اليوم جبتلكم تحلية جديدة بالطباع و بنينة بزاف و فوق هادا كلو اقتصادية انا راجلي يموت عليها المهم منطولش عليكم اليكم المقادير
حبة تفاح كبيرة او 2 حبات متوسطة الحم
3 حبات بيض
كاس سكر
نصف كاس حليب
نصف ملعقة اكل مايزينة او نشاء
الان نروحو للتحضير
بعد ما نقشرو التفاح نقطعوه الى مثلثات صغيرة ثم ناخذ مقلاة ندهنها بالزبدة و نحمص فيها التفاح حت يكسب لون ذهبي
من جهة اخرى نخلط جيدا البيض الحليب و السكر و المايزينة و ناخد ايضا مقلاة مدهونة بالزبدة و نطيب خليط البيض فيها و عندما تطيب نصف طياف نسكب التفاح ثم نغلق خليط البيض حتى نتحصل على شكل حربوش او مستطيل و نطفي النار
و من بعد نطيبو الكراميل كاس سكر نحمصو في كسرونة حتى يصبح لونه ذهبي ثم نضيف 2 ملاعق ماء
في صحن التقديم نحط حربوش البيض و نصب فوقه الكراميل و نزينه بالقرفة او اللوز ثم نقطعه الى شرائح
يعني صدقوني بزاف présentable تحطيها للضيف وما تحشميش نتمنى تجربوها و ترجعولي بالخبر
مع تحياتي
شكرا ليك اختي لكن ما فهمتش طيبي بالوحدة كيما لي كراب
و لا كيفاش
شكرا ليك اختي
تبان شابة بصح مفهمتش كيفاش تطيب أرجو التوضيح
|
المشاركة الأصلية كتبت بواسطة سمراء الدنيا
 شكرا ليك اختي لكن ما فهمتش طيبي بالوحدة كيما لي كراب
و لا كيفاش |
شوفي اختي تاخدي وعاء و تخلطي البيض مع الحليب و السكر و المايزينة وتخلطي مليح بواسطة ملعقة ثم تاخدي مقلاة مدهونة بالزبدة و تفرغي هاداك الخليط عند نصف الطياب يعني كي يبدى يطيب تفرغي التفاح المحمر من قبل ثم تبداي تلوي في البيض حتى تتحصلي على حربوش او شكل مستطيل
كون غير صورتيلنا الطريقة تبان تشهي
من بعد نديرها وندرج الصور ان شاء الله
تحلية تبان بنينة الف شكر
hadi hayla aklitha deja ammmmmmmmmmmmmmm
شكرا على الوصف الرااااااااااااائعة
شكراااااااااا لكي اختي على الوصفة تبان بنينة بزاف
بصح مفهتمش حاجة قلتي بلي تحمصي تفاح كيفاه نرحيواه ولا كيفاش . ياريت تفهمني .حابة نجربوا
|
المشاركة الأصلية كتبت بواسطة nilly
شكراااااااااا لكي اختي على الوصفة تبان بنينة بزاف
بصح مفهتمش حاجة قلتي بلي تحمصي تفاح كيفاه نرحيواه ولا كيفاش . ياريت تفهمني .حابة نجربوا |
لالا اختي التفاح تقشريه و تقطعيه مربعات او مثلثات صغيرة ثم تاخدي مقلاة مدهونة بالزبدة و تحمصيه حتى يولي لونه ذهبي
بارك الله فيك و يعطيك الصحة