يا اختي يحسن عونك راكي في مشاكل كبيرة بصح نقولك الطلاق راهي حاجة كبيرة ما تخربيش دارك و وكلي ربي عليهم و صلي وادعي والحي في الدعاء ربي يلطف بيك و يسخرك زوجك و ان شاء الله ربي يفرج عليك عاجلا غير اجل
متقلقيش روحك اختي
الطلاق راهو ماشي حاجة ساهلة
واغلب الأحيان المشاكل تكون في الأول
المهم ان اضطر الأمر خلي باباك ولا واحد كبير يدخل وتحلوا الأمور ان شاء الله
بابا دالأول ابز هو و باباه و هو قاتلاتو غير يماه أنا من المشكل الأول قتلو نروحو تربحني و تربح داركم و هو ميشي قد المسؤولية هي وصلت قالت قدامو و قدام يما ماتغسلش بالماشينة تغسل بيدها قالتلي حطي راسك و نتي تهدري مع راجلك قدامو و باباه قتلو أنا نتلق مين نتوما كامل هكد لأنو راجلي قال حاجات بينو و بيني ليماه دخلت عليهم على غفلة و يماه كدبت في وجهيواش يقولي باباه وقدامو ولدك يموت أفضل و هو ساكت هداك بلى السب تاع خواتاتو
ربي يصلح بيناتكم
babah gual ala ibni li fi batni ymout ahssen fi wejhi w wejh zawji hada madala michi zawaj hyehessbou lkena esclave rabi magualch haka hacha lilah w 3icha kima hadi makench li ye9belha
ربي يصلح حالك أختي
فكرتيني بعباس الدميري الي وين يروح تنغلق في وجهو مي في الاخير مصير حق يبان ربي يعاونك ويهدي كيما هاك عباد
السلام عليكم اختي
اولا ربي يهدي اهل زوجك وإنتوما علاه ما سقسيتوش على اهلو لما خطبوك ممكن من اللأول هوما واعرين
لكن إنت اختي ضرك راكي راحا تكوني ام يعني ما تحرميش إبنك من باباه وتيتميه وتشتيه معاك الطلاق ما راهش ساهل حولي مع زوجك تكرو وتخرجي وهكذا تبقاو إنت مليحة وهوما ملاح لأنو ما نظنش راحا أحوالك تتسقم معاهم خاصة وقلت زوج اختو معاكم فالدار لو يماه وباباه نقولك إحملي وبالسيف عليك لكن نشوف راهي مشاكل كبيرة إنت حاولي مع زوجك وربي يهديه يوافق على الأقل تبعدي عليهم فترة لأنو الكراء والله غالي وبزاف كل عام يكري أيضا ما يقدرش ربي يكون فالعون كبري قلبك وخاطرك والزعاف ما راهش مليح ليك ربي يهديهم
Salam okhti
wallah na9ra f tn histoire wmajatnich bizarre psk tassra bzffff wand nass yasser wdima f debut tabda nhakka
makich wahddek l sralek hak tkouni bent l3ez wdlal wtrohi ymermdouk wybehdlouk
ana nanshek nassihet okht
wakli rabbi katri men douaa id3i rabbi yehdihom wmated3ich bechar alihom psk da3wet lmadloum ma9boula
haja tania osbriiiiiiiiiii sabr meftahe lfaraj wyji nhar tethassan ahwalk ossobri
lhaja theltha raki hakka tmardi f rohk wf l f batnek alr hafdi ala rohk whotihom f t9il
rabbi yferej alik
wtla9 mahouch hal
ana mama sralha wech sralk wkter wallah tehkili nebki aliha sabret 9 ans f dar sidi whmd dukka rahi aicha la belle vie maa rajelha wladha
