اختي تحبي تاع المالح ولا لحلوة تاع الميلفاي او تاع البريوش
هاكي هاد لابات فويتي ليوم درت بيها كيش ومحجوبة وكالدي ومعولا نخدم نشاالله 2 كلغ فرينة ونخبيها لرمضان ,1كلغ فرينة سيم نحي منها حفنة تحلي بيها و 500غ زبدة التوريق لابرزيان وكاس صغير زيت و ملح وماء تتبل يابسة حداري طريها متصلحش خليهاترتاح 30 دقيقة ومبعد حليها اعملي 4 قرون وضربي الزبدة في كاغتها تم حطيها في الوسط واغلقي مليح تم اطويها تور عادي وترتاح 15 د في الصيف في التلاجة وحليها بالطول دائما جهة الطي تكون على اليمين واطوي تور مزدوج 6مرات تم اقطعيها واخدمي وش حبيتي او خبيها في المجمد وكتسحقيها اجبديها في الليل باه تخدميها غدا او في الصباح في رمضان ديري بها الفطور
اختي نسيت نقلك 1كلغ فرينة يعملك 1,5كلغ بات فويتي وعندنا 1.5 يباع ب30000دج وساديبو كيفاه تكون
وكديريها فالدار تسقام 16000دج
شكرا لكن لكن هل هناك فرق بين الحلوة والمالحة انا راني حابة ندير بيها لي طارت و لي كيش و كاش مقبلات نسرقهم من عندكم يا الفحلات ههههه
يسلمووووووووو على المعلومات
اختي كاين عدة وصفات للعجينة المورقة انا جديدة في المنتدى ومزلت منعرفش نحمل الصور كنتعلم نعمل موضوع بالصور افضل للاستفادة للجميع واي سؤال انا في الخدمة .
حبيبة في المالح نقص شوية زيت وكيما قتلك ديري الملح وصبي الماء ودوبي الملح ولمي بالماء البارد باه كتحطي الزبدة مدوبش الماء حوالي اقل من كوبين وتكون ياسة تم ترتاح انا مزروبة خليتها 15 دقيقة وادا تحتوي على الخميرة لازم ترتاح في التلاجة من الاحسن باه تخملر اكتر ومتسيبش الريحة والزبدة تكوني مخرجتها قبل وتضربيها في الكاغط بالقراص تولي طرية شوية تحليها شوية باليد وتحطيها فوق العجينة تكوني عاملتلها4 قرون كالشابو و الزبدة كتخدميها بهده الطريقة باه تكون Lisse ادا خليتيها يابسة راح تقطع العجينة تقفلي كل الجوانب وتقرصي باه تزيد تتقفل تخليها 15 دقيقة تم تبداي في مرحلة التوريق ولازم ترشي ياسر الفرينة باه متلصقش تم تنفضيها بالبانسو من الافضل تاع الصباغ كيما يخدمو به فيه الريش ياسر نحي كل الفرينة باه متفسدش على بيها قتلك نحي حفنة في الاول تحلي بها وكتحليها مشي بلعقل باه متخرجش الزبدة و الطي مرة من جهة اليمين ومرة من جهة اليسار الميلفاي اعملي 8 الى 9 طيات وكل طية ترتاح 15 دقيقة
اختي العجينة المورقة فيها عدة انواع لي فيه الزيت نصف كاس تعملي بها الميلفاي و البالميي وطرطة طبقة مورقة وطبقة جنواز يعملوها بالبقايا بيناتهم الكريمة
اما الموالح اما تعملهم بعجينة نصف مورقة او انا افضل نقص الزيت
امل العجينة المورقة تاع الكرواسون فيها السكر والبيض و الخميرة ومحسن الخبز
وعندي وصفة تاع السويس بالعجينة المورقة