السلام عليكم و رحمة الله و بركاته
بسم الله
حبيباتي يظهر أنه صار إلتباس بالنسبة للإسم الرمزي اللي اخترته (أنا أمهم) بسبب اختلاف اللهجات
كل ما في الأمر أنه عند اختياري للإسم فكرت أن أكتب : أم ……… (اسم بنتي) , و بعد قلت لا حرام عليا علاش نظلم ولدي 
, لازم نكتب : أم ……. (اسم ولدي) , و بعد قلت لااااااااااااااااااااااا بنتي أكبر , لازم نحط إسمها هي
و بعد قلت : لاااااااااااااااااااااا نكتب أساميهم الإثنين : أم …….. و ………., و بعد قلت لاااااااااااااااااااااااااااااااا إسم طويل يتعبني
و كان الحل أني اخترت : أنا أمهم, بمعنى : أنا أم أطفالي, و كانت المفاجأة : بعد فترة طويلة من المشاركة معكم, اكتشفت أن له معنى آخر في لهجتكم 
في تونس يقولو : أنا للاتهم) 
أي أن هذا الإسم عندكم يعني : أنا أفضل منهم
و الله على ما أقول شهيد, لم أكن أعني به يوما تفاخرا أو تكبرا …… و الله إنها الصدفة و اختلاف لهجات فقط لا غير
أقول لكل العضوات في قسم الطبخ : سامحوني إذا فهمتوني بالغالط. اللهم إني أعوذ بك من الكبر, اللهم إني أعوذ بك من التفاخر على سائر البشر.
المشكل إني حتى فكرت الآن أن أغير من الإسم, لكني سأخسر عدد المشاركات و أنا عندي مدة أصارع حتى أصل لل1000 باش نقدر نبعث رسالات خاصة 
, و أيضا صور مواضيعي القديمة بكلها بهذا الإسم يعني صعيب إني نعدل فيها.
لكن إذا تحبو إني نغيرو, سأغيره 
كل شيء يهون على خاطركم
و السلام
ايه هداوان فهمت معنى اسمك أختي
أنا أمهم ربي يحفظلك أولادك ويهنيك
لالا اختي واحد مافهم هكذا الاسم واضح انك تقصدي اطفالك ممطن التباس او سوء فهم برك من بعض الاخوات ماكيش مظطرة تغيري اسمك
رانا نعرفوك ملييييييييييييييييح ونعرفو بلي ماكيش من هاذ النوع لي حاسب روحو
سلاااااااااااااااااااااااااااااااااااااام
بارك الله فيك علي الشرح . انا شحال من مرة نتعجب من هاد الاسم فخيرا فعلت . بصح تعودنا عليه وعدنا نحبوه خليه احسن وما تقلقيش روحك. مساهماتك رايعة تفيدنا نتمناولك التوفيق اختي امهم
lala ana fhamt beli nti yamahoum taa wlidatek marahch bali lhaja wahdoukra choukran ala tawdih
لا أختي ما تغيريهش والفناك بهذ الاسم وانا شخصيا فهمتك بللي راكي على أطفالك ربي يخليهملك درتي مليح كي مغيضتيش ولدك ولا بنتك وعدلت بيناتهم وما درتي تواحد وفكرة جميلة ’’أنا أمهم ’’
ربي يحفظلك اولادك
يا اختي راني فهمتك من اول يوم دخلتي وعلاه قلت لك انا امهم يا انتي امهم وانا خالتهم ههههههههههههههههههه
ربي يحفظهم لك افهم اللهجة تونسية ياك رانا جوارين
ما تغيريهش اختي خليه راه مميز كصاحبته ربي يحفظها احبك اختي
لا تغيريه ولا شيء هو اسم عادي جدا وأنا شخصيا فهمته على معناه الحقيقي من أول يوم
لست مضطرة للتغيير وخصوصا بعد توضيحك للامر بالنسبة لمن التبس عليهم الفهم
أنا مع تغيير اسمك في حالة واحدة فقط كي تزوجي اولادك ويرزقك ربي بأحفاد
سمي نفسك : أنا جدتهم :d
كما يقول المثل ما أعز من الولد إلا ولد الولد
ربي يقر عينيك بذريتك
تقبلي تحيتي أختي أنا أمهم
السلام عليكم
اسمك مفهوم ومانشوف فيه حتى التباس
تعودنا عليك بهدا المعرف وادا غيرتيه رح تصعاب عليا نتعود عليك هههههههههههه
خليك كما راكي مميزة باسمك واطباقك وربي يحفظلك اللي انت امهم
من الاول كنت فاهمة اسمك بصح نحسب بلي عندك بزاف ولادد ربي يعيشهم خلي اسمك كيما راه افضل لينا
انا الحمد لله من الاول فهمت معنى اسمك
ربي يخليلك ولادك يا رب
تقبلي مروري اختك رباب
طلعوا زوج برك ربي يخليكم لبعض
لالا اختي انا فهمتو كيما راك شارحاتو بلي انتي ام لاولادك
عموما شكرا على التوضيح الذي يدل على تواضعك واخلاقك العالية وربي يخليلك اولادك