واش رايكم

السلام عليكم واش رايكم تتعلمو اللهجة السعيدية والله حلوة كيما موليها . أنا راني قابلة نديرلكم les cours بصح ماشي باطل
ابتسامة للدقيقة الواحدة
حصري فقط عند حرة بنت الاحرار مضمون 100_100

موضوع جميييييييييييييل

موضوع رائع و ورانا نستناو الدروس

هههههه دارت موضوع ومنعرف وين راحت

نحن بانتظار الدروس …ولك منا دائما عدد الابتسامات المطلوبة

اسمحولي خاوتي راني مشغولة بالتدريس وراني كلما نلقى وقت راني ندخل بصح نوعدكم ان شاء الله نديرلكم les cours حتى تقولو صايي كيما نقولوها في لهجتنا
ملاحظة : القاف حنا نقولولها g اسمحولي مرة اخرى
الى السيد نبيل احنا نقولو هاتي جيبي . ونقولو كيفاه : واش , ولا, شتاه

..أنا نعرفها غاية
أيّا بصّحتكم الدروس ورانا في المتابعة

السلام عليكم جميعا انا من تيارت لكن عشت ودرست في سعيدة ودورك اماليا راهم مازالو في سعيدة لدا نعرف انهم كي يتخلعو على حاجة ايقولو يا بردي في تيارت انقولو يا حوجي وتاني هما مثلا كي نقولو جيب شيء بسرعة هما يقولو فيسع يعني بسرعة واحنا في تيارت انقولو بلخف ولا بالزربة يعني ازرباعطوني ابتسامات باش نكمللكم الدرس واسمحيلي اختي مولات الموضوععلى خاطر اسرقتلك تلاميدك انتي راكي مشغولة وانا راني فارغة شغل

صح … صح .. زهور ادا راكي باغية تعلميهم ديريلهم في صفحتك (راني غير نزعق معاك =نضحك معاك) .
الدرس الأول :
شششششش …. انتباه بركو ما تهدرو ولا درك نطردكم خارج المنتدى .
أبي : نقولله ب بضم الباء وزيرو على الباء
أمي : ام بضم الالف و تشديد الميم
الان : درك , بعد قليل : شويا هاكا , نتكلم معاك : نهدر معاك , نعم :واه , كيف حالك : كيراك أو كيراكي
توقفي :بركي , أنا أيضا :أنا تاني .
هيا انتهى الدرس الاول كما تجوش حافظينه الخطرا الجاية نعقبكم , تكتبوه 100خطرة على الصفحة وغادي نحفظكم بالواحد

ههههههههههههه أنا شاركت زيديني

أنا عندي اختي مزوجة في السعيدة روحت مرة توالها وسمعت شويه هدرتهم

هاذي ليك خويا نبيل : بخير : غاية و نشرب قهوة المساء : نعشوي
واش رايكم تجو تتعشو المشوي في سعيدة لانها معروفة بيه ونديروه في المناسبات المفرحة

مساء الخير يا تلاميدنا الشطار واش راكم مع الدروس غاية واش اللي جات في خاطرو سعيدة يتيمني نروح معاه =يتيمني ——- معناها يمر عليا او يفوت عليا يجي عندي اولا باش نروحو في رحبة يعني مع بعض واللي حاب يروح لسعيدة ما دا بيه يروح لزنقة الشوا راهم يعملو شوا على كيف الكيف وما تنسوش سعيدة بعيدة والماشينة غالية انا مانكدبش عليكم انروح غير في اللوطو ساعة ونص نكون تماك يعني هناك بابا يسكن في400 سكن واخي وماما في الار البيضا واخي اخر في لاقار واختي في لي كاستور