الى الخبيرات في الولائم 2024.

ارجو منكم اعطائي المقادير الازمة لتحضيرمرق الكسكس(الطعام) لحوالي 60 شخص اي لطبخ ماشية كبيرة وقولولي على العقاقر لي ديروهم والكميات
وان امكن الوصفات للاطباق الاخرى
من فضلكم اريد وصفاتكم وليس كيما اللي قالولي عادي كيما الطياب اليومي وضاعفي الكميات
اجركم على الله

في قدرة كبيرة ديري طراف نتاع اللحم وديري فوقهم السمن ومسحي كامل اللحم بهذاك السمن ثم حطيه فوق النار ضفيلو الزيت البصل رابي حوالي 2 كيلو ثم التوابل مغرف كبيرة فلفل أبيض و نصف مغرف كبيرة قرفة و الملح على حساب الذوق قلي اللحم مليح مليح ثم مرقيه حتى يتغطى اللحم ثم ضفي الحميصة و غصن كرافص و خليه يطيب .
و في قدرة أخري صغيرة أدي من المرقة لراه يطيب فيه اللحم و ديري فيها اللفت و الجزر حبة كاملة أو الحبة على زوج ثم كي يدخلهم الطياب زيدي القرعة أو الكورجيت و الملح على حساب الذوق .نتمنى تكني فهمتي وأي سؤال راني هنا .

شكرا ختي الصوامعية
بارك الله فيك
الطماطم المصبرة و الحب شحال ندير وراس الحانوت

الطماطم المصبرة
النعجة الكبيرة بقوطي واحد

اقتباس:

المشاركة الأصلية كتبت بواسطة زائرة الطماطم المصبرة النعجة الكبيرة بقوطي واحد

شكرا لك
جزاك الله كل خير

اقتباس:

المشاركة الأصلية كتبت بواسطة بنت اولاد نايل طريقتنا احنا هنا فى الجلفة وخاصة عائلاتنا اذا كان وليمة غدا فى الليل تحضريها واذا عشاء حضريها صباح تجيبي راس الحانوت مرحي مع الثوم كيلو طماطم مصبرة وتختلف الكمية على حسب النوع وزيت ماء نتاع الهرماس وملعقتين كبار عكرى وتخلطيهم مع بعضهم مليح وتمرمدى اللحم كلو بالخلطة وتغطيها وتخليها اقل شي ساعة وقت طياب جيبي الملح على حسب ذوق السكر تقريبا نص رطل المهم الحلاوة تكون واضحة والبصل تكونى قطعتيه ارباع وتغليه من يوصل اللحم نص طياب ضيفي الخضر الى تحبي لما يطيب الكل ويوصل للخثارة المطلوبة قبل ماتطفى نار حطي راس الحانوت مرحى مع ثوم سكر هو الى يميز مرقة طعام الجلفة

ça a l’air trés bon
هدا جيد
شكرا لك
فهمت جيدا فقط اشرحي لي
ماء نتاع الهرماس
توم بودر (مجفف ومرحي) ولا فري frais وشحال ندير
بارك الله فيك

فهمت جيدا الان
سؤال اخير الهرماس نظيفو للمرق ام لا
شكرا لك الله يحفظك

هدي المرقة انتاع اصحاب البيض
4 بصلات و 2كلغ جزر و 4 حبات بطاطا و حبة كابوية متوسطة تقريبا 2كلغ و رطل و الحمص مشمخ و( 4 حبات طماطم + ثوم + كرافس + قصبر مطحونين مع بعض + طماطم مثبرة من 4 مغرف الى 5 )و في الاخير راس الحانوت[/b][/b]

