السلام عليكم و رحمة الله تعالى و بركاته
اليوم رايحة نقدملكم وصفة الشريك الي نقدموه مع السماط في الأعراس القسنطينية.
الشريك عادة نعملوه بالدقيق رطب ، و معندوش كيل يعني نخدموه بالعين فقط ، لكن في هذه الوصفة راني كيلت باش الأخوات كي يجربوه يجيهوم ساهل ، على هذا راني خلطت معاه الفرينة ، تبعوا معيا:
نصف كيلو دقيق عادي + نصف كيلو فرينة + ملح + كأس غير ربع سكر حرش +نصف كأس زيت + 4 م ك خميرة خبز + 2 بيض + 2 بياض ( الأصفر نحتفظ به باش ندهن) + حليب دافئ + ماء ورد.
نخلط المقادير كيما نعملو خبز الدار و نبل بشوية ماء ورد و نكمل بالحليب دافئ حتى نتحصل على عجينة طرية ،نغطيها و نخليها تطلع.
نعجن مليح ومن بعد نولي نسقيه بخليط الحليب و الزبدة ( أو سمن أو حتى مارغرين التوريق) حتى نتحصل على عجينة تلصق في اليدين .
ندهن صينية الفرن بالزيت ، وندهن اليدين أيضا و نلوز الشريك حبات صغار بحجم حبة التريدة و نخليه يطلع حوالي ساعة و ممكن أكثر ثم ندهن بصفار البيض + الحليب و نرش الجلجلانية و نحطو يطيب ( طبعا الفرن يكون مسخن مسبقا)
مايديش وقت الطويل كي تشمي الريحة خلاص راه طاب (أنا الفرن تاعي يطيبلي الخبز بلا ما نشعل من فوق)
طبعا كل وحدة تعرف الفرن تاعها ، إن شاء الله تجربوه و تنجحوا فيه لأنه فعلا لذيذ.
سلامي للجميع
الف شكر
بارك الله فيك أم محمد نسمع يقولو شريك بصح ماعلاباليش وشيهوا؟؟؟اممممم هايل كون غير زدتي صورتيهولنا نشوفو
baraka allah fik akid ndiro wa ki na3raf nhot sowar photos
nwerihoulek merci beaucoup
ida momkin ma howa smat 
شكؤا اختي عيشك قوليلي الزبدة شحال
السلام عليكم و رحمة الله و بركاته
شكرا لكن اخواتي على الردود ، بالنسبة للزبدة ديري 90g في هذه الكمية تكفي .
أختي أم إسلام ، السماط هو آخر ما يقدم في الأعراس القسنطينية.
إذا كانت الدعوة للغذاء: نحطوا الغذاء و من بعد القهوة و في الأخير السماط ، إذا كانت الدعوة للعشاء : نحطوا القهوة و من بعد العشاء و أخيرها السماط.
السماط عبارة عن: محلبي أو فلان وإلا في 2 ، الشريك ، نوعان من الفاكهة أو سلطة فواكه ، مشروبات غازية و عصائر.
بالنسبة للشريك الناس ما عادتش ديروا لأنه يأخذ وقت عادوا يديروا ( شريك الفنيانة) لأنه ما يتعجنش و إن شاء الله رايحة نديروا موضوع.
سلامي للجميع.
baraka allah fik okhti constantine tres riche b les traditions wa bi nasha lmleh chokran 3a lma3louma ya3tik saha
رووووووووووووووووووووعة
شكرررررررررررررررررررررررا على وصفاتك المفيييييييدة مزيدا من كرمك
جزاك الله خيرا اختي ام محمد حنت من بكري نديروه كانت جارتنا قسنطينية ونحبوه بزاف .جزاك الله خيرا.
الصورة ان امكن
جزاك الله خيرا
شكراااااااااااااااا
شكرا لك و على وصفاتك الاكثر من رااااائعة