السلام عليكم أخواتي نقدملكم اليوم شخشوخة البصلة البسكرية.
أولا:تحضير العجينة:1 كغ سميد متوسط و ملح شمخيهم بالماء حتى تعود عجينة طرية خليها ترتاح نصف ساعة أو أكثر ثم أعجنيها شوي تقسميها كويرات كبار قرصيها خشينة على الفطير طيبيها و حكيها بين يديك حتى تعود طراف صغار.
ثانيا:تحضير المرق:نصف ربطة بصلة خضراء و 2 حبات بصلة بيضة و راس ثوم قطعي البصل خشين شوي و هرسي الثوم مع الملح و حبة ولا2 فلفل حار حطيهم في القدر يتقلاو مع شوي زيت +1/2راس الحانوت(اللفاح)ضيفيلهم 2 حبات طماطم مرحية و 1ولا2ملاعق طماطم مصبرة أمرقيها و خليها تغلي مدة 15د في الأخير ضيفي فلفل حار صحيح إذا حبيتي.
ملاحظة: ضربي 2 ولا 3 بيضات ضيفيهم للمرق يغليو لمدة 2د تزيدلهم بنة مع الدبشة بعد ما تطفي النار و ماتنسايش زيت الزيتون ولا الزبدة كي تسقيها.
شهية طيبة
هل انت بسكرية شكرااااااا لك
على الوصفة
بارك الله فيك اختي جانا طبخة لديدة ويعطيك الصحة
نعم أنا بسكرية100/100 و الطياب اللي تحبوه راني هنا.
السلام عليكم
شكرا على الوصفة حنا نقولولها شخشوخة محكوك لكن ما نديروش فيها البيض
مع أني بسكرية مثلك
نفس البلاد بصح العوايد تختلف حتى في نفس الطبخة
مشكورة
شكرا انا ثاني بسكرية وحنا ثاني نسميوها محكوك وما نديرولهاش البيض..على العموم مشكورة
مشكورةeeemmmmmm
السلام عليكم شكرا على الملاحظة أخواتي.
بالنسبة للبيض يزيدوه للنافسات يعني المزيدات.
انا ثاني بسكرية وما نديروهش كيما هكا ويقولولو محكوك ولاكان زيدتيلو بوفجوخ تشوفي كيفاش يعود بنين
انا ثاني بسكرية وما نديروهش كيما هكا ويقولولو محكوك ولاكان زيدتيلو بوفجوخ تشوفي كيفاش يعود بنين
حبيبتي جانا انا خولة من سكيكدة يعجبني بزاف طياب بسكرة و الى حبيتي كيفاه تندار الدوبارة
وطن واحد وكل واحد وعاداته وتقاليده وطريقة طبخه
|
المشاركة الأصلية كتبت بواسطة أم هداية
 انا ثاني بسكرية وما نديروهش كيما هكا ويقولولو محكوك ولاكان زيدتيلو بوفجوخ تشوفي كيفاش يعود بنين |
شكرا على مرورك العطر