مساء الخير اخواتي عندي مدة ما كتبتش موضوع توحشتكم
اولا شكرا لاسمهان 79 و ام سراج و ملاك و كل اخواتي في موضوع واش طيبتي اليوم على تشجيهم و كلامهم الطيب ربي يجازيكم عني خير الجزاء
المقبلة تاع اليوم بسيطة نفس فكرة الشامية لكن غيرت في بلاصة اللوز درت البولات تاع الدجاج و اليوم درتهم بخليط السلق و البطاطا و تقدري ديريهم بحشوة الي بغيتي
المقادير
بات فيلو شريتها ما خدمتهاش و الي تحب تخدمها الرابط تاع ام اماني خدمتها
https://www.djelfa.info/vb/showthread.php?t=1489789
صدر تاع الدجاج مرحي متبل و درتهم كرات و قليتهم
او
بطاطا مسلوقة و مرحية
سلق مغسول و مقطر ذبلتو مع بصلة و ثوم و تبلتو فلفل اسود و ملح شوية برك
زيتون مقطع رقيق
جبن مثلثات و تونة
الطريقة
خلط البطاطا و السلق و الجبن و الزيتون و التونة و شكلتهم كويرات
قسمت العجينة مربعات درت كل وحدة فيها ستة ورقات دهنت بيناتهم بالزبدة و تقدري تدهني فرد مرة البات بلا ما تقطعي باه تجيك ساهلة و من بعد قطعي مربعات
و حطيت كفتة تاع الدجاج او حشو البطاطا و السلق و زدت فوقها فرماج مرحي و غلقت على شكل هرم و كي حطيتهم في الموال زدت دهنتهم بالزبدة و طيبتهم
بالنسبة للزبدة ندهنو فقط باه ما يجيوش فيهم الزبدة بزاف
و العجينة الي بقاتلي درتها محنشة صغيرة
الي على شكل شامية اطيب بالخف لكن المحنشة اطول شوية باه ما تبقاش معجنة من الداخل
الفرن على درجة 180 و ما تشعلوش من الفوق على الشامية انا في الاخير شعلت شوية كاين حبات تحرقولي على الجوانب
هذه تاع الدجاج درتها من قبل
و هذه تاع البطاطا و السلق
نتمنى تعجبكم الفكرة نوع من التجديد خصوصا للشهر الفضيل
في امان الله
واووو يعطيك الصحة تستاهلي احلى تقييم
امممممممممممممممممممممم الله اله جيادا حبيتي يعطيك الصحة تشهي بارك الله فيك
يعطيك الصحة ودمتي متالقة واطباقك قمة
ماشاء الله عليك اختي جيادا ،فكرة جديدة وساهلة .
روعة حبيبتي جيادا مبدعة كالعادة مقبلة تشهي وبريزونتابل
روعة روعة روعة
هايلة الفكرة ومبدعة ملي عرفتك الله يحفظك حنونة
بارك الله فيك
|
المشاركة الأصلية كتبت بواسطة jojo dj
 واووو يعطيك الصحة تستاهلي احلى تقييم
|
شكرا أختي جوجو ربي يبارك فيك
|
المشاركة الأصلية كتبت بواسطة ريتاج تيارتية
امممممممممممممممممممممم الله اله جيادا حبيتي يعطيك الصحة تشهي بارك الله فيك
|
و فيك بارك الله رتوجة الزينة
|
المشاركة الأصلية كتبت بواسطة ام رشدى
يعطيك الصحة ودمتي متالقة واطباقك قمة
|
نورتي ام رشدي مرورك اسعدني
|
المشاركة الأصلية كتبت بواسطة wahibaazel
ماشاء الله عليك اختي جيادا ،فكرة جديدة وساهلة .
|
شكرا وهيبة نورتيني حبيبتي
|
المشاركة الأصلية كتبت بواسطة دائمة الحمد
روعة حبيبتي جيادا مبدعة كالعادة مقبلة تشهي وبريزونتابل
|
استاذتنا دائمة الحمد نورتيني و شرفتيني بمرورك العطر
|
المشاركة الأصلية كتبت بواسطة ايمان25
روعة روعة روعة
|
شكرا اختي ايمان اسعدني مرورك
|
المشاركة الأصلية كتبت بواسطة أم ياسين الزهراء
هايلة الفكرة ومبدعة ملي عرفتك الله يحفظك حنونة
|
حبيبتي أم ياسو نورتيني و اسعدني كثيرا رجك ربي يخليك لينا يا غالية
|
المشاركة الأصلية كتبت بواسطة idron0
بارك الله فيك
|
شكرا اختي idron و بارك الله فيك*
ماشاء الله
هايلة يا جيادا يعطيك الصحة ولك مني احلى تقييم
وش نفرح كي نشوفك حطيتي مواضيع
يعطيك الصحة حبيبتي
كل شي من عندك رائع وبسيط وراقي
ربي يحفظك ويعطيك ما تتمناي
فكرة رائعة ياراقية نحسك خلوقة وبشوشة مثل صورة البروفيل نتاعك
