السلام عليكم ورحمة الله وبركاته
هدا الرفيس المشهور عندنا
نقدرو نطيبوه في طاجين الحديد او الكوشة وطبعا الكوشة اسهل وعملية اكتر
الطريقة
لمقادير
كيلة سمن طري
نص كيلة زيت
نضربهم ملييييييييح بالباتور حتى يبياض الخليط
نضيفلهم 5 كيلات دقيق ونحك بين راحتياليد مليح ونتركه يرتاح انا خليتو ساعة من بعد نبلوه بماء ومازهر وملح ومانعجنش
نديرو في بلا تع كوشة بسمك سنتيمتر ونطيبوه مليح ونحمروه من فوق
كي يطيب وهو سخون نمرسوه بفرشيطة ونفوة في السيار الخشين
في هده المرحلة نقدرو نديرو في لي ساشي دوكونجيلاسيون ونخبوه في التلاجة
ونفوروه باضلفة شوية سكر وزبدة
وعندما تطرى الحبيبات نهبطوه ونعجنوه باليد انا عجنت بالمغرف لانو يكون سخوووووووووون
ونحط في صحن التقديم ونعسلو بعسل دون اضافات
من فوق نزين بالشامية او المكسرات ويقدم مع اللبن اممممممممممممم
بارك الله فيك
تقريبا نفس الشىء نديروه و لكن لما نطيبه فى الطاجين و نفتته تخلط معه التمر و يؤكل مع اللبن
يعطيك الصحة
شكرا لك جبيبتي عندي مدة و انا نحوس عليه جاء في وقتو بارك الله فيك
رب يخليك لينا أم كوثر ويحفظك
نحب هذا الرفيس جدا وذقته في عنابة لكن لم أفلح في تحضيره
بوصفتك الدقيقة سأتمتع به
شكرا ألف شكر
دعواتي يا غالية
الله الله روووووووووووووووووعة راكي شهيتيني والله راني بلاااك نزيد في الميزاان ههههههه ربي يستر يعطيك الصحة حنونه
امممممممممممممم يشهي الله يبارك يعطيك الصحة
يعطيك الصحة ام كوثر هايل كليتو مرة دراتو مرت خالي من سوق اهراس هايل
بارك الله فيك متالقة دائما بالوصفات الجديدة
بارك الله فيك غاليتي
نموووووووووت عليه
شكرا جزيلا على الوصفة ، إن شاء الله نجربه، فقط عندي إستفسار:
هل تستعملين السميد العادي أم المتوسط تاع المقرووط؟
فعلا يشهي تسلم يديكي والف شكر
انا نديره بنفس الطريقة لكن باضافة بعض المكسرات المرحية يجي لذيذ وشوي قرفة
شكرا على الوصفة
بارك الله فيكم اخواتي على المرور
عطرتم صفحتي
السميد من الاحسن يكون الاحرش
المرة الجاية نصورلكم طريقة تع رفيس الفطير ان شاء الله
اول مرة نسممع بها ان شاء الله نجربها
مممممممممممممممممم شهيتيني اختي ام كوثر
راني عارفة كون نجي عندك ، نسمن وندير لاطاي شابة ههههههههه
ربي يخليك اختي