صباح الخير حبيباتي ………….راني بقيت غير انا الاستادات كلهم هربو هههههههههه
رايحة نشرحلكم طريقة هاد الصدر الشباب ………..كيما انا ههههههههههههههه
عن قرب
كيما تلاحظو الالوان هي لي تمد للصدر جمالو و اناقتو …………و كل واحدة تخير الالوان لي تعجبها لكن انتبهو ما تكونش مخلطة بالاسود و تكون الوان فاتحة دوما باه تبان من خلال الاسود
نحتاجو 5 الون ……….01 كبة من كل لون + 04 كبات اسود
هاهو كي كمل شحال جا شباب ………..ضفتلو اليدين حسب الطلب
هيا تشجعو و اشرو الخيط هههههههههه
نبداو على بركة الله نخدمو الورود انا هنا خدمت 4 من كل لون اي 20 زهرة لان صاحبة الصدر لاطاي تاعها صغيرة ماشي كيما انا دبدوبة ههههههههههه
لي تشوف روحها سمينة دير 22 او 24
راح نشرحلكم في خيط خشين و نتمنى يكونو الصور واضحين و للعلم هي تقريبا نفس الوردة لي خدمناها في الصدر الوردي 1 تختلف البداية فقط
نخدمو 8 سلسلة و نغلقو بمنزلقة ………….نرتفع ب 3سلسلة و نخدم 30 عمود و نغلق بمنزلقة + 3 سلسلة
نقلب الوردة و ندير منزلقة في المكان لي فيه نقطة
بهاد الشكل
بعدها ندير 6 سلسلة+ حشو في الاماكن المحددة بالنقاط و لي راني مخلية 5 اعمدة في كل مرة و هكدا باه نتحصل على السلاسل لي نخدم فيهم الطبقة الثانية تاع الوردة
كي نكملهوم نعمر كل واحدة ب 8 اعمدة + حشو + 8 اعمدة + حشو حتى نكمل اسفة ضاعتلي الصورة ههههههههههه
و هاهي النتيجة
نكرر نفس العملية باه نخدم الطبقة 3 تاع الوردة
نخدمو العدد المطلوب تاع الورود كمرحلة أولى
هاهوم الالوان لي استعملتهوم
كي نكمل نلصقهوم بالابرة و الخيط بالترتيب لي يعجبكوم
او كيما هاكا هههههههههههه راني نقصر برك هاد القلب نهديه لكل حبيباتي الفحلات
نبداو من الجهة العلوية للصدر ………..الصورة توضح
السطر الثاني نخدم كالتالي …………1 عمود + 1 سلسلة + 1 عمود و هكدا ……….أي مرة ندير 1 سلسلة و مرة مباشرة 2 أعمدة باه تخرجلنا غرزة v
السطر الثالث هههههههههههه ضاعت الصورة تبعو مليح الشرح ………وسط كل عمودين ………(لي بيناتهم 1 سلسلة ) نديرو 1 عمود ونزيدو 2 سلسلة + 1 عمود وسط العمودين التاليين نتمنى الشرح يكون واضح
السطر الرابع و الاخير …….05 اعمدة في الفراغ لي بين الاعمدة + 1 سلسلة + حشو في الفراغ التالي + 1 سلسلة + 5 اعمدة في الفراغ التالي
أي فراغ نعمروه و فراغ فيه غرزة الحشو كما في الصورة
ننتقلو للجهة السفلية للصدر
نربطو الخيط في احدى البتلات ..نخدمو 3 سلسلة لي نرتفعو بيهم كالعادة + 1 عمود + 1 سلسل +1 عمود + 5 سلسلة و ننتقلو للبتلة الثانية نخدمو 1 عمود + 1 سلسل +1 عمود …………. + 8 سلسلة و ننتقلو للوردة التالية و نكملو نفس العمل
تلاحظو انو بين البتلتين نديرو 5 سلسلة و بين الوردتين نديرو 8 سلسلة …………….انتبهو مليح كي تكونو تخدمو و ركزو في الشرح
السطر الثاني ديروه بالاسود انا غلطت برك ههههههههه شفتو حتى الاستادة تغلط ما يغيضكومش الحال كي تغلطو
نربطو الخيط وسط العمودين لي بيناتهم 1 سلسلة و نرتفعو ب 3 سلسلة + 1 عمود + 1 سلسلة +1 عمود واضح ؟؟؟ و نكملو نخدمو 1 عمود لاحظو ما درناش سلسلة مباشرة (عمود + 1 سلسلة + 1 عمود ) نكرر العملية لي بين قوسين كاتالي ………..بين البتلتين 2 مرات و بين الوردتين 3 مرات ……شفتو زعمة رياضيات هههههههههههه