هدي مرقة الكسكس البيضي

شكرا اختي السمراء بارك الله فيك
تحياتي لكل من ناس 44 -17 -28-32

كسكسي أهل سطيف لحم خروف أو نعجةتنقي الشحم الكثيرمن اللحم حتى لاتطغى رائحة الشحم على المرق كماينقى ويغسل من اثار الحطبة اوفتات العظم عند القص نضع في قصعة قليل من الزيت لاننسى ان اللحم الغنمي فيه ليدام ثم نضع البصل 4كغ مقطع رقيق و200غرام ثوم علبة طماطم 1كغ و4ملاعق طماطم 250غ هريسة وملعة ونصف كصبر مرحي وملعقة ونصف ذواقة اومايسمى براس الحانوت نصف ملعقة صغيرة فلفل اسود ملعقة فلفل احمر حلو ونصف ملعقة فلفل حار احمر صحن طماطم مرحية كرافس ملح و ماء قليل تخلطين هذه المكونات مع بعضها البعض ثم تضعين اللحم في الخليط وبواسطة اليدين تدخلين الخليط جيدا في اللحم يترك يرتاح ليلة كاملة ان كنت في الشتاء وتضعينه في مكان بارد لمدة ثلاث ساعات ان كنت في الصيف بعد ذلك تضعين في الطنجرةيتقلى على نار هادئة مع التحريكثم نضع ماء مغلى بحيث يغطي كل اللحم الموضوع في خيط اللحم على شكل سبحات مسبقا قبل وضعه في الطنجرة حتى يسهل تحريكها ابحيث كل سبحة فيها عشر طراف او خمسة عشر
الحمص يغلى ثم نضعه في كيس بلاستيكي وااللفت في كيس اخر الخرشوف في كيس والجريوات ونثقب الاكياس بثقب صغيرة لمايصبح اللحم نصف طياب ناخذمنه جزء من المرق ونضعه في طنجرة اخرى ونضع الاكياس المثقوبة لتنضج الخضروات لوحدها الجريوات ستنضج اولا عند ازالتها من المرق هي والحمص نضيف لها قليل من الملح ولما ينضج اللحم والخضروات نجمع المرق ونصفيه واللحم وهو ساخن نضيف له قليل من الملح ثم نضع كل طرف في ورق الالمنيوم المرق نضيف اليه فلفل اخضر للرائحة فقط لمدة عشر دقاق ونزيله من المرق
الكسكس نضيف قليل من الزيت وندعكه ثم نغسل الكسكس ونصفيه من الماء جيدا ونتركه ينشف نحلله باليد حتى لايتكور ثم نضعه يفور في الكسكاس لما يفور مزيج مز الزيت والماء والملح مع تحلله بخفة بين اليدين ثم نفور للمرة الثانية ثم نع الزبدة اوالدهان ونحلل بين اليدين بخفة ونضعه في سيار الزرع حتى لاتبقى جزيئات مكورةمن الكسكس ونضعه في الصحن ونزينه بالخضروات السابقة ونضيف قليل من الحليب الى المرق وهذا حسب الرغبة وبالهناء لك ولضيوفك

اقتباس:

المشاركة الأصلية كتبت بواسطة souad571 كسكسي أهل سطيف لحم خروف أو نعجةتنقي الشحم الكثيرمن اللحم حتى لاتطغى رائحة الشحم على المرق كماينقى ويغسل من اثار الحطبة اوفتات العظم عند القص نضع في قصعة قليل من الزيت لاننسى ان اللحم الغنمي فيه ليدام ثم نضع البصل 4كغ مقطع رقيق و200غرام ثوم علبة طماطم 1كغ و4ملاعق طماطم 250غ هريسة وملعة ونصف كصبر مرحي وملعقة ونصف ذواقة اومايسمى براس الحانوت نصف ملعقة صغيرة فلفل اسود ملعقة فلفل احمر حلو ونصف ملعقة فلفل حار احمر صحن طماطم مرحية كرافس ملح و ماء قليل تخلطين هذه المكونات مع بعضها البعض ثم تضعين اللحم في الخليط وبواسطة اليدين تدخلين الخليط جيدا في اللحم يترك يرتاح ليلة كاملة ان كنت في الشتاء وتضعينه في مكان بارد لمدة ثلاث ساعات ان كنت في الصيف بعد ذلك تضعين في الطنجرةيتقلى على نار هادئة مع التحريكثم نضع ماء مغلى بحيث يغطي كل اللحم الموضوع في خيط اللحم على شكل سبحات مسبقا قبل وضعه في الطنجرة حتى يسهل تحريكها ابحيث كل سبحة فيها عشر طراف او خمسة عشر الحمص يغلى ثم نضعه في كيس بلاستيكي وااللفت في كيس اخر الخرشوف في كيس والجريوات ونثقب الاكياس بثقب صغيرة لمايصبح اللحم نصف طياب ناخذمنه جزء من المرق ونضعه في طنجرة اخرى ونضع الاكياس المثقوبة لتنضج الخضروات لوحدها الجريوات ستنضج اولا عند ازالتها من المرق هي والحمص نضيف لها قليل من الملح ولما ينضج اللحم والخضروات نجمع المرق ونصفيه واللحم وهو ساخن نضيف له قليل من الملح ثم نضع كل طرف في ورق الالمنيوم المرق نضيف اليه فلفل اخضر للرائحة فقط لمدة عشر دقاق ونزيله من المرق الكسكس نضيف قليل من الزيت وندعكه ثم نغسل الكسكس ونصفيه من الماء جيدا ونتركه ينشف نحلله باليد حتى لايتكور ثم نضعه يفور في الكسكاس لما يفور مزيج مز الزيت والماء والملح مع تحلله بخفة بين اليدين ثم نفور للمرة الثانية ثم نع الزبدة اوالدهان ونحلل بين اليدين بخفة ونضعه في سيار الزرع حتى لاتبقى جزيئات مكورةمن الكسكس ونضعه في الصحن ونزينه بالخضروات السابقة ونضيف قليل من الحليب الى المرق وهذا حسب الرغبة وبالهناء لك ولضيوفك

شكرا لك كثيرا اختي الان اصبحت اعرف كسكس عاصمة الهضاب العليا
بارك الله فيك

اقتباس:

المشاركة الأصلية كتبت بواسطة ***star*** شكرا ختي الصوامعية بارك الله فيك الطماطم المصبرة و الحب شحال ندير وراس الحانوت

أختي الطريقة لوريتهالك جي المرقة بيضاء ماشي حمراء المهم شكرا على الموضوع نتاعك تعلمنا بزاف أنواع نتاع المرقة من كل منطقة في الجزائر .