السلام عليكم فحلات بلادي
اليوم جربت طبق الباذنجان محشي بالفرماج الوصفة مدتهالي الاخت ام اثير بارك الله فيها
جربتها وعجبتنا بنة هايلة بصح نسيت ماصورتش الخطوات مالا راحة نكثر الهدرة شوية اسمحولي
انا استعملت ثلاث حبات باذنجان قطعنتهم دوائر وملحتهم وخليتهم يقطرو مليح ومبعد فورتهم ماطيبيهمش مليح باه يبقى الباذنجان شاد روحو
جبت كل دائرة تاع بادنجان حطيت عليها قطعة تاع فرماج وغطيتها بدائرة اخرى تاع باذنجان ودرتها في البيض ومبعد في الخبز اليابس وقليتهم وحطيهم بجيه
توجدي مرقة بيضا ولاحمرا انا درتها حمرامع طرف دجاج
نحتاج بصلة فصوص ثوم ووالتوابل اذا بيضا ديري التوابل تاع البيضا واذا حمرا ديري تاع الحمرا
كي يطيب ماتكونش المرقة بزاف وتحطي فيها البادنجان لي قليتيه وخليه يغلي زوج دقايق وطفي عليه
وتقدم
راني حاولت نختصر 
ولي مافهمتش تسال
هايلة نحب الماكلة تاعالباذنجان يعطيك الصحة
يعطيك الصحة انا الباذنجان ما نلقا واش ندير بيه عطيتيني فكرة
امممممممممممم ابعثيلي هذاك الطبسي نموت على الباذنجان
يعطيك الصحة
انا نخدمو هكا بصح نقطعو دوائر ونغطسو في البيض ونقليه مانفوروش شكرااااااااااااااا على الطرقة الجديدة
بارك الله فيك و في الاخت ام اثير
يعطيكم الصحة كامل وجربوه مش راح تندمو
ممممممممممممممممممممم نموت على الباذنجان مقلي يعطيك الصحة طبق جديد ماشي موالفة نديرو
انا مايحبوهش في الدار نجرب طريقتك بالاك ياكلوه يبان يشهي بصحتكم
بارك الله فيكم على المرور
وبصحتها لي تجربو
مالقيتش واش نقول باش نشكرك على الوصفة مالا مممممواح هاذي بوسة وأنت دبري راسك هههههه
والله كرهنا من الباذنجان ديما بنفس الطريقة ، بإذن الله نجربها ، شكرا جويلا أم إثري على مشاركتنا الوصفة ومتأكدة انها جات شهية من يديك 
يعطيك الصحة اختي ام اثري
الله يبارك باينة لذيذة
شكرا
موفقة