السلام عليكم
وصفة معروفة لكن بطريقتي ….رايحا تعجبكم بزاف وحتى اولادكم
اول حاجة نبداو بشرائح الدجاج نديرولهم الملح و 1 م ص كركم + 1 م ك خليط توابل الدجاج … راهي متوفرة في الاسواق بكل الماركات… نخلوهم يتشربو لاماريناد … حتى وقت القليان ..
هنا ادا ماعندكش هادي التوابل تقدري ديري 1 م ص كركم + ملح وفلفل اسود فقط او تقدري تحطي توابل الشوارما مقدار 1 م ك و الي تتكون من :
1 م ك كمون بودرة + 1 م ك كسبر بودرة + 1 م ك بودرة ثوم + 1/2 م ص قرنفل + 1/2 م ص فلفل ابيض وادا ماعندكش حطي 2 م ص فلفل اسود + 1 م ص زنجبيل + 1 م ص قرفة بودرة + 1 م ص فلفل اسود … خلطي كامل هادي التوابل و حطيها في علبة محكمة الفلق و استعملي مقدار 2 م ك في 1 كلغ نتاع دجاج او لحم . ولي ماتبغيش التوابل حطي الملح TOUT SIMPLEMENT
ونرحو نوجدو البوريه
انا حطيت 2 كلغ بطاطة + 3 حبات من الجزر مع الملح والماء الكافي و غلقت عليهم 20 د في الكوكوت …
كي طابو صفيت الماء نتاعهم واحتفظت بـالنصف نتاعو … لانو يحتوي على النشاء ورايح يساعد في تكتل البوريه وما تنساوش الفيتامينات كامل راهي في الماء هادا … (علاش خطرات تشوفو وصفات للحريرة يقولو فيها نصفي الخضر فقط بالمعنى ماتطحنيهاش …رايحا تزيد تخترلك فقط الحريرة … مادام البويون فيه كلش …راني خرجت كامل من الموضوع
) نكمل باقي الوصفة …….ظفت 1 كاس حليب دافيئ … وزدت طحنت بالبيي و ضفت 1 بيضة كاملة + 2 قطع فرماج و قطعة صغيرة من الزبدة في الاخير …و ماتنسايش تراجعي كمية الملح …
و كملت طحنت كلشي …
نرجع للدجاج نحط في مقلاة قطعة زبدة ونقلي الشرائح على نار هادية باش يطيبو مليح اقلبيهم وكملي الطياب و نحيهم و حطيهم على ورق ماص .
قدمي البوريه نتاعك مرفوقة بشرائح الدجاج … كيما تقدري تحضري هاد الطبق بالكوتلات او شرائح الديك الرومي .
انشاء الله تكون الوصفة عجبتكم وصدقوني عندها مداق اخر على البوريه العادية ورايحا تساعد خاصة لعندها مشكل مع الاولاد والجزر ….
ماتنساونيش في دعوة نتاع خير من القلب … ورمضان مبارك ليكم انشاء الله
يعطيك الصحة اختي وبارك الله فيك على اطباقك الرائعة
|
المشاركة الأصلية كتبت بواسطة دائمة الحمد
 يعطيك الصحة اختي وبارك الله فيك على اطباقك الرائعة
|
الله يبارك فيك حبيبتي
يشرفني زيارتك لمواضيعي
رمضان كريم انشاء الله 
الله يبارك مصارني راهم يبكو ههههههههه جوعتيني يا مصيبة
بصحتكم تشهيييييييي
|
المشاركة الأصلية كتبت بواسطة mary1987
الله يبارك مصارني راهم يبكو ههههههههه جوعتيني يا مصيبة
بصحتكم تشهيييييييي |
و الله و الله و الله كون نقدر نبعتلك قدرة …. ماشي خصارة فيك …هههههه
رمضان كريم انشاء الله
|
المشاركة الأصلية كتبت بواسطة sidali 2024
كالعادة متميزة و اطباقك متميزة و رااااااااااااااائعة بارك الله فيك
|
شكرا ليك و الله احرجتيني
هادو اطباق في الحقيقة مداومة عليهم في بيتي
راكي تعرفي الاولاد خطراة يملو من المراقي و العجين لي كلاوه البارح مع طبق الازانيا
اليوم بدلت
و بصحتكم حتى نتوما راكم تشوفو في وصفات en direct et tout frais ……
سلامي الحار ليك
باين بنين يعطيك الصحة جاري التجريب شكرا
اممممممممممممم تشهي
سخفتيني يا فطومة
يا سلاااااااام ريحة البنة وصلتني لعندي
عجبتني بزااااف و يعطيك الصحة على الوصفة اكيد اكيد مليحة الاولاد و حتى لكبار ياختي مليح الوحد يبدل و ينوع
شكرا لكي و مزيد من التالق
|
المشاركة الأصلية كتبت بواسطة أم سراج الدين
يا سلاااااااام ريحة البنة وصلتني لعندي
عجبتني بزااااف و يعطيك الصحة على الوصفة اكيد اكيد مليحة الاولاد و حتى لكبار ياختي مليح الوحد يبدل و ينوع شكرا لكي و مزيد من التالق |
شكرا ليك ام سراج الدين
الله يحفظك ويخليك وتشرفني زيارتك لمواضيعي
رمضان مبارك انشاء الله
سلام
مشكورة اختي يعطيك الصحة
ماشاء الله ولا حول ولا قوة الا بالله اطباق في القمة ربي يحفظ هذوك اليدين
|
المشاركة الأصلية كتبت بواسطة charolize
ماشاء الله ولا حول ولا قوة الا بالله اطباق في القمة ربي يحفظ هذوك اليدين
|
الله يسلمك
هادي غير البطاطا …. لي الصغار والكبار يموتو عليها بكامل انواع طياباتها
ربي يحفظك ورمضان كريم
اه نسيت ….
مرحبا بيك معانا انشاء الله تستفادي من المنتدى ونستافدو حتى حنا منك …….
|
المشاركة الأصلية كتبت بواسطة سارة 84
مشكورة اختي يعطيك الصحة
|
الله يسلمك حبيبتي