شباح الصفراء

أولا طرقة الشباح
حبوبة اللوز لازم يكون مرحي مليح وكيلي 3كيلات لوز بكيلة سكر رطب و تبلي بصفار البيض حتلى تتحصلي على عجينة متماسكة وماتديريهاش جارية بزاف ومن بعد تشكليها او تطرحيها وتطبعيها و تخليها تركح بزاف على الاقل 3سوايع انا خليتها نصف نهار و من بعد تحطيها في بياض البيض اللي فصلتيه على الصفار و تقليها في في الزيت و منبعد تزيدي تحطيها في البياض و تقليه للمرة الثانية وتمسحي الشوائب

ثانيا و باه تطيبيها طرف لحم بقري و بصلة ارحيها بلاشور باه ماتصفيش و مغرف سمن شويييييييية ملح و شوية فلفل اسود وقرفة اعواد خير انا مانستعملش القرفة غبرة قلي و امرقي و كي يدخل الطياب للحم كيلي الشباح قد السكر قد الشباح لوحي السكر و خلي المرقة تغلي حتى يعقد و من بعد لوحي الشباح و منين تهز الغلية طفي ماتخليهش يغلي بزاف او يتحلك الشباح