ماذا جرى للدنيا اصبحت هذه التفاهات سائدة في المجتمع الجزائري متى يتركون العرسان بحالهم كما تدين يدان لا تقلقي الايام دول
أنا عندي الطلاق الآن أحسن و نربي ولدي ولا بنتي بربي خير مانولي في المرض والكرامةقبل كل شئ الرجل يحمي المرأة ميشي يعطيها لخواتاتو ويزيد يهدر هدرة النسا نركز على مستقبلي اللي بغات يماه تحكم فيه أنا إنسانت وعندي كرامة الحباة الزوجية احترام ميششي خضو اعائلة الزوج وكل واحد ومكتوبو أنا زوجي حب يرجعني لكن ما عدتش نثيق فيه الحياة بيناتنا كملت عارف خواتاتو بلي غايرات وسمح لهم و لاباس بيه
مرحبا اختي
ربي يهدي هاذ النفوس يارب
دعواتي لك حاولي تحلي المشكل بشكل عقلاني صدقيني الطلاق راه مش حل…حاولي ادخلي اخوتك او ابوك في الموضوع
وربي يصبرك ويكملك حملك على خير
|
المشاركة الأصلية كتبت بواسطة عباس الدميري
 أنا سيدة لى وشك الطلاق بعد أربعةأشهر والسبب هو أن زوجي وحيد والديه و له أربعة أخوات من اللحظة التي وطئت فيها البيت وأنا أسمع الكلام فأنا لم أنزع ثوب الزفاف تقول أخته بصوت عالي أنا ماعلاباليش بخويا ثم جاءت ثائرة أين حذاء زوجي و أمام أمي و أنا عروس دخلت غرفتي وبعثرت أحذيتي لقد صدمني هذا و أحيطكم علما أن هذا كله قبل الذهاب إلى قاعة الحفلات و كأن سكينا اخترق صدري المهم ذهبنا للحفل و بدأت أخته تستفزأمي ومن حقدها عندما قلت لها أن تقفل لي السوار فكت سلسلته و دهمت في يما بالحقيبة ديالهاالمهم فات النهار الأول في الغد عائلته قاست فاميلتي في التقيل و يما قاتلهم تهلاو في بنتي يماه و اختو شافو في بعدهم و ضحكوا المهمفاتت وليت مانمجمش ناكل ولات أختو تقول فاميلتكخلاو الريحة في الدار وهي أختهم اللي باتت في الغرفة لحقتنا نهار العرس ما خلاتناش حتى على راحتنا و بعد عشرين يوم زواج أختو دابزتني و يماه تكدب في العين وباباه ميشي حقاني وليت بالحمل ما خلاتنيش نغسل بالماشينة ديال لغسيل شريت وحدة رفدت يماه نيفها و زادت أختو هددتني وهو كسر عليا الدنيا و مبعد حب يصالحني هدا بلى التغندير ديال خواتاتو و يماه تقول داري و هو ما حبش يكري علما أنو خلصتو مليحة و نزيد أختو مزوجة و جايبة راجلها في الدار انا كرهت
|
السلام عليكم و رحمة الله تعالى و بركاته
بسم الله الرحمن الرحيم
أختي الكريمة أشكرك على هذه الشجاعة لطرحك هذا المشكل الخاص أولا ، لكن نصيحتي أن تتحلاي بالصبر و الإيمان و كثرة الدعاء لله أن يهديهم الى سيراط المستقيم.
لعلمك أختي في الله ليس بالأمر السهل في بعض الأحيان أن يندمج الأنسان مع الأخرين لكنه إذا أتى أمر مثل أمرك فإنه أمر سهل إن كان لديك صبر و يجب أن تتحلي بهذا لأنه منجيك
أكثري من الخير فيهم و أذكريهم إلا بالخير و أكتمي كل ماتعانيه و سوف ترين كيف يسخر لك الله الدوام في حياتك الزوجية .
أما بالنسبة للطلاق إنسيه نهائيا بما أن المشكل ليس في الحياة الزوجية بل هو في حياة العائلية .
أتمنى أنني وفيت في النصح فيما طرحت من مشكل
جزاكم الله كل خير