اخواتي الكريمات
اليوم نبتدئ ورشة
لفستان عرس مطرز بالاستراس
اومايسمى الغاماج
ان شاء الله تكون الطريقة واضحة ونقدر نوصل الفكرةكما ينبغي
لمرحلةالاولى
لازم نوجد الفستان
يصلح في الساتان اختاروا اي نوع يناسبكم المهم يكون طري
يتفصل الفستان عادي ويتخيط كامل ونكويه جيدا ومن بعد نبدى العمل
لازم يكون متوفرمكواة بالبخاراو هدا البيسطولي البديل
وهد الانواع من ليستراس
انا خيرت هده الرشمة وكبرتها ببرنامج الرسام وطبعتها ونقلتها على البلاستيك
نحطها فوق الفستان ونكونوا علّمنا مكان الرشمات
وننقلها على الفستان بورق الكربون
هنا حطيت ليستراس على طول خط الرشمةبنفس البعد
انتوما ديروبشويةومن بعد الاحتراف تعودوا ديرواالرشمة كاملة
هنا كملت حطيت ليستراس من اللون الابيض الصغير حسب الرشمة
الان نأتي للجدّ
بهدوء نجيب قطعة قماش والافضل كتان ونحطها فوق ليستراس لي فوق الرشمة ونغطيها بهدوء
ونحط المكواه عليها بلطف
ونضغط على الزر لي يخرج البخار
ونخليها ثواني فوق القماش ونحيها ونكرر العملية مرتين اوتلات
وانتبهوا لاتحرقوا القماش مع انو البخار مايحرقش الا ان الاحتياط واجب
هنا نركب البرلاج الصغير اختاري اللون لي تحبي والاكيد يكون يخرج على الفستان
هنا ماركبتهمش بالخيط
المرحلة الجاية نوريلكم كفاه
هدا الشكل الاوليّ
الصورة مأخوذة في الظلمة ماتبانش جيدا
الى هنا تنتهي المرحلةالاولى
المرة الجاية نكملوا لي جوتي والرقبة
ان شاء الله الشرح يكون مفهوم
واي سؤال انا في الخدمة
ملاحظة
لازم المكواة تكون بالبخار حتى لا ينحرق القماش
ليستراس اشروا النوع لييكون من تحت رمادي مش اخضر لانوالرمادييلصق ومايتنحاش
عندالضغط على زر البخار اضغطوا على القماش ثواني بسيطة
وكرروا العملية مرتين اوتلات
بهد الطريقة تضمني انهم مايطيروش حتى عند الغسل
نسيت نقلكم بلي فصالة الفستان من تحت تكون اافازي
هذا باترون الفستان وماتضحكوش على الرسم راني هاوية منيش مصممة هههههههه
TP =محيط الصدر
TT=محيط الخصر
TH=toure de hanche
غابتلي بالعربية
نحطوا القماش بالطول ونثنيوه على 2
نهز المقاييس هدي ونقسم على 2
ونعلم ومن بعد نرسم ومن بعد نقص بمقص حاد
كي نفتح القماش نتحصل على جزء امامي من الفستان
نعاود نثنيه ونحطو على القماشالمتبقى ونقص نتحصل على الجزءالخلفي
المرحلة التانية
اولا هده هي الرشمة اللي استعملتها
جبتها من النت كبرتها بالرسام وطبتعا ونققلتها
حطيتها على الرقبة وسمرتها بالدبابيس
دخلت تحتها ورق الكاربون
ودرت الرشمة
وحطيت ليستراس وخدمت كما المرة الولى
تحصلت على هدا
الان نأتي لطريقة تركيب الاستراس
طبعا منحبش نستعمل الخيط ابدااا
نستعمل super glue
نحط منها القليل على البارلاج ونثبتها مكانها على الرشمة
ونضغط بين السبابةوالابهااام
لازم الابهام يكون من تحت
والا القندورة رحتلصق مع بعضاها
حداري عند استعمال هدا اللاصق لانو خطييير ولوكان يتاشي القندورة مايتنحاش
هنا كملنا ذيل الطاووس
هنا الرقبة كاملة تماما
وهده لما كملت تماما ارجو ان تعجبكم
اللي افدتها ولو بفكرة ماتنساش تدعيلي
ان يحفظ الله لي زوجي واولادي وان يبارك لي فيهم
السلااام حتى المرحلة المقبلة
يعطيك الصحة أختي أم كوثر، ما شاء الله عليك كل اصبع بصنعة 
الطريقة مفهومة وواضحة وماذا بيك تكملي جميلك وتحطي الفصالة كيما وعدتينا
مع أني تعاملت مع الخياطة ولكن ولا مرة جربت نخدم بالاستراس راكي حطيتيهالي في بالي.
بارك الله فيك على الموضوع المميز وننتظر جديدك دوما هنا وفي المطبخ
يعطيك الصحه اختي ام كوثر في تميز دوما سلكت يداكي والله تبانمشريه وخدمه متقونه مادا بيك تكملي خيرك وتحطيلنا الفصاله بلي طاي شكرا مسبقا ربي يحفظلك عائلتك تحياتي
روعة يعطيك الصحة وربي يحفظك
ماشاء الله والله طريقكتك ساهلة خلاص أنا في بالي فنانة في المطبخ ظهرتي الله يبارك حتى في الخياطة بارك الله فيك أستاذة وربي يحفظلك يديك ويباركلك في أولادك ومولا بيتك في إنتظار تكملة الموضوع
444444444444444444444444444
شكرا على الطريقة اعطيك الصحة
ما شاء الله ربي يحفظ هاذوك اليدين
اللهم احفظ لها زوجها واولادها و بارك لها فيهم
بارك الله فيك ام كوثر ربي يخليك لوليداتك و يصلحهم لك
ما شاء الله …. خدمة متقونة ومتحوفة يعطييك الصحة و في انتظار القادم ان شاء الله ….
رووووووووووووووووووعة رووووووووووووووووووووعة الله يبارك فيك اول مرة نشوفو وبشرحك راهو يبانلي ساهل ان شاء الله ندير القلب ونخدمو اجرك عظيم بارك الله فيك
هكذا نحبك ، ركزي مع الفستان نتاعك وخياطاتك خليني أحسن 
والله راكي متعددة المواهب ماشاء الله ( مانيش نحسد غير نعاين برك )
ربي يحفظلك زوجك ووليداتك من كل سوء ويكبر أولادك في طاعة ربي 
نستنى تكملي الفستان كامل ونوريه لاختي تسرقلك الافكار
السلام عليكم
منورين الموضوع اخواتي
مازال الستان فيه رتوشات ويطلع احسن واججمل فقط طولوا بالكم
انتظروا التكملة
ومادابيا نشوف تطبيقات حتى لو على قطعة صغيرة من القماش