السطر الثالث ……….نربطو الخيط وسط العمودين لي بيناتهم 1 سلسلة و نرتفعو ب 3 سلسلة + 1 عمود + 1 سلسلة +1 عمود هنا يسهال العمل تولو تخدمو بلاما تحسبو لانو تكرار فقط ………..لكن ركزو مليح باه يخرج شكل الزيقزاق كيما تاعي كي تخدمو الاعمدة مرة نخلو 1 سلسلة و مرة ما نخلوش و نفس المكان لي نبداو نخلو فيه السلسلة نكملو دايما نخلو فيه
يستمر نفس العمل نبدلو الالوان فقط لكن السطر الاسود دوما يكون بين اللونين
كملت الالوان 5 تاعي و لحقت للسطر الاخير ………لي ما ديرش ليمونش تخدم كل السطر نفس العمل ….أي .نربطو الخيط وسط العمودين لي بيناتهم 1 سلسلة و نرتفعو ب 3 سلسلة + 5 أعمدة + 1 سلسلة + غرزة حشو بين العمودين التاليين و لي بيناتهم سلسلة دائما + 1 سلسلة + 5 أعمدة و نكملو
و الجماعة لي يخدمو ليمونش تبعو معايا
نقيسو منتصف الوردتين كما في الصورة و نحكمها بمساك تاع الخمار من 4 جهات باه نعينو مكان بداية و نهاية المونش و نلاحظو انو كل مونش فيه 4 وردات
نخدمو الجهة تاع الامام
نخدمو الجهة تاع الامام بالغرزة لي شرحتها بالنسبة للي ما يديروش المونش تجي على شكل اقواس و كي نوصلو للمكان لي فيه المساك نغيرو الغرزة………………….و نخدمو منطقة المونش بالغرزة السابقة لي بدينا بيها الصدر
و نكررو نفس ترتيب الالوان لي خدمنا بيه الصدر باه يجي تناسق
حتى نكملو المونش بالشكل التالي
بالتوفيق للجميع
روعة ما شاء الله يعطيك الصحة و بالتوفيق ان شاء الله
ya3tik saha ostada hada wine fahamete mlih chahle ncheri
صدر شباب الله يبارك وألوان تحفة بالتوفيق
ان شاء الله نكون معاك
بصح نخدمهم صغار
نخدم 2 باه منغريش ابنتاي
|
المشاركة الأصلية كتبت بواسطة الجزائرية المحبوبة
 ان شاء الله نكون معاك
بصح نخدمهم صغار نخدم 2 باه منغريش ابنتاي |
بصحتهوم مسبقا و ربي يخليهوملك
|
المشاركة الأصلية كتبت بواسطة ghalemmm
صدر شباب الله يبارك وألوان تحفة بالتوفيق
|
و غير انت لي تخدمي كوكتال ههههههههههههه ……………….كسلي على يديك و اخدمي معانا
|
المشاركة الأصلية كتبت بواسطة polyma
ya3tik saha ostada hada wine fahamete mlih chahle ncheri
|
راني نستنى فيك يا الشاطرة كي تشري حطيلي نشوف الوانك
|
المشاركة الأصلية كتبت بواسطة sofiane2075
روعة ما شاء الله يعطيك الصحة و بالتوفيق ان شاء الله
|
العفو استادتنا الكبيرة خيركم اسبق ………..
ان شاء الله نكون في الموعد لا مادرتهاش بيا و تقطعت الانترنت
انا كلشي راني موجداه
ربي يجعله في ميزان حسناتك يا رب
|
المشاركة الأصلية كتبت بواسطة حنين الوطن
ان شاء الله نكون في الموعد لا مادرتهاش بيا و تقطعت الانترنت
انا كلشي راني موجداه ربي يجعله في ميزان حسناتك يا رب |
العفو حنين راني في الخدمة دوما ………دعواتكم برك
ما شاء الله يعطيك الصحة
دائما معك سوف اطبق بدون اى نقاش وبكل سرور
|
المشاركة الأصلية كتبت بواسطة didahe
ما شاء الله يعطيك الصحة
دائما معك سوف اطبق بدون اى نقاش وبكل سرور |
هههههههههههههه وين نروح تجي مورايا ………شحال راكي خادمة من صدر ؟؟؟
مرحبا بيك اكييييييييييييييييد
واش نقولك يعطيك الصحة ياميرة راني دايما نتابع الجديد منك راني نخدم في صدر بالالوان بصح مزال ماكملتوش راكي تعرفي خدمة برا وحدمة دار ما نلقى فرصة نخدمو وان شاء الله اذا كملتو راني نوريهلكم باذن الله سلامي لكم
اميرة زينة دمتيييي متميزة……….والالوان لي اخترتيها روعة