مرحبا أخواتي جبتلكم خبز بنين بزاف مع الشوربات و المراقي و هو خبز فيسال اللي يتباع عند الخباز اليوم حنا نطيبوه في الدار الوصفة أمامكم ان شاء الله تعجبكم و لا تنسوني بالدعاء
حضري عجينة مخمرة 100غ يعني ديري 100غ فرينة و شوية خميرة و شوية سكر و جريهم بالماء دافي و خليها تخمر و في نفس الوقت ديري نصف كيلة حليب و نصف كيلة ماء و مغرف سكر و 50غ زبدة فوق النار يدوبو
كي تخمر العجينة المخمرة أرمي فوقها الخليط تاع الحليب و زيدي مغرف خميرة و شوية ملح و لميها بالفرينة حتى تتحصلي على عجينة طرية أعجنيها شوية برك و أخبطيها مليح و خليها تخمر في مكان دافي
كي تخمر كسريلها العجين يعني خبطيها شوية برك ثم رديها تخمر
كي تخمر شكلي كريات حوالي 60غ للواحدة و روليهم حتى تتحصلي على شكل خبزة تكون رقيقة جدا و طويلة شوية حطيهم في بلاطو مرشوش بالفرينة و دهنيهم بالبيض و طيبيهم و بالصحة و الهنا مليح مع الشوربة خاصة .
راائع بارك الله فيكي وبصحتك
هايل
شكرا لكي
شكرا لكي
هايل
رووووعة ياسمين جاك يهبلللل
ليك وحشة راكي طولتي الغيبة ان شاء الله تكوني بخير
|
المشاركة الأصلية كتبت بواسطة ميمنة الجزائر
 رووووعة ياسمين جاك يهبلللل
ليك وحشة راكي طولتي الغيبة ان شاء الله تكوني بخير |
الله يسلمك حبيبتي ميمنة و الله الحمد لله ان شاء الله انت و كامل البنات تكونوا بخير تاني
هايل يعطيك الصحة
قوليلي اختي هاديك الكمية قداه استعملتي فيها مقدار الفرينة تقريبا
و لو تقدري اعطيني المقادير المظبوطة ل 3 باقات خبز برك من فضلك
جاك رووووعة ماشاء الله
بارك الله فيك.
mmmm jak yhabel yatik esaha hanouna kima kolti khobz ta3 chorba
يبان يشهي يسلمووووووووووووو
رائع يعطيك الصحة
يعطيك الصحة
|
المشاركة الأصلية كتبت بواسطة kakinova
هايل يعطيك الصحة
قوليلي اختي هاديك الكمية قداه استعملتي فيها مقدار الفرينة تقريبا و لو تقدري اعطيني المقادير المظبوطة ل 3 باقات خبز برك من فضلك |
شوفي أختي أنا كيلت بعلبة لموطارد الصغيرة درت بلاك قريب رطل فرينة خاطر شريت 5كغ فرينة على ضربة ماكيلتش بصح جاوني قريب 10 خبزات و راهم صغار و خفاف تم تم تاكلوه و مايكفيش ديري انت نصف هاديك الكيلة ادا حبيتي .