السلام عليكم
حبيت نقدملكم حلوى نخدموها في الاعراس في ولاية باتنة
اسمها زراوي
ناخذ دقيق القمح الخشن لونه بني ليس الابيض
نحطلو الملح و شوية سكر ونبسسوا مليح بالزبدة الذائبة و نلموا بالماء و نعجنوا مليح و نحلو بالقنوط و لا باليد كيما الرخسيس و راح يجي يتفتت كعاد فيه الزبدةو نحط الطاجين يسخن و نحط الرخساس يطيب
بعدما يطيب نحرسوا بالمهراس و نحكو في الغربال نتاع الطعام (الفتحات الي بالغربال يكونو واسعين 1سم )
يجي كي البربوشة لخشينة
نحط طاوية على النار و نحط فيها شوية زبدة و نحط فيها الغرس يسخن شوي و نحطوا على الرخسيس المفتت و نزيدلو شوي زبدة و ندلكو مليح حتى يجي حلو و طري
و نحطو في الصحن و نرش عليه شوية جوز و لا لوزمهرمش الي كاين
ياكل مع اللبن او اي عصير فواكه
لكن ما معنى رخسيس؟والبربوش؟
شكراًأخيتي
يعطيك الصحة اختي اشاوية على هاذ الاكلة التقليدية للي عرفيتنة بها merci
شكرا أختي على الوصفة سأقول لأمي تجربها ………………
|
المشاركة الأصلية كتبت بواسطة أم إدريس
 لكن ما معنى رخسيس؟والبربوش؟ شكراًأخيتي |
شكرا حبيبتي
البربوش هو الكسكسي
الرخسيس هو الخبز المبسس
شكرا أختي الشاوية ، اضافة فقط الغرس هو نوع من التمر لمن لا يعرفه
شكراً يا غوالي
اشكرك اختي
نخن نسميها رفيس زيراوي تعتبر افضل واحسن اكلة عندي امممممممممم 
امممممممممم يعطيك الصحة