحده رغم محاولاتنا العديدة لاخراجه +انو هو يقلك راني بخير و لكن لما يشوف نفسو يشرب الدواء يؤثر على نفسيتوفي الحقيقة نحن حائرين بين انو يتوقف عن تناول هدا الدواء مع العلم انو هو خبرنا انو عندو الارادة باه يحبسو
تقولولي استشيري الطبيب الطبيب تيعو ما يشبعش هدرة ما ينصحش يعرف غير اشرب الدواء
حتى انو اخي البارح كان مريض عندو ابسي في اسنانو من شدة الالم ما قدرش يروح للطبيب
راحت الولدة للطبيب باه تقولو بحالة اخي بلي راه تحسن
و هل يحبس الدواء
لكن للاسف ما خلاوهاش تدخلو و عاود كتبلو نفس الدواء من دون ما يشوف حتى الوالدة
من فضلكم ساعدونا
السلام عليكم، مشكلة عويصة فعلا، لكن أهم شيء هو الحفاظ على التوازن وعدم ترك مجال للغضب والانفعال الذي قد يؤدي إلى ما لاتحمد عقباه
أختي هذه المشكلة جزء من حلها في البيت، دون الدخول في التفاصيل، عليكم بإعادة النظر في نمط حياتكم وكيفية تعاملكم مع بعضكم، الحوار هو الأساس لحل المشاكل، افتحي قنوات اتصال بين أخيك وأخواتك وأبيك، حاولي خلق مناسبات عائلية، خلال عطلة نهاية الأسبوع اذهبوا في نزهة عائلية، لأنني أعتقد بأنه احساس بالفشل أمامكم، لكل منكم حياته الخاصة فليحاول أن يشترك معه في جزء بسيط منها، اشتروا له هدايا، حاولوا إدخاله إلى التكوين المهني في تخصص قصير المدى أو عن طريق التمهين، اقتربوا منه أكثر ، لأن حالته ستولد في قلبه الحقد عليكم وحينها يتعذر علاجه..
rbi yfrajjjjjjjjjjjjjjjjjjjjj
يا اختي ننصحك باش تبدلولو الطبيب وما تحسسوهش بلي راهو مريض حسسوه بلي شدة فايتة عليه وخلاص .
ربي يهديه ويشفيه
رايي سقسي طبيب اخر
السلام عليكم
سبق و ان طرحت مشكلتي هنا و لاني لمست منكم النصح و الارشاد قؤؤت اعادة استشارتكم فلا تبخلو علي بارائكم هده كانت مشاركتي الاولى و الله ترددت قبل كتابة الموضوع سبق و ان طرحت مشكلة تخص اخي النفسية |
باختصار حاولي انت واخواتك تحسيسه بانكم اخوته انت قلت انكم ثلاثة بنات وولد يعني مايلقاش اخ يساندو انتم لكم حياتكم وانجازاتكم وهو بلا شيئ امر محزن يحسسه بالفشل اليس كذالك قلت كيما درنالو ما حبش يركح هو ماشي حاجة هو اخ ليكم غيروا نضرتكم ليه امر اخر الاب اديالكم اكيد يميز بينكم وبينوا حتى ولو من غير قصد او هو احساس من قبله يجب ان يكون له اخ وليس ابا في حالة مثل هاته اماامر الدواء والطبيب فلكم ان تستشيرو طبيب اخر ممكن ان يكون هذا الدواء له تاثير عكسي عليه و لكن لا يجب توقيف الدواء بدون استشارة فمعظم من يتناولون الدواء تكون حالتهم مستقرة وما ان يوقفو الدواء ينتكس الشخص