ورشة الصدر الوردي ستبدأ 13/10/2024 2024.

الصد ر يلزملو 04 كبات تاع الخيط لي تحب تخدم اليدين او 03 بدون اليدين + رولو تاع الحاشية + بعض الاحجار و العقاش للتزيين

المرحلة الاولى ساهلة راح نشرحها كتابيا تبعو معايا………….

– نخدمو 10 سلسلة و نغلقوهم عادي …………..نخدمو 6 سلسلة و نديررو 01 عمود.+ 03 سلسلة + عمود ………حتى يصبح عندنا 06 فراغات بين الاعمدة.

-نعمرو هادوك الفراغات ………..06 اعمدة في كل فراغ …………كي نكملو نتحصلو علة زهرة ب 06 بتلات

-نخدمو 06 سلسلة و نغلقوها وراء الزهرة لي خدمناها

– نعمرو السلاسل ب 08/ اعمدة ………….ساضع صورة توضيحية

انا درت 03 طبقات و كل واحدة دير كيما تحب

//////////////////////////////////////////////////////////

نديرو 06سلسلة كما في الصورة

////////////////////////////////////////////////////////

نغلفو السلسلة ب 08 غرزة حشو

/////////////////////////////////////////////////////

نخدمو 4 اعمدة و نخلو بينهم 03 سلسلة

////////////////////////////////////////////////////////////:

السطر الثاني نخدمو 4 اعمدة في وسط الاعمدة السابقة+ 3 سلسلة و نغلقو في السلسلة السابقة + 3 سلسلة + 04 عمود الى ان ننتهي

السطر الثالث نفس الشيء لكن الفرق في الاعمدة نديرو 6 و ليس 04

//////////////////////////////////////////////////////////////

نخدمو 04 اعمدة + 6 سلسلة ………اربعة مرات كما في الصورة

و نبقاو نزيدو نفس العمل حتى نوصلو للطول المرغوب لكل واحدة على حساب لاطاي تاعها

و نفس الشيء للجهة المقابلة

الصدر فيه 2 وجوه نخدموهم و نلصقوهم مع بعض

كل واحدة تحكم كاش قندورة تاعها و تقيس الرقبة باه ما يجيهاش كبير و كي تكملو زيدو اخدمو نسخة ثانية

هاهو وين راني واصلة و هاهو القماش لي ناوية نخيطو بيه كان عندي من قبل شريت من قالمة عندو واحد الخمس سنوات و بقى مسكين مخبي هاو حا مكتوبو ههه

هاداوين كملت جيهة و راح نبدا الظهر

راني كملت و لصقتهم بالكروشي

و كي نلصقوهم نديرو سطر فيه 4 اعمدة في الثلاث سلاسل لي كنا نطلعو بيهم الى السطر التالي + 4 سلسلة و هكدا حتي نكملو السطر

كي نوصلو لقطعة الدائرية نديرو 6 اعمدة بدل 4

السطر الثاني نفس العمل لي في السطر الاول

و هادا السطر الثالث ………………..

السطر الرابع كيما السطر السابق

هاهو السطر الاخير …………..نخدمو 08 أعمدة بدون ما نخلو بيناتهم اي سلسلة اي مباشرة الى العمود التالي

نكملو الخدمة من الجهة العلوية

راني كمات بقالي غير اليدين و نبدا التزيين

بالنسبة لليدين رايحين نخدمو قطعتين كيما الجزء لي رهو محدد بين الخطوط و نركبوهم بالخياطة راني سالت صديقتي وهاكا لي قالتلي ندير

غدوة نجرب و نشوف

نبداو اليدين على بركة الله

نخدمو 22 سلسلة + 03 سلسلة لي نطلعو بيها للسطر التالي ……………..و نكملو حتى نديرو 30 سطر

نديرو قطعتين متشابهتين ……………..ديروهم و لنل لقاء قرييييييييييييب

في انتظاركم يا فحلات المنتدى

كي نكملو 30 سطر نبداو الخدمة من الجانب كما في الصورة ونخدمو نفس واش خدمنا في الصدر

انا هاداوين كملت واحدة و خلاصلي الخيط هههههههههههههه

راني بديت التزيين هيا يا الفحلات وين راكوم؟

من الامام

من الخلف

كي نكملو العمل بالحاشية نحرقوها و نلصقوها بالخياطة عادي

كي نكملو الحاشية نلصقو اليدين في الصدر تبعو معاي

القطعة 1 نشنيوها على 2

و ندخلوها في الصدر بالشكل الموضح في الصورة

او بالشكل التالي ………..لكن ديرو في حسابكم عرض اليد تاعكم

طريقة عمل الحاشية هاهو ربط للاخت anna ربي يحفظها

https://www.djelfa.info/vb/showthread.php?t=872900

راني كملتو و انتو وين وصلتو ؟

موفقين يا الفحلات

Bazaf ya amiara mana lasabt ga3 wala lala

ماشي بزاف حنونة راني نحضر في الدرس راكي عارفة لازم نخدمو و نصور و نعدل الصور ووقتي لايسمح بالسرعة راهي عندي اعمال يعلم بيها غير ربي

صدقيني راني نخيط في الشورة تاع الدار للعيد و الله راني نخيط في الليل بعد العودة من العمل ………تصوري التعب لي راني فيه و كلو يهون في سبيل اسعادكم و الوفاء بوعودي

Rabi i3awnak wikoun dima m3ak

Rabi i3awnak wikon m3ak dima dima

raby y3awnak ousstada w ywafkak inchallah
rana m3ak dayman w lasskin f roda inchallah manna 3la chhar
raby yjazik koul khir w ya3tik ma tatmanay

على بركة الله ان شاء الله

الى الملتقى

je suis toujour la avec vous merci

اقتباس:

المشاركة الأصلية كتبت بواسطة didahe je suis toujour la avec vous merci

اقتباس:

المشاركة الأصلية كتبت بواسطة amira19 على بركة الله ان شاء الله الى الملتقى

اقتباس:

المشاركة الأصلية كتبت بواسطة المسلمة21 raby y3awnak ousstada w ywafkak inchallah rana m3ak dayman w lasskin f roda inchallah manna 3la chhar raby yjazik koul khir w ya3tik ma tatmanay

اقتباس:

المشاركة الأصلية كتبت بواسطة djihanegirl Rabi i3awnak wikon m3ak dima dima

اقتباس:

المشاركة الأصلية كتبت بواسطة djihanegirl Rabi i3awnak wikoun dima m3ak

مرحبا بالجميع

اقتباس:

المشاركة الأصلية كتبت بواسطة lina213 أنا عضو جديد راني حابة نكون معاكم مرانيش عارفة كيفاه

و الكروشي تسلكيها شوية؟

حاجة ساهلة اشري اللوازم و نهار السبت كي نبداو ابداي معانا هادا ماكان اختي

السلام عليكم
اختي راني حابة نكون معاكم اذا امكن
انا من هواة الكروشي
اذا امكن
سلام

رانى معاكم ان شاء الله غير عاونوني شوى برك