السلام عليكم
حبيت نشارككم بحاجة خفيفة وتقدر تعطي طابع جديد و مميز
حبيت نوريلكم طريقة تزيين صحن بتقنية الديكوباج
انا راني حامل ونويت ان شاء الله نهار ندير سبوع نسربي فطباسة تع الزجاج املا محبيتش نمدهم هكداك خممت وقلت نعملهم بهاد الطريقة
المهم نحتاجو
-صحن
-بابيي مشوار
-غراء الخشب
-بانسو
-ملمع يعني فرني شفاف
نقطعو البابي مشوار على حسب الرشمة ونزيدو نحيو الورق لي يجي من تحت
نجيب غراء الخشب حطي شوية في علبة صغيرة وخلطيلها شوية ماء باش تولي خفيفة وتقدر تمشي معاك فطبسي
من بعد ندهن طبقة رقيقة فطبسي و نحط الرشمة او بابي مشوار ونسقمها بيدي مليح ونخرجلها لهوا ء غير بالعقل
ونخليها تنشف كي تشوفيها نشفت جيبي بانسو و الفرني و ادهنيها من فوق وخليها تزيد تنشف
الفرني يحميها من الماء وباش تشد اطول مدة كي تتغسل
انا مصورتش هد العملية على خاطر الطبسي كان مزال منشف
هنا نكونو كملنا العملية
انا شريت ساشيات مرسومين عليهم بيبي مع بيبرو
وقلت نسربيهم بهاد الطريقة
وهاد الساشيات عجبوني قلت نحط فيهم حلوة لدراري صغار
ادعيولي ربي يطلعني على خير و يعطيني ربي وقفة ساهلة انا وقاع لي راهم حامل
وبلا مننسى حبباتي تع دردشة حوامل ربي يطلعكم على خير كامل
ماشاء الله يعطيك الصحة اختي
شكراااااااااااا فاتي 13 الله يخليك
هايلين نينا يعطيك الصحة ان شاءالله تسلكي على خير وديري كل متمنيتي
وان شاء الله يسلك ربي جميع صديقاتنا في دردشة حوامل
ام وائل ربي يخليك حنونة ويعطيك وقفة ساهلة انتي تان
نينا بصح قوليلي تحطي صينية وانواع لي قاطو في طباسا ولا كل وحدة تعطيها صحن تديه معاها
يعطيك الصحة على الطريقة نينا خرجو يهبلو
ربي يسهلك ولادتك يااا رب
|
المشاركة الأصلية كتبت بواسطة سماح.
 نينا بصح قوليلي تحطي صينية وانواع لي قاطو في طباسا ولا كل وحدة تعطيها صحن تديه معاها
|
اختي سماح لالا كل وحدة تديه معاها كيما علب الحلويات تع الاعراس
وحتى هد الصحن مراهوش غالي يتباعو 21دج يعني الفين ومية فرانك كي تدي بزاف و 25دج كي تدي شوية وهوما صحن زجاج
كوكو ربي يعيشك حنونة
وربي يطلعك على خير حنونتي انتي وسماح وان شاء الله منا لسبت منسمعو عليك غير الخير و تفرحينا حنونة
ربي يسلكك على خير انشاء الله ويجعل ما في بطنك قرة عين لك ولزوجك
ولا تنسينا من صالح الدعاء عند الولادة فدعاء المراءة اثناء الولادة مستجاب باذن الله
ودائما تبقي مبدعة افكارك رائعة
الله يعطيك الصحة
واووووو نينا روعة الله يبارك حبيت نسقسيك منين نشري غراء الخشب من قدامنا ههه والصحون شرستيهم منا ولا من عتدكم هههه راني نستنى باه نحط التطبيق
une tres bonne idée rabiii ysahlek wladtek khtii
|
المشاركة الأصلية كتبت بواسطة اريج الامل
ربي يسلكك على خير انشاء الله ويجعل ما في بطنك قرة عين لك ولزوجك
ولا تنسينا من صالح الدعاء عند الولادة فدعاء المراءة اثناء الولادة مستجاب باذن الله ودائما تبقي مبدعة افكارك رائعة |
شكرا وربي يرزقكم الجنة بغير حساب
|
المشاركة الأصلية كتبت بواسطة طهراوي ياسين
الله يعطيك الصحة
|
شكرااااااااااااا
|
المشاركة الأصلية كتبت بواسطة ريمة89
واووووو نينا روعة الله يبارك حبيت نسقسيك منين نشري غراء الخشب من قدامنا ههه والصحون شرستيهم منا ولا من عتدكم هههه راني نستنى باه نحط التطبيق
|
ايه شريتهم من تماك ريمة وغراء الخشب عند لي يبيع دوزان الصبيغة و المسامر ههههههه
|
المشاركة الأصلية كتبت بواسطة sarra5
une tres bonne idée rabiii ysahlek wladtek khtii
|
شكرااااااااا حنونة
هايلين حنونة
أمممممممممم وقيلة نعاندك ههههه
مي أكيد ماتنسايش تخليلي طبسي ليا و لبنتي
ربي يعطينا وقفة ساهلة …….لكل وحدة راهي حامل و لبنات تاع الغرفة كما فلتي أكيد