هي على وشك الطلاق

هي فتاة متزوجة منذ زوجها عمرو 26سنة شباب يعني تعرفو على بعض و تزوجو عمرو ما بخلها من حاجة المشكل انه هذا الزوج طلب من زوجتو العاملة انها تتحول و ترجع تسكن معاه في المدينة نتاعو للعلم انو كرالها دار وين تخدم هي من اجل راحتها على امل بعد ما تقدر تتحول تروح مع رجلها وين راح
قبل مدة صرى مشكل بينهم وراحت لدارهم بعد ما جاء زوجها باش يرضيها قالولو والديها بنتنا تسكون هنا وما تتبدلش وهنا بدا المشكل الاكبر لان هذا الزوج ما يرجعش في كلامو مهما كان ودرك راهي واصلة للطلاق
وين هو الحل وشكون الغالط بالرغم انو مازال يحاول معاها يلقى حل

أملا تقلبت الحكاية

المعروف أنو الزوجة تسكن مع راجلها

مي هذي راهي غالطة في حسابها ووالديها يزيدو يدعمو فيها ؟؟؟

مي الصراحة كون انا في بلاصتو : نقولها ريحي عند باباك و يماك راهم يخرجو عليك بااااااااااااااااي

+
ثم مادا ؟ هناك تفاصيل مخفية في الموضوع ، واش هو المشكل لي صارا بينتهم ؟

السلام عليكم

المفروض المرا تبع زوجها وين يكون حتى في اخر الدنيا قوليلها تنعل الشيطان وما تهدمش دارها بيدها

سلام الله

رب يجعل خير

برايي يطلق خير

العجب ولا يصرا في وقتنا
خلاها تسكن وين حابة و زيد راح يراضيها وين تلقا اكثر من هكذا كون انا في بلاصتو نخسر و نفارق و ما نزيدش نشوف فيها خلاص

انا حسب رايي تتبع راجلها خير و تلعن الشيطان و تحاول ترضيه

لا نعلم ان كان المتحدث من جهة الفتاة أو الشاب

المهم على الفتاة أن تذهب مع زوجها لأنها وافقت من البداية أنه يتم التحول بعد حين و عليها أن تقتنع بهذا الأمر

و على الشاب أن يصبر قليلا مع أهلها فربما هم من يقف بطريقها

تدخل كبار العائلة و عقلائها أفضل و حل أمثل

لكن أحس أن القضية أكبر من مشكلة التنقل كأنها فقط عذر

انا نحير علاه ديما مالين الطفلة يدخلو في النص هوما اللي زوجو ولا هي اللي زوجت؟

وهي كون كانت مرا ونص تاخذ راي راجلها لا مكانش فيه معصية كيعاد كي تطلق راح تطفر فيها هي

انا من رايي الراجل هدا ميزربش للطلاق

ويشوف كيفاش يحلها

قبل ما تتزوج المرا …..عير باباها و خاوتها
ولادك راح يميلو ليهم بنسبة هامة

الآن ماعادت تنفع كلمة لو، فقط انقضى زمنها ، لدينا مشكلة والمطلوب إيجاد لها حل ..
برأيي لا يتعجل بالطلاق إن كانت فقط نقطة الخلاف هذه وفي غيرها من الأمور راضي عن زوجته
بنفس الوقت يرسل لأهلها من لهم خاطر عندهم ويحاول إقناعهم ، ويؤكد لهم أنه لن يمنعها عنهم إذا احتاجوها ، اليوم الحمد لله مع تطور التكنولوجيا لم تعد منطقة بعيدة عن الأخرى

تحوس شكون الغالط
هي الغالطة
قولها تلعن الشيطان و تبع راجلها
فالمرأة مهما علا شأنها في المجتمع و تقلدت مناصب سامية فمصيرها زوجا و بيتها و اولادها هذو هوما السكينة و المودة و الرحمة الذين ذكرهم الله في القرآن الكريم
اما الرجل فعليه بالتريث و لا يتسرع في امر الطلاق و يحاول يقنع المراة و اهلها
و زيد كل شي علا جساب وش تفاهمو قبل الزواج في امر عملها
سلام

اكيد هي المخطئة فهي التي يجب ان تذهب للعيش مع زوجها و ليس العكس و ستندم اكيد ان اصرت على موقفها هذا

صراحة هي الغالطة وربي يهدي ولديها وراح نقلها بلي زوجها هو لي دوم ليها
وربي يصلح الأمور ويسهل بينتهم