اليكم وصفة قريوش بطريقة عصرية ، على شكل عباد الشمس
لازم يكون لك الطابع الخاص به
اما المقادير :
كيلو فيرينة
250 غ سمن
1 خمارة قاطو
ملعقة كبيرة خمارة الخبز
حبة بيض
قرصة ملح
مايزينة للرش على الطاولة
ملعقة صغيرة سكر
عسل من الثقيل
التحضير
تغربلي الفرينة و ديريلها الخمارتين في زوج و قرصة الملح و السكر ثم تخلطي بيديك ثم تضيفي السمن تديريجيا و تبسيها زين حتى يتغلغل كله في الفرينة ثم تلمي بحبة البيض ثم بالماء حتى تصبح عجينة يابسة نوعا ما
تخليها ترتاح من 2 ساعة إلى 4 ساعات
تقسمي العجينة الى ثلاث
ثم تبسطيها و تمريريها في آلة البقلاوة في الرقم الكبير ، ثم تعاودي طبقيها و تمريرها مرة ثانية ،و مرة ثالثة و هكذا مع العجينة الثانية و الثالثة
ثم بواسطة طابعها تقومي بصنع الحبات من الاكبر الى الاصغر ، و تلصقيهم مع بعض ببياض البيض و حبة لوز تغطسيها في البياض و تلصقي بيها الثلاث قطع
ديريها في الفرن و لما طيب خليها تبرد و عسليها
و هذه هي النتيجة
ان شاء الله تكون عجبتكم
عيدكم مبارك
يعطيك الصحة نفس طريقتي خرجلك يهبل
شكل رووووووووعة يعطيك الصحة اختي
بصحتك احختي خرجلك فور انا جديتها على صليحة بسكري فوررررررررر
يعطيك الصحة اختي هايلين صحا عيدكم كل عام وانتم بخير
شكرا لمروركم جميعا يعطيكم الصحة على التشجيع