slm labnat rani nhawas 3la mawdo3 dareto om nivin w dok mal9itoch fih les gateaux ta3ha ta3 l3id li fat
اختي انا اتابع مواضيع ام نيفين و لكن عندي فقط الصورة
سوف احاول تحميلها
ya3tik a7a 5ti
معمول ام نيفين
بسم الله الرحمن الرحيم
أولا خدمت العجينة:
* 250غ زبدة فلوريال+100غ سكر قلاسي و نخدمو مليح بالباتور حتى تصبح كريمة+قشور ليمون+2 بيضات+ 1 م ص خميرة القاطو+ 550 غ فرينة و نلايمو العجينة بلا ما نعجنو
الحشو:
100غ لوز محمص و مرحي+ 100غ بيستاش *فستق* محمص و مرحي+ 75غ سكر عادي+ نبلو بماء الزهر ماشي بزاف حق ما يشمخو شوية برك
و ضرك نبداو نشكلو المعمول نتاعنا
نشكل العجينة بحجم جوزة ثم نعمل ثقبة في الوسط و نضع كمية من الحشوة و نغلق العجينة ثم ندخلها في طابع المعمول و نضغط جيدا ثم نخبطو المول فوق طرشونة حتى تخرج الحبة
بعد ذلك نحطوهم في صينية و نرشق من فوق نص حبة فستق
و نطيبوهم على نار هادئة حتى يصبح ذهبي اللون من تحت فقط و نتركه أبيضا من فوق
و الصور توضح أكثر:
أتمنى أن ينال إعجابكم
جاري البحث على باقي الوصفات
أنا درت مادلان لي يتباع برا رحيتو جيدا+واش عندك مكسرات مرحية + و تلميهم بالعسل أو المربى ما تكون تتفرتت ما تكون جارية لازم تكون معتدلة و نشكلو حربوش و نخليوه جانبا
أما بالنسبة لعجينة اللوز شريتها واجدة تتباع في المحلات بصح كاين أنواع أنا شريت النوعية الأولى لي جي من الخارج (فيها الأبيض و الأخضر و الوردي) جي بنينة و تحسي بذوق اللوز فيها
بالنسبة للبيضاء تستعملي البيضاء و تزيديلها الملون الأبيض و تحليها بالحلال حوالي 1 سم و تحطي فوقها الحربوش السابق و تدوري دورة وحدة و تقطعي الزائد
ثم تقطعيهم مقروطات
ثم بواسطة فرشاة لي نديرو بيها (faire a joux) تكون جديدة نلمع الحبات بالبريون غبرة بعد ذلك نزينهم من فوق بالوردات (باش يجي اللون الأصفر في وسط الوردة نضع كمية من عجينة اللوز ملونة بالأصفر ثم نضع فوقها عجينة بيضاء (طابع الوردة راهو مصور في وصفة سابلي بالشكلاطة في مواضيعي)
و نفس العملية بالنسبة للكفتة الخضراء …
هذا أول موضوع ليا في هذا المنتدى الرائع.. أتمنى أن تقبلوني بينكم و أن تعجبكم مواضيعي و بإذن الله نكون عند حسن ضنكم
المقادير: (هذه مقادير طبقة واحدة)
*400 غ كوكاو أو لوز بالقشور محمص و مرحي
*225 غ الى 250غ سكر قلاسي
*100 غ فرينة
*50 غ زبدة ستار
*بياض 7 بيض كالثلج
*فاني
كريمة الزبدة:
*400 غ مارغرين لابال
*سكر قلاسي حسب لذوق(الحلاوة)
*فاني
=
في الخلاط الكهربائي نخلط الماغرين و السكر جيدا حتى يولي كريما
التحضير:
* نخلط الكوكاو +السكر+الفرينة مليح +زبدة و نخدمو مليح الخليط بكفوف اليدين (كيما البربوشة) و نضيفو البياض كالثلج و نخلط غير بشوية من الاسفل الى الاعلى
ثم نفرغ الخليط في بلاطو خاص بالبسكوي رولي مدهون بالزبدة و ندخلو للفرن يطيب على نار هادئة كيما السابلي حتى يجمد و يحمار غير شوية
نقلبو على لوحة و نخليه يبرد تماما ثم ندهن الوجه بكريمة الزبدة
و في هذا الوقت نخدمو الطبقة الثانية و كي تبرد تماما نحطوها فوق الطبقة الاولى و ندهنوها هي كذلك بالكريما ثم نقطع الحواشي و نفتتهم على الوجه ثم نكمل التزيين باللوز ايفيلي
و نخليه يبات ليلة كاملة باش يطرى و يجي ساهل فالتقطاع و الغدوة من داك نقطعوه مربعات
و ألف صحة و هنا
جربوه و ردولي الخبر
سابلي بالشكلاطة جديد و تحفة من مطبخي
أولا عجينة السابلي:
250غ فلوريال+125غ سكر قلاسي و نخدموهم مليح بالباتور+قشور الليمون+2 صفار بيض+1/2 م ص خميرة القاطو+550غ فرينة و نلايمو بيدينا ما نعجنوش
* نحلل العجينة فوق قطعة بلاستيك و نغطيها كذلك باش ما تلسقش فالحلال بسمك حوالي 1/2 سم ثم تقطعيها بالشكل لي تحبي نطيبوهم في نار هادئة و نلصقو وحدة مع وحدة بمعجون المشمش+حلوة الترك مبشورة
ثم نغلفهم بالشكلاطة أنا استعملت 3اومباسادور نوار+ 4 مغارف كبار مارغرين و حطيتهم في غميقة في الميكروويف**ميكررواوند** و نحرك بين 30 ثانية و أخرى حتى تصبح جاهزة للإستعمال
أما بالنسبة للوردات كاين طابع مخدوم بالسيليكون فيه 24 نوع من الورد و أنت استعملي الي يعجبك
نجيبو عجينة اللوز أو عجينة التزيين ـ أنا درت الثانية طريتها بيديا و زدتلها ملون أبيض **غبرة بيضاء** باش تولي بيضا ء ناصعة نديروها فالشكل الذي نريد و نخبطو المول في حاشية نتاع طبسي باش تخرج **نستعمل شوية نشاء باش ما تلسقش** و نزينو حبات السابلي قبل ما تنشف الشكلاطة
ثم نرشهم من فوق بالبريون brillant فضي
و هنا الصور توضح أكثر
baraka allaho fik
w la recette ta3 petitfor li rahi dayratha 3andak???????