سلام لبنات إن شاء الله راكوم لاباس
بعد وصفة الملفاي المالح اليوم جبتلكوم وصفة لي شو المالحين ولا ديريهوم أيضا دي إكلار كيما تحبي ورايحة نشرح بالتفصيل الممل مستحيل ما تنجحلكش بإذن الله
نبدا المقادير
150 ج فرينة
20 سل ماء + 5 سل حليب
100 ج مارغرين
5 ج سكر
4 ج ملح
1 م ك حبة حلاوة
شوية زاست قارس
زرارع لتزيين
4 ولا 5 بيضات ( حسب العجينة )
ضعي في قدر الحليب + الماء + الزبدة + زاست + حبة حلاوة + ملح + سكر + مارغرين وضعيها على النار
كي تذوب المارغرين
نحوها من النار ونضيفلها دفعة واحدة الفرينة ونخلطها بواسطة ملعقة حتى نتحصل على عجينة ماتلسقش في القدر
نعاودو نديروها فوق النار باش يزيدو ينشفو ونحركو غير نشوفو العجينة بدات تلصق في القدر نحوها
نخلوها شوية تبرد ( 5 د ) وندخلولها البيض غير بلحبة ونخلطو بسباتولا لخاترش بالاك تستعملي غير 4 ماشي 5 عينك ميزانك
نشكلو بواسطة لا بوش لي شو تاوعنا ولا لي إكلاغ وندريرو فوقهوم زرارع أنا مكانش عندي درت حبة حلاوة
وندخلوهوم للفرن يطيبو
هنا بعد ما طابو لا فوطو ما خرجتش تبان مليح
ملاحظات هامة باش ينجحولك لي شو تاوعك
1- ديري الفرن علا درجا حرارة 170
2-لازم الفرن يكون سخون من قبل
3-بالاكي وبالاكي بارك تفتحي عليهوم الكوشة لخاتش يعاودوا يهبطوا
4-يطيبو هكذاك في 25 د هكذاك تقريبا
5-سمحولي نسيت هاذ الملاحظة ماقلتهالكومش فكرتني فيها الأخت mlydia08
يعطيها الصحة ( بعد ما يطيبوا وطفي الفرن حلي باب الكوشة شوية وخليهم في الداخل مدة 5 د باش ما يهبطوش)
==
في هاذ الحين وجدي الحشو أنا ضربت بواسطة الباتوغ لا كريم فراش مع الجبن وشوية ثوم وقارس وعمارة الحبات تاعي تقدري زيدي تون ولا الباتي علا حساب واش يكون عندك
كي يبردوا نفتحوهوم
شوفو لداخل كيش جاو فارغين
ونديرلهوم الحشو
ويقدم كمقبلة
وشهية طيبة
يعطيك الصحة ما شاء الله جاوك هايلين ويشرفني اني أول وحدة نرد وصفانك كامل هايللين في قيد التجريب
روووووووووووعة ما شاء الله يعطيك الصحة
اممممممممممممممممم هدولة شهيتيني نموت عليهم يعطيك الصحة
شكرًا علي الوصفة الرائعة اختي بارك الله فيك
يعطيك الصحة حنونة والله شحال وانا نحوس عليهم ربي يجازيك جاو روعة
مرحبا
يعطيك الصحة، أنا تاني ينجحولي وكنصيحة للأخوات بعد ما يطيبوا وطفي الفرن حلي باب الكوشة شوية وخليهم في الداخل مدة 5 د باش ما يهبطوش
44444444444444444444444444444444444444444444444
خدمتهم و هبطولي وين المشكل؟
روووووعة حبيبتي يعطيك الصحة يا مبدعة ووصفاتك ناجحين فوووووووور
ana nmout 3la les salées w3djbteni bezaf sniwa enta3ek wchefte dafter enta3ek bessa7 mat7alouliche les pages hadouk ga3 golili kifa ndire bech nchof ga3 les salées entaw3ek ya fnana
جاو في وقتهم يعطيك الصحة على الوصفة
مشكورة هدولة خدمتك دايما منظمة وباهية
ر
يهبلووووووووووو ممممممممممم رووعة عن جد هديل